കരിപ്പൂരിൽ തുടർച്ചയായി രണ്ടാം ദിവസവും സ്വർണവേട്ട; 2.33 കിലോഗ്രാം പിടികൂടി
text_fieldsകോഴിക്കോട് വിമാനത്താവളത്തിൽ പിടികൂടിയ സ്വർണം
കരിപ്പൂർ: കോഴിക്കോട് വിമാനത്താവളത്തിൽ തുടർച്ചയായി രണ്ടാം ദിവസവും സ്വർണവേട്ട. തിങ്കളാഴ്ച എയർ കസ്റ്റംസ് ഇൻറലിജൻസ് 1.11 കോടിയുടെ സ്വർണമാണ് പിടികൂടിയത്. മലപ്പുറം മൂർക്കനാട് സ്വദേശി മുഹമ്മദ് ഷഫീഖ് മേലേതിലിൽനിന്നാണ് (23) 2.33 കിലോഗ്രാം സ്വർണം പിടികൂടിയത്.
ഇയാൾ ദുബൈയിൽനിന്ന് പുലർച്ച 2.30നുള്ള എയർഇന്ത്യ വിമാനത്തിലാണ് കരിപ്പൂരിലെത്തിയത്. കോഫിമേക്കർ മെഷീനിൽ ഒളിപ്പിച്ച സ്വർണം കസ്റ്റംസ് പരിശോധനയിലാണ് കണ്ടെത്തിയത്. അറസ്റ്റിലായ ഷെഫീഖിനെ കോടതി റിമാൻഡ് ചെയ്തു.
ഡെപ്യൂട്ടി കമീഷണർ ടി.എ. കിരൺ, സൂപ്രണ്ടുമാരായ സി.പി. സബീഷ്, പൗലോസ്, രഞ്ജി വില്യംസ്, ഇൻസ്പെക്ടർമാരായ സഞ്ജീവ് കുമാർ, ശിൽപ ഗോയൽ, എൻ. റഹീസ്, രാമേന്ദ്ര സിങ്, കെ.കെ. പ്രിയ എന്നിവരടങ്ങിയ സംഘമാണ് സ്വർണം പിടിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.