പ്രണയത്തി​െൻറ പേരിൽ വീട്ടുതടങ്കലിലായ യുവതിയുടെ പരാതിയില്‍ കേസെടുക്കണമെന്ന്​ കോടതി

കൊച്ചി: ഇതര മതസ്​ഥനെ പ്രണയിച്ചതി​​​​െൻറ പേരിൽ ആർ.എസ്.എസ് വീട്ടുതടങ്കലിലാക്കിയ തൃശൂർ സ്വദേശി അഞ്ജലി പ്രകാശി​​​​െൻറ പരാതിയില്‍ കേസെടുക്കാന്‍ പൊലീസിനോട്​ കോടതി നിര്‍ദേശിച്ചു. ചാവക്കാട് മജിസ്ട്രേറ്റ് കോടതിയാണ് ഗുരുവായൂർ പൊലീസിന്​​ നിർദേശം നൽകിയത്​. സ്ത്രീത്വത്തെ അപമാനിക്കല്‍, വധശ്രമം, മതസ്പര്‍ധ വളര്‍ത്തല്‍ തുടങ്ങിയ വകുപ്പുകള്‍ ചുമത്തി കേസെടുക്കാനാണ് കോടതി നിർദേശിച്ചിരിക്കുന്നത്.

ആർ.എസ്.എസ്-ബി.ജെ.പി പ്രവർത്തകരുടെ സഹായത്തോടെ അമ്മയും ബന്ധുക്കളുമാണ് തന്നെ പീഡന കേന്ദ്രത്തിലെത്തിച്ചതെന്നും ഇവർക്കെതിരെ കേസെടുക്കണമെന്നുമായിരുന്നു അഞ്​ജലിയുടെ പരാതി.

മംഗലാപുരത്തെ വീട്ടുതടങ്കലിൽ നിന്ന്​ രക്ഷപ്പെട്ട അഞ്ജലി പരാതി നല്‍കാനായി നേരത്തെ ഡി.ജി.പിയെ സമീപിച്ചിരുന്നു.  അമൃത ആശുപത്രിയിലെ ഡോക്ടർ തനിക്ക് മാനസികാസ്വാസ്ഥ്യം ഉള്ളതായി സർട്ടിഫിക്കറ്റ് നൽകിയെന്നും പരാതിയിൽ ആരോപിച്ചിരുന്നു.