ലക്ഷദ്വീപിൽ വീണ്ടും കെട്ടിടങ്ങൾ പൊളിക്കാനുള്ള നീക്കവുമായി ഭരണകൂടം

കൊ​ച്ചി: പ്ര​തി​ഷേ​ധം ശ​ക്ത​മാ​കു​മ്പോ​ഴും ക​ടു​ത്ത ന​ട​പ​ടി​ക​ൾ തു​ട​ർ​ന്ന് ല​ക്ഷ​ദ്വീ​പ് ഭ​ര​ണ​കൂ​ടം. ക​ട​ൽ​ത്തീ​ര​ത്തു​നി​ന്ന് 20 മീ​റ്റ​റി​നു​ള്ളി​ൽ സ്ഥി​തി ചെ​യ്യു​ന്ന നൂ​റു​ക​ണ​ക്കി​ന് വീ​ടു​ക​ൾ പൊ​ളി​ച്ചു​മാ​റ്റ​ണ​മെ​ന്ന്​ പു​തി​യ നി​ർ​ദേ​ശം. മ​ത്സ്യ​ബ​ന്ധ​ന ഷെ​ഡു​ക​ൾ പൊ​ളി​ച്ചു​നീ​ക്കി​യ​തി​ന് പി​ന്നാ​ലെ​യാ​ണ് വീ​ടു​ക​ളും ശു​ചി​മു​റി​ക​ളും നീ​ക്കം ചെ​യ്യ​ണ​മെ​ന്ന്​ ആ​വ​ശ്യ​പ്പെ​ട്ട് നോ​ട്ടീ​സ് ന​ൽ​കി​യ​ത്.

ക​വ​ര​ത്തി​യി​ൽ മാ​ത്രം 102 വീ​ട്ടി​ലെ താ​മ​സ​ക്കാ​ർ​ക്ക് നോ​ട്ടീ​സ് ന​ൽ​കി​യി​ട്ടു​ണ്ട്. 52 വീ​ട്ടു​കാ​ർ​ക്കു​കൂ​ടി ഉ​ട​ൻ നോ​ട്ടീ​സ് ന​ൽ​കു​മെ​ന്നാ​ണ് അ​ധി​കൃ​ത​ർ ന​ൽ​കു​ന്ന വി​വ​രം. ചെ​റി​യം, സു​ഹേ​ലി, ക​ൽ​പേ​നി ദ്വീ​പു​ക​ളി​ലെ കെ​ട്ടി​ട​ങ്ങ​ളും ഇ​ത്ത​ര​ത്തി​ൽ പൊ​ളി​ച്ചു​നീ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ബ്ലോ​ക്ക് ഡെ​വ​ല​പ്മെൻറ് ഓ​ഫി​സ​ർ​മാ​ർ നോ​ട്ടീ​സ് ന​ൽ​കി​യി​രു​ന്നു. ജൂ​ൺ 30ന​കം കാ​ര​ണം കാ​ണി​ക്ക​ൽ നോ​ട്ടീ​സി​ന് മ​റു​പ​ടി ന​ൽ​ക​ണം. അ​ല്ലാ​ത്ത​പ​ക്ഷം ഉ​ദ്യോ​ഗ​സ്ഥ​രെ​ത്തി പൊ​ളി​ച്ചു​നീ​ക്കു​മെ​ന്നും അ​തിെൻറ ചെ​ല​വ് ഉ​ട​മ​ക​ളു​ടെ പ​ക്ക​ൽ​നി​ന്ന് ഈ​ടാ​ക്കു​മെ​ന്നു​മാ​ണ് അ​റി​യി​പ്പ്.

