ആർഭാട വിവാഹം: ആദായ നികുതി വകുപ്പിന്​ പരാതി നൽകി

തൃശൂർ: നാട്ടിക നിയോജകമണ്ഡലം എം.എൽ.എ ഗീത ഗോപിയുടെ മകൾ ശിൽപയുടെ വിവാഹത്തിന് ചെലവഴിച്ച പണത്തി​‍​​​െൻറ ഉറവിടം അന്വേഷിക്കണമെന്ന് ആവശ്യപ്പെട്ട് ആദായ നികുതി വകുപ്പിന്​ പരാതി. യൂത്ത് കോൺഗ്രസ് തൃശൂർ പാർലമ​​​െൻറ്​ മണ്ഡലം കമ്മിറ്റിയാണ്​ ആദായ നികുതി വകുപ്പ് അസി. കമീഷണർക്ക് പരാതി നൽകിയത്​.

തെരഞ്ഞെടുപ്പിൽ മത്സരിക്കാൻ കമീഷന് സമർപ്പിച്ച സത്യവാങ്മൂലത്തിൽ തനിക്ക് പാരമ്പര്യ സ്വത്തില്ലെന്നും ഭർത്താവ്  ഗോപിയുടെ കൈവശം 90,000 രൂപയും ത​​​​െൻറ പക്കൽ 500 രൂപയുമാണ് ഉള്ളതെന്നുമാണ്​ ഗീത ഗോപി ​െവളിപ്പെടുത്തിയത്​.  ഈ സാഹചര്യത്തിൽ സ്വർണാഭരണം വാങ്ങാനുള്ള പണം ലഭിച്ചതി​​​​െൻറയും   വിവാഹ ചടങ്ങുകൾ​ ആഡംബരമായി നടത്താനുള്ള പണത്തി​​​​െൻറയും ഉറവിടം അന്വേഷിക്കണമെന്നാണ്​ യൂത്ത് കോൺഗ്രസി​​​​െൻറ ആവശ്യം കേന്ദ്ര സർക്കാറി​​​​െൻറ പുതിയ നിയമപ്രകാരം 64 പവൻ  സ്വർണം മാത്രമേ കൈവശം വെക്കാവൂ.

എം.എൽ.എ കൂടിയായ ഗീത ഗോപി ഈ നിയമം ലംഘിച്ച സാഹചര്യത്തിൽ  അവരെ മാതൃകാപരമായി ശിക്ഷിക്കണമെന്ന്​ പരാതിയിൽ  ആവശ്യപ്പെട്ടു. പാർലമ​​​െൻറ്​ കമ്മിറ്റി ജനറൽ സെക്രട്ടറി ബാലു കനാൽ, ചേർപ്പ്​ മണ്ഡലം  പ്രസിഡൻറ്​ എം. സുജിത്ത്​കുമാർ എന്നിവരാണ്​ പരാതി അയച്ചത്​.

--