കേന്ദ്രവിമർശനം പ്രസംഗത്തിൽനിന്ന്​ ഒഴിവാക്കി ഗവർണറുടെ നയപ്രഖ്യാപനം

തിരുവനന്തപുരം: സർക്കാറി​​െൻറ നയപ്രഖ്യാപനത്തിൽ കേ​ന്ദ്രത്തെ രൂക്ഷമായി വിമർശിക്കുന്ന ചില ഭാഗങ്ങൾ അടക്കം ഗവർണർ നിയമസഭയിൽ വായിക്കാഞ്ഞത്​ വിവാദത്തിൽ. ഫെഡറലിസം അട്ടിമറിച്ചു, ചില വർഗീയ സംഘടനകൾ ലഹള ആസൂത്രണം ചെയ്​തിരുന്നു എന്നൊക്കെ സൂചിപ്പിക്കുന്ന ഭാഗങ്ങളാണ്​ ഒഴിവാക്കപ്പെട്ടത്​. അതേസമയം, സംസ്ഥാനത്തി​​​െൻറ ക്രമസമാധാനനില തകർ​െന്നന്ന വിമർശനങ്ങൾ പൂർണമായി തള്ളിയ ഗവർണർ ജസ്​റ്റിസ്​ പി. സദാശിവം വിവിധ മേഖലകളിലെ കേരളത്തി​​​െൻറ മ​ുന്നേറ്റം അക്കമിട്ടുനിരത്തുകയും ജി.എസ്​.ടി അടക്കമുള്ള വിഷയങ്ങളിൽ കേ​ന്ദ്രനിലപാടുകൾ വരുത്തിയ പ്രതിസന്ധികൾ ചൂണ്ടിക്കാട്ടുകയും ചെയ്​തു. 

സംഘ്​പരിവാറിനെതിരെ പരോക്ഷ വിമർശവും പ്രസംഗത്തിലുണ്ട്​. ‘ചില വർഗീയ സംഘടനകൾ ആസൂത്രണം ചെയ്​തിരുന്നു എങ്കിൽ പോലും സംസ്ഥാനത്ത്​ ഒരു രീതിയിലുമുള്ള വർഗീയ ലഹളയും ഉണ്ടായിട്ടില്ല’ വാചകത്തിൽ ‘ചില വർഗീയ സംഘടനകൾ ആസൂത്രണം ചെയ്​​തിരുന്നു എങ്കിൽപോലും’ എന്ന ഭാഗം ഒഴിവാക്കി. കേന്ദ്രത്തെ രൂക്ഷമായി വിമർശിക്കുന്ന ‘സഹകരണ ഫെഡറലിസത്തെ അട്ടിമറിച്ച്​, സർക്കാറിനെ മറികടന്നുകൊണ്ട്​ ജില്ല കലക്​ടർമാരുമായും ത​ദ്ദേശ സ്ഥാപനങ്ങളുമായും നേരിട്ട്​ ഇട​െപടാനുള്ള കേന്ദ്രസർക്കാറി​​​െൻറ പ്രവണത നമ്മെ അസ്വസ്ഥമാക്കുന്നുണ്ട്​’ എന്ന വാചകം പൂർണമായി ഒഴിവാക്കി. അതേസമയം, പ്രസംഗത്തിലെ ഭാഗം ഒഴിവാക്കിയത്​ ശ്രദ്ധയിൽപെട്ടിട്ടില്ലെന്ന്​ മുഖ്യമന്ത്രി പിണറായി വിജയൻ പ്രതികരിച്ചു. ഇക്കാര്യത്തിൽ രാജ്​ഭവൻ വിശദീകരണം നൽകിയിട്ടില്ല. മുമ്പും ചില ഗവർണർമാർ സർക്കാർ എഴുതിക്കൊടുത്ത പ്രസംഗത്തി​െല ചില ഭാഗങ്ങൾ ഒഴിവാക്കിയിട്ടുണ്ടെന്നും അദ്ദേഹം ചൂണ്ടിക്കാട്ടി.

ഒന്നര മണിക്കൂർ നീണ്ട പ്രസംഗത്തിൽ സംസ്ഥാനത്തിനെതിരെ നിരവധി കുപ്രചാരണങ്ങൾ നടക്കുന്നെന്ന്​ ഗവർണർ ചൂണ്ടിക്കാട്ടി. ​ക്രമസമാധാന നിലയിൽ ഒന്നാംസ്ഥാനത്തായിരിന്നിട്ടുകൂടി ചില വർഗീയ സംഘടനകൾ നിസ്സാര കാരണങ്ങളിൽ രാജ്യത്താകമാനം പ്രചാരണം നടത്തി. വിവിധ കേന്ദ്രങ്ങളിൽനിന്ന്​ സംസ്ഥാനത്തി​​​െൻറ മതേതര പാരമ്പര്യങ്ങൾക്കെതിരായ അപകീർത്തിപരമായ ആക്രമങ്ങൾ ഉണ്ടായി. സാമൂഹിക മേഖലയിലെ നേട്ടങ്ങൾക്കെതിരെ സംശയങ്ങൾ ഉയർത്തുകയും ക്രമസമാധാന നിലയെക്കുറിച്ച്​ ദുരാരോപണം ഉയർത്തുകയും ചെയ്​തു. പാരമ്പര്യങ്ങളും നേട്ടങ്ങളും സംരക്ഷിക്കാൻ കേരള ജനത ​െഎക്യത്തോടെ നിലകൊണ്ടുവെന്നും ഗവർണർ പറഞ്ഞു.

