ഗെയിൽ: മലപ്പുറത്ത്​ ​പ്രവൃത്തി ​നിർത്തില്ല; വീണ്ടും നോട്ടീസ്​ നൽകും

ഗെയിൽ പ്രകൃതി വാതക പൈപ്പ് ​​ൈലൻ ​പ്രവൃത്തി ​മലപ്പുറം ജില്ലയിൽ നിർത്തിവെക്കില്ലെന്നും ഭൂവുടമകൾക്ക്​ വീണ്ടും നോട്ടീസ്​ നൽകുമെന്നും ജില്ല കലക്​ടർ അമിത്​ മീണ അറിയിച്ചു. നിർദിഷ്​ട പൈപ്പ് ​ലൈൻ കടന്നുപോകുന്ന പ്രദേശത്തെ ജനപ്രതിനിധികൾ, രാഷ്​ട്രീയ പാർട്ടി പ്രതിനിധികൾ, ഉദ്യോഗസ്ഥർ തുടങ്ങിയവരുമായുള്ള ചർച്ചക്കുശേഷം  സംസാരിക്കുകയായിരുന്നു അദ്ദേഹം. 

​അലൈൻറ്​മ​െൻറ്​ സംബന്ധിച്ച്​ പൊതുജനങ്ങളുടെ ആശങ്കയാണ്​ ജനപ്രതിനിധികൾ പങ്കുവെച്ചത്​. ഇക്കാര്യത്തിൽ വ്യക്​തത വേണമെന്നും ഉടമകളെ രേഖാമൂലം അറിയിക്കണമെന്നും ​ആവശ്യമുയർന്നു. ​അലൈൻറ്​മ​െൻറ്​ നേരത്തേ പരസ്യപ്പെടുത്തുകയും രജിസ്​​േ​ട്രഡ്​ ​തപാലിൽ എല്ലാവർക്കും നോട്ടീസ്​ നൽകുകയും ചെയ്​തതാണ്​. എന്നാലും ​േയാഗത്തിലുണ്ടായ ധാരണപ്രകാരം ചൊവ്വാഴ്​ച മുതൽ വീണ്ടും നോട്ടീസ്​ നൽകും. ഭൂവുടമകൾക്ക് നൽകുന്ന നോട്ടീസിൽ, നഷ്​ടപ്പെടുന്ന എല്ലാ വസ്​തുക്കളെയും കുറിച്ചുള്ള വിവരങ്ങൾ ഉൾപ്പെടുത്തും. നഷ്​ടപ്പെടുന്നവയുടെ എണ്ണം, നൽകുന്ന നഷ്​ടപരിഹാരം എന്നിവ രേഖപ്പെടുത്തും. ഇതിന് പുറമെ അലൈൻറ്​മ​െൻറ്​ രേഖപ്പെടുത്തി നൽകും. ജനങ്ങളുടെ മുഴുവൻ ആശങ്കകളും തീർക്കുന്ന രീതിയിൽ റവന്യൂ ഉദ്യോഗസ്​ഥർ, ഗെയിൽ പ്രതിനിധികൾ എന്നിവർ സംഘത്തിലുണ്ടാവും. അനാവശ്യമായി ഭീതി പരത്തുന്ന രീതിയിൽ പൊലീസിനെ ഇത്തരം പ്രവർത്തനങ്ങളിൽ ഉപയോഗിക്കില്ലെന്ന് കലക്​ടർ അറിയിച്ചു.

ന്യായ വിലയുടെ 50 ശതമാനം നഷ്​ടപരിഹാരമായി നൽകും. കാർഷിക നഷ്​ടം കണക്കാക്കി നൽകാൻ കൃഷിവകുപ്പും ജനപ്രതിനിധികളും ചേർന്ന് ഉടൻ സമിതി രൂപവത്​കരിക്കും. വീടും ആരാധനാലയങ്ങളും ശ്മശാനങ്ങളും സംരക്ഷിക്കും. 10 സ​െൻറിന്​ താഴെ സ്​ഥലമുള്ള പ്രദേശങ്ങളിൽ സ്​ഥലത്തി​​െൻറ അരിക് ചേർന്ന് രണ്ട്​ മീറ്ററിൽ നിർമാണം നടത്തും. ജില്ലയിൽ 14 വില്ലേജുകളിലായി 58.54 കിലോമീറ്ററിലാണ്​ പൈപ്പിടുന്നത്​. ഒരു കിലോമീറ്ററിൽ പ്രവൃത്തി പൂർത്തിയാക്കി. അലൈൻറ്​മ​െൻറ്​ മാറ്റുക സാധ്യമല്ല. നിലവിലുള്ള സർവേ നമ്പറിൽ പരാതി പരിഹരിച്ച്​ എങ്ങനെ പ്രവൃത്തി തുടരാമെന്നാണ്​ ആലോചിക്കുന്നതെന്ന്​ ജില്ല കലക്​ടർ വ്യക്​തമാക്കി.