1.65 കോടിയുടെ സ്വര്‍ണവും വിദേശ കറൻസികളും പിടികൂടി

കൊ​ണ്ടോ​ട്ടി: ക​രി​പ്പൂ​ര്‍ വി​മാ​ന​ത്താ​വ​ള​ത്തി​ല്‍ 1.65 കോ​ടി രൂ​പ​യു​ടെ ക​ള്ള​ക്ക​ട​ത്ത് സാ​ധ​ന​ങ്ങ​ള്‍ ക​സ്റ്റം​സ് ഉ​ദ്യോ​ഗ​സ്ഥ​ര്‍ പി​ടി​കൂ​ടി. മൂ​ന്ന് യാ​ത്ര​ക്കാ​രി​ല്‍നി​ന്നാ​യി 1.3 കോ​ടി രൂ​പ വി​ല​വ​രു​ന്ന 1.84 കി​ലോ​ഗ്രാം സ്വ​ര്‍ണ​വും ഒ​രു യാ​ത്രി​ക​നി​ല്‍നി​ന്ന് 12 ല​ക്ഷം രൂ​പ മൂ​ല്യ​മു​ള്ള വി​ദേ​ശ ക​റ​ൻ​സി​ക​ളും അ​ഞ്ചു​പേ​രി​ല്‍നി​ന്നാ​യി 2.28 ല​ക്ഷം രൂ​പ​യു​ടെ വി​ദേ​ശ നി​ര്‍മി​ത സി​ഗ​ര​റ്റു​ക​ളു​മാ​ണ് ക​ണ്ടെ​ടു​ത്ത​ത്.

അ​ല്‍ഐ​നി​ല്‍നി​ന്ന് എ​ത്തി​യ മ​ല​പ്പു​റം സ്വ​ദേ​ശി​യി​ല്‍നി​ന്ന് 62.04 ല​ക്ഷം രൂ​പ​യു​ടെ 885 ഗ്രാം ​സ്വ​ര്‍ണ​വും റി​യാ​ദി​ല്‍നി​ന്ന് എ​ത്തി​യ ഓ​മ​ശ്ശേ​രി സ്വ​ദേ​ശി​യി​ല്‍നി​ന്ന് 52.33 ല​ക്ഷം രൂ​പ വി​ല വ​രു​ന്ന 734 ഗ്രാം ​സ്വ​ര്‍ണ​വും ക​ണ്ടെ​ത്തി.

ദു​ബൈ​യി​ല്‍നി​ന്ന് എ​ത്തി​യ കൈ​ത​പ്പൊ​യി​ല്‍ സ്വ​ദേ​ശി​യു​ടെ സോ​ക്‌​സു​ക​ള്‍ക്കു​ള്ളി​ല്‍നി​ന്ന് 220 ഗ്രാം ​സ്വ​ര്‍ണം പി​ടി​കൂ​ടി. മാ​ല രൂ​പ​ത്തി​ലാ​ക്കി ഒ​ളി​പ്പി​ച്ചി​രു​ന്ന സ്വ​ര്‍ണ​ത്തി​ന് 15.61 ല​ക്ഷം രൂ​പ വി​ല വ​രും. മ​ല​പ്പു​റം, ഓ​മ​ശ്ശേ​രി സ്വ​ദേ​ശി​ക​ളെ അ​റ​സ്റ്റ് ചെ​യ്തു. മ​തി​യാ​യ രേ​ഖ​ക​ളി​ല്ലാ​തെ ദു​ബൈ​യി​ലേ​ക്ക് ക​ട​ത്താ​ന്‍ ശ്ര​മി​ച്ച 12 ല​ക്ഷം രൂ​പ മൂ​ല്യ​മു​ള്ള സൗ​ദി റി​യാ​ലു​ക​ളും ഒ​രു യാ​ത്ര​ക്കാ​ര​നി​ല്‍നി​ന്ന് ക​ണ്ടെ​ത്തി.