കരിപ്പൂരിൽ ഒരുകോടി രൂപയുടെ സ്വർണം പിടികൂടി

കരിപ്പൂർ: കോഴിക്കോട് വിമാനത്താവളത്തിൽ ഒരുകോടിയോളം രൂപയുടെ സ്വർണം എയർ കസ്റ്റംസ് പിടികൂടി. വടകര വില്യാപള്ളി സ്വദേശികളായ താഴെ മഠത്തിൽ സമീർ (33), കുയ്യാലിൽ ഫയാസ് (24) എന്നിവരിൽനിന്നാണ് സ്വർണം പിടിച്ചത്.

സമീറിൽനിന്ന് 1254 ഗ്രാമും ഫയാസിൽനിന്ന് 835 ഗ്രാമുമാണ് പരിശോധനയിൽ പിടികൂടിയത്. സമീറിന് 70,000 രൂപയും ഫയാസിന് 50,000 രൂപയുമാണ് കള്ളക്കടത്ത് സംഘം വാഗ്ദാനം ചെയ്തതെന്നാണ് കസ്റ്റംസിന് നൽകിയ മൊഴി.