ജി.എസ്​.ടി സംസ്ഥാനത്തി​​​െൻറ സാമ്പത്തിക അധികാരങ്ങൾ പരിമിതപ്പെടുത്തി. 15ാം ധനകാര്യ കമീഷ​​​െൻറ പരിഗണന വിഷയങ്ങൾ, സംസ്ഥാനത്തി​​​െൻറ സാമ്പത്തിക സ്വയംഭരണത്തെ നിയന്ത്രിക്കുന്നതിനുള്ള പ്രവണത കാണിക്കുന്നു. നോട്ട്​ അസാധുവാക്കലും അനുചിത രീതിയിലും സമയത്തും ജി.എസ്​.ടി നടപ്പാക്കിയതും സമ്പദ്​വ്യവസ്ഥയെ മന്ദീഭവിക്കാനും തൊഴിലില്ലായ്​മ വർധിപ്പിക്കാനും കാരണമായി. 20 മാസം കൊണ്ട്​ സർക്കാർ വിവിധ മേഖലകളിൽ ഗണ്യമായ നേട്ടങ്ങൾ കൈവരിച്ചു. ജനങ്ങളുടെ പ്രതീക്ഷക്കൊത്ത്​ ഉയരാൻ എല്ലാ പരിശ്രമവും നടത്തിയെങ്കിലും മുമ്പില്ലാത്ത വെല്ലുവിളി നേരിടുന്ന സാഹചര്യത്തിൽ കൂടുതൽ പുരോഗതി കൈവരിക്കണമെന്നും ഗവർണർ പറഞ്ഞു. 

സാമ്പത്തിക പ്രതിസന്ധികാലത്ത്​ നയപ്രഖ്യാപനവും ‘വെട്ടിക്കുറച്ച്’​ ഗവർണർ
സാമ്പത്തിക പ്രതിസന്ധികാലത്തെ നയപ്രഖ്യാപനത്തി​​​െൻറ ദൈർഘ്യം വെട്ടിക്കുറച്ച്​  ഗവർണർ. സമീപകാലത്ത്​ ഗവർണർമാർ നടത്തിയ നയപ്രഖ്യാപനത്തിൽ കുറഞ്ഞ സമയമെടുത്തുള്ള പ്രസംഗമായിരുന്നു തിങ്കളാഴ്​ച ജസ്​റ്റിസ്​ പി. സദാശിവം സഭയിൽ നടത്തിയത്​. കൃത്യം ഒന്നര മണിക്കൂർ കൊണ്ട്​ ഗവർണർ പ്രസംഗം പൂർത്തിയാക്കി. കഴിഞ്ഞ വർഷം രണ്ടര മണിക്കൂറെടുത്തിരുന്നു. കഴിഞ്ഞ വർഷം 129 പേജുള്ളതായിരുന്നു നയപ്രഖ്യാപനമെങ്കിൽ ഇത്തവണ 61 പേജിൽ ഒതുങ്ങി. ഇത്തവണ പ്രസംഗം നീളുന്നതിനിടെ രണ്ടു​ തവണ അവസാനിക്കാറായതി​​​െൻറ സൂചന ഗവർണർ നൽകി. ഒരു തവണ അഞ്ച്​ മിനിറ്റ്​ കൂടി എന്ന്​ പ്രസംഗമധ്യേ പറഞ്ഞ ഗവർണർ അവസാനത്തിൽ എത്തിയപ്പോൾ അവസാന പാരഗ്രാഫ്​ കൂടി എന്നും പറഞ്ഞു. ഇത്തവണയും പ്രസംഗത്തിനിടെ ചില മലയാള വാക്കുകൾ ഗവർണറെ കുഴക്കി. 

