കഞ്ചാവ്​ കേസ്​ പ്രതികൾക്ക്​​ കോവിഡ്​ ലക്ഷണം; ആശുപത്രിയിൽ പ്രവേശിപ്പിച്ചപ്പോൾ മുങ്ങി

കുമ്പള: കഞ്ചാവ് കടത്തവേ കുമ്പളയിൽ അറസ്​റ്റിലായ രണ്ടുപേർ ആശുപത്രിയിൽനിന്നും മുങ്ങി. കാറിൽ കഞ്ചാവ് കടത്തവേ കഴിഞ്ഞദിവസം പിടിയിലായ മൂന്നുപ്രതികളിൽ അർഷാദ്(20), സൽമാൻ മിൻഹാജ് (23) എന്നിവരാണ് രാജപുരം പൊലീസ് സ്​റ്റേഷൻ പരിധിയിലെ പൂടങ്കല്ല് താലൂക്കാശുപത്രിയിൽ നിന്നും ബുധനാഴ്ച രാത്രി എ​േട്ടാടെ മുങ്ങിയത്.

കോടതിയിൽ ഹാജരാക്കിയ പ്രതികളെ കോവിഡ് സംശയത്തി​​െൻറ അടിസ്ഥാനത്തിലാണ് കോടതി ആശുപത്രിയിലേക്ക് മാറ്റാൻ ഉത്തരവിട്ടത്. തുടർന്നാണ് പൂടങ്കല്ല് ജില്ല ആശുപത്രിയിൽ പ്രവേശിപ്പിച്ചത്. അർഷാദ് കണ്ണൂർ മുഴപ്പിലങ്ങാട് സ്വദേശിയും സൽമാൻ മിൻഹാജ് ധർമടം സ്വദേശിയുമാണ്.