ചരിത്രമുറങ്ങുന്ന പീരങ്കി മൈതാനത്തിന്​ ചരമഗീതം?

കൊ​ല്ലം: 'ഇ​വി​ടെ പ​ണ്ടൊ​രു മൈ​താ​ന​മു​ണ്ടാ​യി​രു​ന്നു' വ​രും​ത​ല​മു​റ​ക്ക്​ വി​ര​ൽ​ചൂ​ണ്ടി ക​ഥ പ​റ​ഞ്ഞു​കൊ​ടു​ക്കു​ന്ന ഗൃ​ഹാ​തു​ര​മാ​യൊ​രു ഓ​ർ​മ​യാ​​കു​മോ കൊ​ല്ല​ത്തി​ന്‍റെ ച​രി​ത്രം ഓ​രോ മ​ൺ​ത​രി​യി​ലും പേ​റു​ന്ന പീ​ര​ങ്കി മൈ​താ​നം? നൂ​റ്റാ​ണ്ട്​ പ​ഴ​ക്ക​മു​ള്ള ച​രി​ത്ര​ത്തി​ന്‍റെ ശേ​ഷി​പ്പാ​യി പീ​ര​ങ്കി മൈ​താ​ന​മെ​ന്ന പേ​രു​മാ​യി ഇ​നി ബാ​ക്കി​യു​ള്ള​ത്​ ഇ​ത്തി​രി മ​ണ്ണാ​ണ്. അ​വി​ടേ​ക്കും​ കോ​ൺ​ക്രീ​റ്റ്​ കൂ​ടൊ​രു​ക്കി ച​രി​ത്ര​ത്തി​ന്‍റെ അ​വ​സാ​ന ത​രി​യും വി​സ്മൃ​തി​യി​ലേ​ക്ക്​ ത​ള്ളാ​നൊ​രു​ങ്ങു​ക​യാ​ണ്​ അ​ധി​കൃ​ത​ർ.

ലാ​ൽ​ബ​ഹ​ദൂ​ർ ശാ​സ്ത്രി സ്​​റ്റേ​ഡി​യ​ത്തി​നും ഇ​ൻ​ഡോ​ർ സ്​​റ്റേ​ഡി​യ​ത്തി​നു​മാ​യി പ​കു​ത്തെ​ടു​ത്ത്​ കൊ​ണ്ടു​പോ​യി​ട്ട്​ ബാ​ക്കി​യാ​യ ഇ​ത്തി​രി സ്ഥ​ല​ത്താ​ണ്​ ഇ​പ്പോ​ൾ അ​ധി​കൃ​ത​ർ ക​ണ്ണു​െ​വ​ച്ചി​രി​ക്കു​ന്ന​ത്. ക​ല​ക്​​ട​റേ​റ്റ്​ അ​ന​ക്സ്​ എ​ന്ന പേ​രി​ൽ റ​വ​ന്യൂ കോം​പ്ല​ക്സ്​ നി​ർ​മി​ക്കാ​ൻ ആ​ണ്​ ല​ക്ഷ്യം. അ​തി​നാ​യു​ള്ള ആ​ദ്യ പ​ണി​ക​ളൊ​ക്കെ ദ്രു​ത​ഗ​തി​യി​ൽ നീ​ക്കു​ക​യാ​ണ്​ റ​വ​ന്യൂ​വ​കു​പ്പും ജി​ല്ല ഭ​ര​ണ​കൂ​ട​വും. ​

ഹൗ​സി​ങ്​ ബോ​ർ​ഡ്​ നി​ർ​വ​ഹ​ണ ഏ​ജ​ൻ​സി ആ​യാ​ണ്​ റ​വ​ന്യൂ കോം​പ്ല​ക്സി​നു​ള്ള അ​ണി​യ​റ പ്ര​വ​ർ​ത്ത​ന​ങ്ങ​ൾ മു​ന്നേ​റു​ന്ന​ത്. 50 സെ​ന്‍റ്​ സ്ഥ​ല​ത്തി​ന്‍റെ രൂ​പ​രേ​ഖ ക​ല​ക്ട​ർ ഹൗ​സി​ങ്​ ബോ​ർ​ഡി​ന്​ കൈ​മാ​റി​ക്ക​ഴി​ഞ്ഞു. ഒ​മ്പ​ത്​ നി​ല കെ​ട്ടി​ട​ത്തി​ൽ ഉ​യ​രാ​ൻ വി​ഭാ​വ​നം ചെ​യ്യു​ന്ന കോം​പ്ല​ക്സി​ന്‍റെ രൂ​പ​രേ​ഖ ത​യാ​റാ​ക്കു​ന്ന പ​ണി​ത്തി​ര​ക്കി​ലാ​ണ്​ ഹൗ​സി​ങ്​ ബോ​ർ​ഡ്.