നിയമസഭയിൽ നയപ്രഖ്യാപന സമ്മേളനത്തിനിടെ പ്രതിഷേധിക്കുന്ന യു.ഡി.എഫ്​ അംഗങ്ങളോട്​ മടങ്ങിപ്പോകവെ സംസാരിക്കുന്ന ഗവർണർ പി. സദാശിവം

 

ഒാഖി: ഗവർണർക്ക്​ മുമ്പാകെ സർക്കാറിനെതിരെ പ്രതിപക്ഷ പ്രതിഷേധം
നയപ്രഖ്യാപനത്തിനായി ഗവർണർ എത്തിയപ്പോൾ സർക്കാറിനെതിരെ സഭയിൽ പ്രതിപക്ഷ പ്രതിഷേധം. ഒാഖി ദുരന്തം നേരിടുന്നതിലുണ്ടായ വീഴ്​ച ഉൾപ്പെടെയുള്ളവ ഉയർത്തിയാണ്​ പ്രതിപക്ഷം ഒന്നടങ്കം പ്രതിഷേധവുമായി എഴുന്നേറ്റത്​. ബാനറും പ്ലക്കാർഡും ഉയർത്തിയും ബഹളം വെച്ചുമായിരുന്നു ഇത്​. ഒാഖി ദുരന്തം നേരിടുന്നതിൽ സർക്കാർ പൂർണ പരാജയമായെന്ന്​ പ്രതിപക്ഷ നേതാവ്​ രമേശ്​ ചെന്നിത്തല പറഞ്ഞു. നിങ്ങളെ പിന്നീട്​ കേൾക്കാമെന്ന്​ പറഞ്ഞ്​ ഗവർണർ പ്രസംഗം തുടങ്ങി. 

കാണാതായവരുടെ ഫോ​േട്ടാ സഹിതം ‘ഒാഖിയിൽ സർക്കാർ വീഴ്​ചക്ക്​ മാപ്പില്ല, തിരികെ തരുമോ ഇവരെ’ എ​ന്നെഴുതിയ ബാനർ ആണ്​ പ്രതിപക്ഷം സഭയിൽ ഉയർത്തിയത്​. ഒാഖിക്കുശേഷം മുഖ്യമന്ത്രിയെ കണ്ടവരുണ്ടോ?, ഒാഖി ഫണ്ടു​പയോഗിച്ച്​ മുഖ്യമന്ത്രിയുടെ ആകാശയാത്ര, കേരളം മോഷ്​ടാക്കളുടെ പറുദീസ തുടങ്ങിയ പ്ലക്കാർഡുകളും പ്രതിപക്ഷ അംഗങ്ങൾ ഉയർത്തി. ഗവർണറുടെ മറുപടി കേട്ടതോടെ പ്രതിപക്ഷം ബഹളം അവസാനിപ്പിച്ച്​ സീറ്റിലിരുന്നു. പ്രസംഗം പൂർത്തിയാക്കി ഗവർണർ മടങ്ങു​േമ്പാഴും ബാനറും പ്ലക്കാർഡും ഉയർത്തി പ്രതിഷേധം തുടർന്നു. രമേശ്​ ചെന്നിത്തലക്കും മുൻ മുഖ്യമന്ത്രി ഉമ്മൻ ചാണ്ടിക്കും ഹസ്​തദാനം നൽകിയാണ്​ ഗവർണർ മടങ്ങിയത്​. ഇതിനിടയിൽ പ്രതിഷേധം ശ്രദ്ധയിൽപെ​െട്ടന്നരീതിയിൽ ഗവർണർ പ്രതിപക്ഷ അംഗങ്ങൾക്കുനേരെ കൈ ഉയർത്തുന്നതും കാണാമായിരുന്നു.  

‘ഗവർണർ സാർ കാപ്പാത്തു​േങ്കാ...’ 
അൻവർ സാദത്തി​​​െൻറ വിളി ഗവർണർ കേട്ടു
നയപ്രഖ്യാപന പ്രസംഗം കഴിഞ്ഞുമടങ്ങുന്നതിനിടെ ഗവർണറോട്​ തമിഴിൽ സർക്കാറിനെതിരെയുള്ള പ്രതിഷേധം പങ്കുവെച്ച്​ പ്രതിപക്ഷം. ‘ഗവർണർ സാർ കാപ്പാത്തു​േങ്കാ’ എന്നായിരുന്നു പ്രതിപക്ഷ നിരയിൽനിന്ന്​ അൻവർ സാദത്ത്​ വിളിച്ചുപറഞ്ഞത്​. കേരളം മോഷ്​ടാക്കളുടെ പറുദീസ എന്ന പ്ലക്കാർഡുയർത്തിയായിരുന്നു അൻവറി​​​െൻറ പ്രതിഷേധം. തമിഴ്​ കേട്ടതോടെ ഒരു നിമിഷം നിന്ന ഗവർണർ ‘നോട്ട്​ ചെയ്​തിട്ടുണ്ട്​, സർക്കാറി​​​െൻറ  ശ്രദ്ധയിൽപെടുത്തുന്നുണ്ട്​’ എന്ന മറുപടിയും നൽകി. ഒാഖി ദുരന്തം നേരിടുന്നതിൽ സർക്കാറിനുണ്ടായ വീഴ്​ച, ക്രമസമാധാന തകർച്ച തുടങ്ങിയ പ്രശ്​നങ്ങൾ ഉയർത്തിയായിരുന്നു പ്രതിപക്ഷ പ്രതിഷേധം.