സ്വർണാഭരണം മുറിച്ചെടുത്ത്​ തീയിലിട്ടുള്ള ഗുണമേന്മ പരിശോധന​ ഒഴിവാക്കണം

തൃശൂർ: ബി.ഐ.എസ്​ പരിശോധനയുടെ പേരിൽ പുതിയ ആഭരണങ്ങൾ മുറിച്ചെടുത്ത്​ തീയിലിടുന്ന രീതി ഒഴിവാക്കണമെന്ന്​ ആഭരണ നിർമാണത്തൊഴിലാളികൾ. ആദ്യം എക്​സ്​റേ പരിശോധനയും അത്​ കഴിഞ്ഞാൽ ചുരണ്ടിയെടുത്ത്​ പരിശോധിക്കുകയും ചെയ്യാം. എന്നിട്ടും സംശയമുണ്ടെങ്കിലേ മുറിച്ചെടുത്ത്​ പരിശോധിക്കാവൂ.

മുറിച്ചെടുത്ത്​ പരിശോധനയുടെ പേരിൽ ചെറിയ അളവിൽ സ്വർണം നഷ്​ടപ്പെടുന്നുണ്ട്​. കുറച്ചു സ്വർണം വാങ്ങാനെത്തുന്നവർക്കാണ്​ ഈ പരിശോധന തിരിച്ചടിയാവുക. ഗുണനിലവാരമുണ്ടെന്ന്​ തെളിഞ്ഞാൽ അത്​ പുനഃസ്ഥാപിച്ചു ​നൽകാനുള്ള ഉത്തരവാദിത്തം ടെസ്​റ്റിങ്​ കേന്ദ്രങ്ങൾ ഏറ്റെടുക്കണമെന്ന്​ ആഭരണ നിർമാണ തൊഴിലാളി ഫെഡറേഷൻ സംസ്ഥാന ഭാരവാഹികൾ ആവശ്യപ്പെട്ടു.

കേരളത്തിലുള്ള 72 ഗുണ​േമന്മ പരിശോധന കേന്ദ്രങ്ങളിൽ 90 ശതമാനവും ജ്വല്ലറി ഉടമകളുടെ നിയന്ത്രണത്തിലാണ്​. ജില്ലാടിസ്ഥാനത്തിൽ സർക്കാർ ഉടമസ്ഥതയിൽ പരിശോധന കേന്ദ്രങ്ങൾ വേണമെന്ന്​ ഫെഡറേഷൻ പ്രസിഡൻറ്​ എം. ചന്ദ്രൻ അഭിപ്രായപ്പെട്ടു.