നി​ല​വി​ൽ 50 സെ​ന്‍റ്​ ആ​ണ്​ ന​ൽ​കാ​ൻ പ​ദ്ധ​തി​യെ​ങ്കി​ലും 50 സെ​ന്‍റ്​ കൂ​ടി ആ​വ​ശ്യ​പ്പെ​ട്ടി​ട്ടു​ണ്ട്. അ​തും ന​ൽ​കും എ​ന്നാ​ണ്​ അ​ധി​കൃ​ത​ർ വ്യ​ക്ത​മാ​ക്കു​ന്ന​ത്. ഒ​ടു​വി​ൽ ബാ​ക്കി​യാ​വു​ന്ന​ത്​ ലാ​ൽ​ബ​ഹ​ദൂ​ർ സ്​​റ്റേ​ഡി​യ​ത്തി​ലേ​ക്ക്​ റോ​ഡി​ൽ നി​ന്നു​ള്ള വ​ഴി മാ​ത്ര​മാ​കും.

ച​രി​ത്ര​ത്തി​ന്‍റെ തമസ്കരണം

കൊ​ല്ല​ത്തി​ന്‍റെ ച​രി​ത്ര​വും പീ​ര​ങ്കി മൈ​താ​ന​വും ഇ​ഴ​ചേ​ർ​ന്നു​കി​ട​ക്കു​ക​യാ​ണ്. തി​രു​വി​താം​കൂ​റി​ലെ ഏ​റ്റ​വും വ​ലി​യ മൈ​താ​നം എ​ന്ന്​ പേ​ര്​ കേ​ട്ട​താ​ണ്​ കൊ​ല്ലം ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്തു​ള്ള പീ​ര​ങ്കി മൈ​താ​നം അ​ഥ​വാ ക​ന്‍റോ​ൺ​മെ​ന്‍റ്​ മൈ​താ​നം. ക​​ന്‍റോ​ൺ​മെ​ന്‍റ്​ മൈ​താ​ന​ത്തെ പീ​ര​ങ്കി മൈ​താ​ന​മാ​ക്കി​യ​ത്​ അ​വി​ടെ സൂ​ക്ഷി​ച്ചി​രു​ന്ന അ​ഞ്ച്​ പീ​ര​ങ്കി​ക​ളാ​യി​രു​ന്നു. അ​വ ഇ​ന്ന്​ സ​ർ​ദാ​ർ വ​ല്ല​ഭാ​യി പ​ട്ടേ​ൽ സ്​​റ്റേ​ഡി​യ​ത്തി​ലെ പൊ​ലീ​സ്​ മ്യൂ​സി​യ​ത്തി​ൽ കാ​ണാം. കേ​ര​ള​ത്തി​ന്‍റെ ന​വോ​ത്ഥാ​ന​ച​രി​ത്രം മു​ത​ൽ മ​ഹാ​ത്മാ​ഗാ​ന്ധി വ​രെ​യാ​യി ആ ​ച​രി​ത്രം 21.69 ഏ​ക്ക​റി​ൽ വി​ശാ​ല​മാ​യി കി​ട​ക്കു​ക​യാ​യി​രു​ന്നു.

വേ​ലു​ത്ത​മ്പി ദ​ള​വ​യു​ടെ നേ​തൃ​ത്വ​ത്തി​ൽ ബ്രി​ട്ടീ​ഷു​കാ​ർ​ക്കെ​തി​രെ ശ​ക്ത​മാ​യ പോ​രാ​ട്ടം ന​ട​ന്ന മ​ണ്ണ്​ എ​ന്ന ഖ്യാ​തി​യും ഈ ​മൈ​താ​ന​ത്തി​ന്​ സ്വ​ന്തം. 1809 ജ​നു​വ​രി 15ന്​ ​ദ​ള​വ​യു​ടെ നേ​തൃ​ത്വ​ത്തി​ൽ തി​രു​വി​താം​കൂ​ർ സൈ​ന്യ​വും കേ​ണ​ൽ ചാ​മേ​ഴ്​​സി​ന്‍റെ നേ​തൃ​ത്വ​ത്തി​ൽ ഈ​സ്റ്റ്​ ഇ​ന്ത്യ ക​മ്പ​നി​യു​ടെ സൈ​ന്യ​വും ഏ​റ്റു​മു​ട്ടി​യ ​കൊ​ല്ലം യു​ദ്ധം ഇ​വി​ടെ​യാ​ണ്​ ന​ട​ന്ന​ത്​.

