‘പാർട്ടി നിയമനങ്ങൾ’ കൂട്ടത്തോടെ സ്ഥിരപ്പെടുത്താൻ സർക്കാർ നീക്കം

തി​രു​വ​ന​ന്ത​പു​രം: വി​വി​ധ സ​ർ​ക്കാ​ർ സ്ഥാ​പ​ന​ങ്ങ​ളി​ലും സ​ർ​വ​ക​ലാ​ശാ​ല​ക​ളി​ലും പാ​ർ​ട്ടി നി​യ​മ​നം ല​ഭി​ച്ച്​ താ​ൽ​ക്കാ​ലി​ക​ക്കാ​രാ​യി തു​ട​രു​ന്ന​വ​രെ തെ​ര​ഞ്ഞെ​ടു​പ്പ്​ പെ​രു​മാ​റ്റ​ച്ച​ട്ടം പി​ൻ​വ​ലി​ക്കു​ന്ന മു​റ​ക്ക്​ കൂ​ട്ട​ത്തോ​ടെ സ്ഥി​ര​പ്പെ​ടു​ത്താ​ൻ അ​ണി​യ​റ​യി​ൽ നീ​ക്കം.

സം​സ്ഥാ​ന ലൈ​ബ്ര​റി കൗ​ൺ​സി​ലി​ൽ ക്ല​ർ​ക്ക്, ഡ്രൈ​വ​ർ, അ​റ്റ​ൻ​ഡ​ർ ത​സ്തി​ക​ക​ളി​ൽ 2006 മു​ത​ൽ നി​യ​മി​ച്ച അ​റു​പ​തോ​ളം പേ​രെ മു​ൻ​കാ​ല പ്രാ​ബ​ല്യ​ത്തി​ൽ സ്ഥി​ര​പ്പെ​ടു​ത്താ​നു​ള്ള ഒ​ന്നാം പി​ണ​റാ​യി സ​ർ​ക്കാ​റി​ന്‍റെ അ​വ​സാ​ന​കാ​ല​ത്തെ ഉ​ത്ത​ര​വ്​ ശ​രി​വെ​ച്ച ഹൈ​കോ​ട​തി സിം​ഗ്​​ൾ ബെ​ഞ്ച്​ ഉ​ത്ത​ര​വി​ന്‍റെ ബ​ല​ത്തി​ലാ​ണ്​ കൂ​ട്ട​സ്ഥി​ര​പ്പെ​ടു​ത്ത​ലി​ന്​ നീ​ക്കം ന​ട​ക്കു​ന്ന​ത്.

പി.​എ​സ്.​സി റാ​ങ്ക്​ പ​ട്ടി​ക​യി​ൽ ഉ​ൾ​പ്പെ​ട്ട ഉ​ദ്യോ​ഗാ​ർ​ഥി​ക​ൾ മാ​സ​ങ്ങ​ളോ​ളം സെ​ക്ര​ട്ടേ​റി​യ​റ്റി​ന്​ മു​ന്നി​ൽ സ​മ​രം​കി​ട​ന്നി​ട്ടും അ​ന​ങ്ങാ​തി​രു​ന്ന സ​ർ​ക്കാ​റാ​ണ്​ പാ​ർ​ട്ടി നി​യ​മ​നം വ​ഴി ക​യ​റി​യ​വ​ർ​ക്ക്​ സ്ഥി​ര​പ്പെ​ടു​ത്ത​ലി​ന്​ വ​ഴി​തു​റ​ക്കു​ന്ന​ത്.

