ഓൺലൈൻ ക്ലാസുകൾക്ക്​ പൂർണസജ്ജം; സർക്കാർ ഹൈകോടതിയിൽ

കൊച്ചി: ഒാ​ൺലൈൻ ക്ലാസുകൾക്ക്​ പൂർണസജ്ജമെന്ന്​ സംസ്​ഥാന സർക്കാർ ഹൈകോടതിയെ അറിയിച്ചു. 872 വിദ്യാർഥികൾക്ക്​ മാത്രം ഓൺലൈൻ സൗകര്യം ലഭ്യമല്ല. ഇവർ വിദൂര ആദിവാസി മേഖലകളിലെ കുട്ടികളാണ്. ഇവർക്കാവശ്യമായ ഓൺലൈൻ ക്ലാസുകൾ റെക്കോർഡ്​ ചെയ്​ത്​ എത്തിച്ചുനൽകും. 

41.2 ലക്ഷം വിദ്യാർഥികൾക്ക്​ ഓൺ​ൈലൻ ക്ലാസുകളിൽ പ​െങ്കടുക്കുന്നതിനായി സൗകര്യം ഏർപ്പെടുത്തി. വിദ്യാർഥികൾക്ക്​ ഓൺ​ൈലൻ പഠന സൗകര്യം ലഭ്യമാണെന്ന്​ ഉറപ്പുവരുത്താൻ പ്രധാനാധ്യാപകർക്ക്​ നിർദേശം നൽകിയിട്ടുണ്ടെന്നും സർക്കാർ ഹൈകോടതി​യെ അറിയിച്ചു.  

കോവിഡ്​ ബാധയുടെ പശ്ചാത്തലത്തിൽ ജൂൺ ഒന്നുമുതലാണ്​ വിക്​ടേഴ്​സ്​ ചാനൽ വഴി സംസ്​ഥാനത്ത്​ ഓൺലൈൻ ക്ലാസുകൾ ആരംഭിച്ചത്​. ആദ്യഘട്ടത്തിൽ പരീക്ഷണാടിസ്​ഥാനത്തിലായിരുന്നു സ​ംപ്രേക്ഷണം. ടെലിവിഷൻ, സ്​മാർട്ട്​ ഫോൺ സൗകര്യമില്ലാത്ത വിദ്യാർഥികൾക്ക്​ പഠനാവസരം നഷ്​ടമാകുമെന്ന ആശങ്ക ഉയർന്നിരുന്നു. രണ്ടാം ഘട്ട ഓൺ​ൈലൻ ക്ലാസുകൾ ജൂൺ ​15ന്​ ആരംഭിച്ചു.