ചി​ല​യി​ട​ങ്ങ​ളി​ൽ 50 മീ​റ്റ​റി​ന് അ​ക​ലെ സ്ഥി​തി ചെ​യ്യു​ന്ന കെ​ട്ടി​ട​ങ്ങ​ൾ വ​രെ പൊ​ളി​ച്ചു​നീ​ക്കാ​ൻ ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് ദ്വീ​പ് നി​വാ​സി​ക​ൾ ആ​രോ​പി​ച്ചു. സം​യോ​ജി​ത ദ്വീ​പ് മാ​നേ​ജ്മെൻറ് പ്ലാ​ൻ പ്ര​കാ​രം അ​ന​ധി​കൃ​ത​മെ​ന്ന് ക​ണ്ടെ​ത്തി​യ കെ​ട്ടി​ട​ങ്ങ​ളാ​ണ് പൊ​ളി​ച്ചു​മാ​റ്റാ​ൻ ആ​വ​ശ്യ​പ്പെ​ട്ട​തെ​ന്ന് അ​ധി​കൃ​ത​ർ വി​ശ​ദീ​ക​രി​ക്കു​ന്നു. എ​ന്നാ​ൽ, പ​തി​റ്റാ​ണ്ടു​ക​ൾ​ക്കു​മു​മ്പ് തീ​ര​ത്തു​നി​ന്ന് 50 മീ​റ്റ​റോ​ളം ദൂ​രെ നി​ർ​മി​ച്ച കെ​ട്ടി​ട​ങ്ങ​ളാ​ണ് ഇ​വ​യി​ൽ പ​ല​തു​മെ​ന്നും പി​ന്നീ​ട് ക​ട​ൽ ക​യ​റി ഭൂ​മി ഇ​ടി​ഞ്ഞ​പ്പോ​ൾ ദൂ​രം കു​റ​ഞ്ഞ് 20 മീ​റ്റ​റി​ൽ എ​ത്തി​യ​താ​ണെ​ന്നും ദ്വീ​പ് നി​വാ​സി​ക​ൾ പ​റ​യു​ന്നു.

ആ​ൾ​ത്താ​മ​സ​മി​ല്ലാ​ത്ത ദ്വീ​പു​ക​ളി​ൽ മ​ത്സ്യ​ബ​ന്ധ​ന​ത്തി​ന് പോ​കു​ന്ന​തി​ന്​ നി​ർ​മി​ച്ചി​ട്ടു​ള്ള താ​ൽ​ക്കാ​ലി​ക ഷെ​ഡു​ക​ളും പൊ​ളി​ച്ചു​മാ​റ്റാ​ൻ ആ​വ​ശ്യ​പ്പെ​ട്ട​വ​യി​ലു​ണ്ട്. തു​ട​ർ ന​ട​പ​ടി​ക​ൾ​ക്കാ​യി കെ​ട്ടി​ട ഉ​ട​മ​ക​ൾ കൈ​പ്പ​റ്റി​യ നോ​ട്ടീ​സു​മാ​യി സേ​വ് ല​ക്ഷ​ദ്വീ​പ് ഫോ​റം ഭാ​ര​വാ​ഹി​ക​ളെ സ​മീ​പി​ക്ക​ണ​മെ​ന്ന് അ​റി​യി​ച്ചി​ട്ടു​ണ്ടെ​ന്ന് എ​സ്.​എ​ൽ.​എ​ഫ് കോ​ഓ​ഡി​നേ​റ്റ​ർ ഡോ. ​മു​ഹ​മ്മ​ദ് സാ​ദി​ഖ് വ്യ​ക്ത​മാ​ക്കി.

അ​തേ​സ​മ​യം, ദ്വീ​പ് നി​വാ​സി​ക​ൾ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്നും ജീ​ർ​ണി​ച്ച വീ​ടു​ക​ളും ശു​ചി​മു​റി​ക​ളു​മാ​ണ് പൊ​ളി​ച്ച് നീ​ക്കു​ക​യെ​ന്നു​മാ​ണ് ഭരണകൂടെത്തി​െൻറ വാ​ദം. അ​ഞ്ച് ഇ​ട​ങ്ങ​ളി​ലാ​യി ആ​ശു​പ​ത്രി നി​ർ​മി​ക്കാ​നാ​ണ് നി​ർ​മാ​ണ​ങ്ങ​ൾ പൊ​ളി​ക്കു​ന്ന​തെ​ന്നും അ​വ​ർ പ​റ​യു​ന്നു.