യോഗ കേന്ദ്രത്തിലെ മർദനം: നടപടി റിപ്പോർട്ട്​ ചൊവ്വാഴ്​ചക്കകം ഹാജരാക്കണം -ഹൈകോടതി

കൊച്ചി: തൃപ്പൂണിത്തുറയിലെ ശിവശക്​തി യോഗ കേന്ദ്രത്തിൽ (ഘർ വാപസി കേന്ദ്രം) മർദനത്തിനിരയായെന്ന്​ ചൂണ്ടിക്കാട്ടി കണ്ണൂർ സ്വദേശിനി ​ശ്രുതി നൽകിയ മൊഴിയിൽ പൊലീസ്​ സ്വീകരിച്ച നടപടികളുടെ റിപ്പോർട്ട്​ ചൊവ്വാഴ്​ചക്കകം സമർപ്പിക്കണമെന്ന്​ ഹൈകോടതി. ഞെട്ടിപ്പിക്കുന്നതാണ്​ പെൺകുട്ടിയുടെ മൊഴിയെന്ന്​ പറഞ്ഞ ഡിവിഷൻ ബെഞ്ച്​, ഇക്കാര്യം അന്വേഷിക്കാനും എന്ത്​​ നടപടി സ്വീകരി​െച്ചന്ന്​ വ്യക്​തമാക്കി റിപ്പോർട്ട്​ സമർപ്പിക്കാനും കഴിഞ്ഞ തവണ കേസ്​ പരിഗണിക്കവേ ഉത്തരവിട്ടിരുന്നു.

വെള്ളിയാഴ്​ച കേസ്​ പരിഗണിക്കവേ റിപ്പോർട്ട്​ സമർപ്പിക്കാതിരുന്ന സാഹചര്യത്തിലാണ്​ ചൊവ്വാഴ്​ചവരെ സമയം അനുവദിച്ചത്​. ശ്രുതി ത​​െൻറ ഭാര്യയാണെന്നും പയ്യന്നൂർ സി.​െഎയുടെ സഹായത്തോടെ മാതാപിതാക്കൾ അന്യായ തടങ്കലിൽ വെച്ചിരിക്കുകയാണെന്നും ആരോപിച്ച്​ കണ്ണൂർ പരിയാരം സ്വദേശി അനീസ്​ നൽകിയ ഹേബിയസ്​ കോർപസ്​ ഹരജിയിലാണ്​ യോഗ കേന്ദ്രത്തിലെ പീഡനം ​യുവതി ​േകാടതിയെ അറിയിച്ചത്​.

ശ്രുതി നല്‍കിയ മൊഴിപ്രകാരം പൊലീസ് കേസ് രജിസ്​റ്റര്‍ ചെയ്തിട്ടുണ്ടെന്ന് സീനിയര്‍ ഗവ. പ്ലീഡര്‍ കോടതിയെ അറിയിച്ചു. തന്നെ സിറിയയിലേക്കോ യമനിലേക്കോ കൊണ്ടുപോവുമെന്ന തരത്തില്‍ ഒരു സംഘടനയുടെ പേരിൽ നാട്ടില്‍ പ്രത്യക്ഷപ്പെട്ട പോസ്​റ്ററില്‍ ശ്രുതി ആശങ്ക രേഖപ്പെടുത്തിയിരുന്നെന്നും ഇപ്പോള്‍ ആ നിലപാട് മാറിയെന്നും സര്‍ക്കാര്‍ അഭിഭാഷകന്‍ പറഞ്ഞു. നിലപാട്​ മാറ്റത്തി​​െൻറ കാരണം അറിയാൻ യുവതിയെ കോടതി വിളിച്ചുവരുത്തി വിശദാംശങ്ങൾ തേടി. പോസ്​റ്റര്‍ പതിച്ചത് ആ സംഘടനയാണെന്ന് കരുതുന്നില്ലെന്നാണ്​ ശ്രുതി പറഞ്ഞതെന്ന്​ കോടതി അറിയിച്ചു.

യോഗ കേന്ദ്രവുമായി പൊലീസ് കൈകോര്‍ത്ത്​ പ്രവര്‍ത്തിക്കുകയാണെന്നും അതിനാലാണ് ശ്രുതിയുടെ മൊഴി പൊലീസ് പൂര്‍ണമായി രേഖപ്പെടുത്താതിരുന്നതെന്നും അനീസിനുവേണ്ടി ഹാജരായ അഭിഭാഷകന്‍ വാദിച്ചു. യോഗ കേന്ദ്രത്തി​​െൻറ തലവന്‍ സമര്‍പ്പിച്ച മുന്‍കൂര്‍ ജാമ്യഹരജി സെഷന്‍സ് കോടതിയില്‍ സര്‍ക്കാര്‍ എതിർക്കാതിരുന്നതും അദ്ദേഹം ചൂണ്ടിക്കാട്ടി.

പയ്യന്നൂര്‍ കോടതി പുറപ്പെടുവിച്ച സെര്‍ച് വാറൻറ്​ റദ്ദാക്കണമെന്നാവശ്യപ്പെട്ട് സമര്‍പ്പിച്ച ഹരജിയില്‍ സിംഗിള്‍ ബെഞ്ചാണ് ശ്രുതിയെ എസ്.എൻ.വി സദനത്തിലേക്ക് വിട്ടതെന്നും ഭര്‍ത്താവെന്ന് പറയുന്നയാൾ സമര്‍പ്പിച്ച ഹേബിയസ് കോര്‍പസ് ഹരജിയില്‍ ശ്രുതിയെ ഹരജിക്കാരനൊപ്പം വിടാൻ ഡിവിഷന്‍ ബെഞ്ചിന്​ എങ്ങനെയാണ് കഴിയുകയെന്നും പെൺകുട്ടിയുടെ മാതാവിനുവേണ്ടി ഹാജരായ മുതിര്‍ന്ന അഭിഭാഷകന്‍ ചോദിച്ചു.

ഹരജിക്കാരനൊപ്പം പോവാനാണ് താല്‍പര്യമെന്ന് ശ്രുതി പറഞ്ഞ സാഹചര്യത്തിലാണ്​ ഇടക്കാല ഉത്തരവിറക്കിയതെന്ന് കോടതി വ്യക്​തമാക്കി. കേസ് ഒക്​ടോബർ 10ലേക്ക് മാറ്റിയ കോടതി, സെര്‍ച് വാറൻറ്​ റദ്ദാക്കണമെന്നാവശ്യപ്പെട്ട് സമര്‍പ്പിച്ച ഹരജിയും ഇതേ ഹരജിയുടെകൂടെ പരിഗണിക്കുമെന്നും അറിയിച്ചു.