കാസര്‍കോട് ദേശീയപാതയില്‍ ഗ്യാസ് ടാങ്കര്‍ മറിഞ്ഞു; വാതക ചോര്‍ച്ച താല്‍ക്കാലികമായി നിയന്ത്രിച്ചു

കാസർകോട്​: കാസർകോട് -മംഗലാപുരം ദേശീയപാതയിലെ അടുക്കത്ത്ബയലിൽ ഗ്യാസ് ടാങ്കർ മറിഞ്ഞ്​ വാതകം ചോർന്നു. ബുധനാഴ് ​ച പുലർച്ചെ രണ്ടുമണിയോടെയാണ്​ അപകടം നടന്നത്​. മംഗലാപുരത്ത്​ നിന്ന്​ കോയമ്പത്തൂരിലേക്ക്​ പോവുകയായിരുന്ന ഗ്യാസ്​ ടാങ്കറാണ്​ മറിഞ്ഞത്​. ടാങ്കറിന്‍റെ ഗ്യാസ് നിറച്ചിരിക്കുന്ന ഭാഗവും മുന്‍ഭാഗവും തമ്മില്‍ വേര്‍പെട്ട് മുന്‍വശത്തെ വാല്‍വിലൂടെയാണ് വാതകം ചോര്‍ന്നത്.

ഫയർഫോഴ്സും പൊലീസും സ്ഥലത്തെത്തി. അപകട സാധ്യത മുൻനിർത്തി റോഡിലുടെ ഗതാഗതം തടയുകയും പ്രദേശത്തുള്ളവരെ ഒഴിപ്പിക്കുകയും വൈദ്യൂതി വി​േഛദിക്കുകയും ചെയ്​തു.

വാതക ചോര്‍ച്ച താല്‍ക്കാലികമായി അടച്ചിട്ടുണ്ട്. അപകടത്തിൽ പെട്ട ടാങ്കറിലെ വാതകം മറ്റൊരു ടാങ്കറിലേക്ക് മാറ്റികൊണ്ടിരിക്കുകയാണ്. ആറ് മണിക്കൂര്‍ നേരത്തേക്ക് വാഹനങ്ങൾ വഴി തിരിച്ച് വിടുമെന്ന് പൊലീസ് അറിയിച്ചു.

അടുക്കത്ത്ബയല്‍ ഗവ യു.പി സ്‌കൂളിന് ഇന്ന് (16-10-2019) ജില്ലാ കലക്ടര്‍ അവധി പ്രഖ്യാപിച്ചിട്ടുണ്ട്.