എൻ.എസ്.എസിന് രാഷ്ട്രീയമില്ല; മുമ്പ്​ ശരിദൂരമായിരുന്നു, ഇപ്പോൾ സമദൂരമെന്ന് ജി. സുകുമാരൻ നായർ

ചങ്ങനാശ്ശേരി: ഉപതെരഞ്ഞെടുപ്പുകളിൽ സമദൂര നിലപാട് ആയിരിക്കും എൻ.എസ്.എസ് സ്വീകരിക്കുകയെന്ന്​ ജനറൽ സെക്രട്ടറി ജി. സുകുമാരൻ നായർ. പെരുന്ന എൻ.എസ്.എസ് ആസ്ഥാനത്ത്​ മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.

എൻ.എസ്.എസിന് രാഷ്ട്രീയമില്ല. മുമ്പ്​ ശരിദൂരം എന്ന നിലപാട് എടുത്തിരുന്നു. എന്നാൽ, ഇപ്പോൾ പൂർണമായി സമദൂരം എന്ന സ്വതന്ത്ര നിലപാടാണ് സമുദായത്തിനുള്ളതെന്നും ജി. സുകുമാരൻ നായർ പറഞ്ഞു.