സൗമ്യശീലനായ കാനം രാജേന്ദ്രന് പ്രഗത്ഭനായ കമ്യൂണിസ്റ്റ് നേതാവ് -കെ.സുധാകരന്
text_fieldsതിരുവനന്തപുരം :സി.പി.ഐ സംസ്ഥാന സെക്രട്ടറി കാനം രാജേന്ദ്രൻ സൗമ്യശീലനായ കാനം രാജേന്ദ്രന് പ്രഗത്ഭനായ കമ്യൂണിസ്റ്റ് നേതാവായിരുന്നുവെന്ന് കെ.പി.സി.സി പ്രസിഡന്റ് കെ.സുധാകരന്. ദിശാബോധത്തോടെ സി.പി.ഐയെ നയിക്കാന് അദ്ദേഹത്തിന് കഴിഞ്ഞിട്ടുണ്ട്. തൊഴിലാളി പ്രശ്നങ്ങളില് എക്കാലത്തും സജീവ ഇടപെടല് നടത്തിയ അദ്ദേഹത്തിന്റെ പൊതുജീവിതം തൊഴിലാളി വര്ഗത്തിന്റെ അവകാശ സംരക്ഷണത്തിന് വേണ്ടി മാറ്റിവെച്ചതാണ്.
അസാമാന്യ മനക്കരുത്തോടെ നിലപാടുകള് എവിടെയും തുറന്ന് പറയുന്ന പ്രകൃതം. മികച്ച പാര്ലമെന്റേറിയനും ജനകീയനുമായ പൊതുപ്രവര്ത്തകനുമായിരുന്നു അദ്ദേഹം. ആശയപരമായി വ്യത്യസ്ത പ്രസ്ഥാനങ്ങളില് പ്രവര്ത്തിക്കുമ്പോഴും നല്ല സൗഹൃദം കാത്തുസൂക്ഷിക്കാന് ഞങ്ങള്ക്ക് സാധിച്ചിരുന്നു. കാനം രാജേന്ദ്രന്റെ നിര്യാണം കേരളീയ പൊതുസമൂഹത്തിന് കനത്ത നഷ്ടമാണെന്നും അനുശോചന സന്ദേശത്തിൽ സുധാകരന് അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.