വീട്ടിനുള്ളിലും കൂടിച്ചേരൽ ഒഴിവാക്കണം -മുഖ്യമന്ത്രി

തിരുവനന്തപുരം: കോവിഡ്​ വ്യാപനം രൂക്ഷമായ സാഹചര്യത്തിൽ വീടിനുള്ളിലും കൂട്ടം കൂടുന്ന സാഹചര്യം ഒഴിവാക്കണമെന്ന്​ മുഖ്യമന്ത്രി പിണറായി വിജയൻ. ഭക്ഷണം കഴിക്കൽ, പ്രാർഥന, ടി.വി കാണൽ എന്നിവയെല്ലാം കൂട്ടമായി ചെയ്യാതിരിക്കുകയാണ്​ നല്ലത്​​. ഇവ ഒറ്റക്കോ പ്രത്യേകം പ്രത്യേകം മുറിയിലോ ആക്കാവുന്നതാണ്​.

അയൽവക്കക്കാരുമായി ബന്ധപ്പെ​േടണ്ട സാഹചര്യത്തിൽ ഇരട്ട മാസ്​ക്​ ഉപയോഗിക്കണം. അയൽക്കാരിൽ നിന്ന്​ സാധനങ്ങൾ വാങ്ങുകയോ ചെയ്യുമ്പോൾ നിർബന്ധമായും സോപ്പിട്ട്​ കൈ കഴുകണം.

പുറത്തു പോയി വരുന്ന മുതിർന്നവർ കുട്ടികളുമായി അടുത്തിടപഴകുന്നത്​ ഒഴ​ിവാക്കണം. വായുസഞ്ചാരം ഉറപ്പാക്കുന്നതിന്​ ജനലുകൾ തുറന്നിടണം. കുടുംബാംഗങ്ങളിൽ ആർക്കെങ്കിലും രോഗബാധയു​െണങ്കിൽ ആദ്യ ഘട്ടത്തിൽ അറിയാൻ സാധിക്കില്ല. അതിനാൽ ഭക്ഷണം കഴിച്ച ശേഷം പാത്രങ്ങൾ സോപ്പിട്ട്​ കഴുകണമെന്നും മുഖ്യമന്ത്രി ഓർമിപ്പിച്ചു.