സം​സ്ഥാ​ന​ത്തി​ന്‍റെ ന​വോ​ത്ഥാ​ന ച​രി​ത്ര​ത്തി​ലെ പ്ര​ധാ​ന ഏ​ടാ​യ 1915 ലെ ​ക​ല്ലു​മാ​ല സ​മ​ര​ത്തി​ന്‍റെ സ​മാ​പ​ന കേ​ന്ദ്ര​മാ​യ​തും പീ​ര​ങ്കി മൈ​താ​ന​മാ​ണ്. ക​ല്ലു​മാ​ല സ​മ​രം കൊ​ടു​മ്പി​രി കൊ​ണ്ടി​രി​ക്കേ അ​ന്ന്​ പീ​ര​ങ്കി​മൈ​താ​നി​യി​ൽ ത​ല​ശ്ശേ​രി​ക്കാ​രി ര​ത്‌​നാ​ഭാ​യി​യു​ടെ ഉ​ട​മ​സ്ഥ​ത​യി​ൽ ന​ട​ന്നു​കൊ​ണ്ടി​രു​ന്ന സ​ർ​ക്ക​സ് കൂ​ടാ​ര​ത്തി​ൽ ​െവ​ച്ചാ​ണ്​ അ​യ്യ​ൻ​കാ​ളി​യു​ടെ നേ​തൃ​ത്വ​ത്തി​ൽ സ​മ്മേ​ള​നം ന​ട​ന്ന​ത്.

ആ​യി​ര​ക്ക​ണ​ക്കി​ന്​ പു​ല​യ​സ്ത്രീ​ക​ൾ ക​ഴു​ത്തി​ലെ ക​ല്ലു​മാ​ല​ക​ൾ പൊ​ട്ടി​ച്ചെ​റി​ഞ്ഞ ന​വോ​ത്ഥാ​ന നി​മി​ഷ​ത്തി​നാ​ണ്​ അ​ന്ന്​ ഈ ​മൈ​താ​നം സാ​ക്ഷ്യം വ​ഹി​ച്ച​ത്. പി​ൽ​ക്കാ​ല​ത്ത്​ 1927ൽ ​മ​ഹാ​ത്മാ​ഗാ​ന്ധി ജ​ന​ങ്ങ​ളോ​ട് സം​വ​ദി​ച്ച​തും ഇ​വി​ടെ​യാ​ണ്. 1938 ലെ ​ചി​ങ്ങം വി​പ്ല​വം അ​ഥ​വാ ക​ന്‍റോ​ൺ​മെ​ന്‍റ്​ വി​പ്ല​വ ഭൂ​മി​യാ​യ​തും ച​രി​ത്രം. മ​ഹാ​ത്മാ​ഗാ​ന്ധി​യു​ടെ നി​ർ​ദേ​ശ​ത്തെ തു​ട​ർ​ന്ന് നി​സ്സ​ഹ​ര​ണ സ​മ​ര​ത്തി​ൽ പ​ങ്കെ​ടു​ക്കാ​ൻ എ​ത്തി​യ ആ​ളു​ക​ളു​ടെ നേ​ർ​ക്ക് പൊ​ലീ​സ് ന​ട​ത്തി​യ വെ​ടി​വെ​പ്പി​ൽ മ​രി​ച്ച ആ​റ്​ പേ​രു​ടെ​ ചോ​ര​വീ​ണ മ​ണ്ണാ​ണ്​ പീ​ര​ങ്കി മൈ​താ​ന​ത്തേ​ത്. ആ ​ചോ​ര​ക്ക്​ മു​ക​ളി​ൽ ച​വി​ട്ടി​നി​ന്നാ​ണ്​​ ഇ​ന്ന്​ ച​രി​ത്ര​നി​ഷേ​ധം അ​ര​ങ്ങേ​റു​ന്ന​ത്.

പകുത്തുകൊണ്ടുപോയ മൈതാനം

ലാ​ൽ ബ​ഹ​ദൂ​ർ സ്​​റ്റേ​ഡി​യം, ക്വ​യ്​​ലോ​ൺ അ​ത്​​ല​റ്റി​ക്​ ക്ല​ബ്, സ്​​പോ​ട്​​സ്​ ഹോ​സ്റ്റ​ൽ, നീ​ന്ത​ൽ​കു​ളം എ​ന്നി​ങ്ങ​നെ കാ​യി​ക​ക്കു​തി​പ്പി​നാ​യു​ള്ള സൗ​ക​ര്യ​ങ്ങ​ൾ​ക്കാ​യി പീ​ര​ങ്കി മൈ​താ​ന​ത്തി​ന്‍റെ ന​ല്ലൊ​രു പ​ങ്കും പ​കു​ത്തെ​ടു​ത്ത്​ പോ​യ​പ്പോ​ൾ ചെ​റു​ത​ല്ലാ​ത്തൊ​രു​ഭാ​ഗം ദേ​ശീ​യ​പാ​ത​യോ​ട്​ ചേ​ർ​ന്നു​ത​ന്നെ ബാ​ക്കി​യാ​യി​രു​ന്നു.

പൊ​തു​ജ​ന​ങ്ങ​ൾ​ക്ക്​ കാ​യി​ക​പ​രി​ശീ​ല​ന​ത്തി​നും പൊ​തു​പ​രി​പാ​ടി​ക​ൾ​ക്കും ഒ​ത്തു​ചേ​ര​ലു​ക​ൾ​ക്കും ആ ​ചെ​മ്മ​ൺ മൈ​താ​നം ഇ​ട​മൊ​രു​ക്കി. അ​വി​ടേ​ക്ക്​ അ​പ്ര​തീ​ക്ഷി​ത​മാ​യാ​ണ്​ ക​ഴി​ഞ്ഞ​വ​ർ​ഷം ഇ​ൻ​ഡോ​ർ സ്​​റ്റേ​ഡി​യ​വു​മാ​യി സ്​​പോ​ർ​ട്​​സ്​ കൗ​ൺ​സി​ൽ രം​ഗ​പ്ര​വേ​ശ​നം ചെ​യ്ത​ത്. അ​നു​വ​ദി​ച്ച​തി​ലും 20 സെ​ന്‍റ്​ കൂ​ടി എ​ടു​ത്ത്​ മൈ​താ​ന​ത്തി​ന്‍റെ ഭൂ​രി​ഭാ​ഗ​വും അ​വ​ർ കെ​ട്ടി​ത്തി​രി​ച്ച​പ്പോ​ഴും ബാ​ക്കി​യാ​യ ഒ​രേ​ക്ക​റോ​ളം ഭാ​ഗ​ത്ത്​ പീ​ര​ങ്കി മൈ​താ​നം നീ​ണ്ടു​കി​ട​ന്നു. എ​ന്നാ​ൽ, ഇ​പ്പോ​ൾ ആ ​നീ​ക്കി​യി​രി​പ്പും ന​ഷ്ട​മാ​ക​ലി​ന്‍റെ വ​ക്കി​ലാ​യ​​പ്പോ​ഴാ​ണ്​ പ്ര​തി​ഷേ​ധ​വു​മാ​യി നാ​ടൊ​ന്നി​ച്ച്​ രം​ഗ​ത്തെ​ത്തി​യി​രി​ക്കു​ന്ന​ത്.

നി​ർ​മാ​ണ​ത്തി​നെ​തി​രെ സി.​പി.​എ​മ്മും സി.​പി.​ഐ​യും

പീ​ര​ങ്കി മൈ​താ​നം കോ​ൺ​ക്രീ​റ്റ് കൂ​ടാ​ര​മാ​ക്കു​ന്ന​തി​നെ​തി​രെ സി.​പി.​എ​മ്മും സി.​പി.​ഐ​യും രം​ഗ​ത്തെ​ത്തി. ക​ല​ക്​​ട​റേ​റ്റ്​ അ​ന​ക്സ് നി​ർ​മി​ക്കാ​നു​ള്ള തീ​രു​മാ​നം രാ​ഷ്ട്രീ​യ നേ​തൃ​ത്വ​ത്തി​ന്‍റെ അ​റി​വോ​ടെ​യ​ല്ലെ​ന്നും ഉ​ദ്യോ​ഗ​സ്ഥ​രു​ടേ​ത്​ മാ​ത്ര​മാ​ണെ​ന്നു​മാ​ണ്​ ഇ​രു​പാ​ർ​ട്ടി​ക​ളു​ടെ​യും നേ​താ​ക്ക​ൾ പ​റ​യു​ന്ന​ത്. വി​ഷ​യം ച​ർ​ച്ച ​ചെ​യ്യാ​ൻ ഇ​രു​പാ​ർ​ട്ടി​ക​ളു​ടെ​യും ജി​ല്ല നേ​തൃ​ത്വം യോ​ഗം​ചേ​രും. സി.​പി.​എ​മ്മി​ന്‍റെ​യും സി.​പി.​ഐ​യു​ടെ​യും നേ​താ​ക്ക​ൾ ത​മ്മി​ലും ച​ർ​ച്ച ന​ട​ത്തും. അ​ന​ക്സ് നി​ർ​മാ​ണ​ത്തി​ന് മ​റ്റൊ​രു​സ്ഥ​ലം ക​ണ്ടെ​ത്താ​ൻ സ​ർ​ക്കാ​റി​നോ​ട് ആ​വ​ശ്യ​പ്പെ​ടാ​നാ​ണ് സാ​ധ്യ​ത.