​ടൂ​റി​സം, സി-​ഡി​റ്റ്, കെ​ൽ​ട്രോ​ൺ, സ്​​കോ​ൾ കേ​ര​ള (പ​ഴ​യ ഓ​പ​ൺ സ്കൂ​ൾ), എ​ൽ.​ബി.​എ​സ്, വ​നി​താ ക​മീ​ഷ​ൻ, യു​വ​ജ​ന ക്ഷേ​മ ബോ​ർ​ഡ്, ചു​മ​ട്ടു​തൊ​ഴി​ലാ​ളി ക്ഷേ​മ ബോ​ർ​ഡ്, സാ​ക്ഷ​ര​ത മി​ഷ​ൻ, ക​യ​ർ റി​സ​ർ​ച് ഇ​ൻ​സ്റ്റി​റ്റ്യൂ​ട്ട്, റി​മോ​ട്ട് സെ​ൻ​സി​ങ് സെ​ന്റ​ർ, തു​ട​ർ​വി​ദ്യാ​ഭ്യാ​സ കേ​ന്ദ്രം തു​ട​ങ്ങി​യ സ്ഥാ​പ​ന​ങ്ങ​ളി​ലെ താ​ൽ​ക്കാ​ലി​ക​ക്കാ​രെ​യാ​ണ്​ സ്ഥി​ര​പ്പെ​ടു​ത്തു​ന്ന​ത്.

ഒ​ന്നാം പി​ണ​റാ​യി സ​ർ​ക്കാ​റി​ന്‍റെ അ​വ​സാ​ന​കാ​ല​ത്ത്​ ഈ ​സ്ഥാ​പ​ന​ങ്ങ​ളി​ലെ താ​ൽ​ക്കാ​ലി​ക​ക്കാ​രെ സ്ഥി​ര​പ്പെ​ടു​ത്താ​ൻ ന​ട​ത്തി​യ നീ​ക്കം ഹൈ​കോ​ട​തി സ്​​റ്റേ ചെ​യ്തി​രു​ന്നു. ഇ​തി​ൽ ലൈ​ബ്ര​റി കൗ​ൺ​സി​ലി​ലെ സ്ഥി​ര​പ്പെ​ടു​ത്ത​ൽ ഉ​ത്ത​ര​വ്​ ഹൈ​കോ​ട​തി സിം​ഗ്​​ൾ ബെ​ഞ്ച്​ ശ​രി​വെ​ച്ച​തി​ന്‍റെ ചു​വ​ടു​പി​ടി​ച്ചാ​ണ്​ സ​മാ​ന സ്ഥി​ര​പ്പെ​ടു​ത്ത​ലു​ക​ൾ​ക്ക്​ വ​ഴി​യൊ​രു​ങ്ങു​ന്ന​ത്. ഇ​തി​ൽ ലൈ​ബ്ര​റി കൗ​ൺ​സി​ൽ, സ​ർ​വ​ക​ലാ​ശാ​ല​ക​ൾ ഉ​ൾ​പ്പെ​ടെ സ്ഥാ​പ​ന​ങ്ങ​ളി​ലെ നി​യ​മ​ന​ങ്ങ​ൾ പി.​എ​സ്.​സി​ക്ക്​ വി​ട്ട​താ​ണ്.

സം​സ്ഥാ​ന​ത്തെ സ​ർ​വ​ക​ലാ​ശാ​ല​ക​ളി​ൽ ര​ണ്ടാ​യി​ര​ത്തോ​ളം പേ​ർ താ​ൽ​ക്കാ​ലി​ക​മാ​യി ജോ​ലി​യി​ൽ തു​ട​രു​ന്നു​ണ്ട്. ​ഹൈ​കോ​ട​തി ഉ​ത്ത​ര​വി​ന്‍റെ ബ​ല​ത്തി​ൽ അ​വ​രെ​യും സ്ഥി​ര​പ്പെ​ടു​ത്തേ​ണ്ടി​വ​രും. കാ​ലി​ക്ക​റ്റ്‌ സ​ർ​വ​ക​ലാ​ശാ​ല​യി​ൽ വി.​സി​യു​ടെ ഡ്രൈ​വ​ർ ഉ​ൾ​പ്പെ​ടെ സി​ൻ​ഡി​ക്കേ​റ്റ് സ്ഥി​ര​പ്പെ​ടു​ത്താ​ൻ തീ​രു​മാ​നി​ച്ച 30 പേ​രെ​യും മു​ൻ​കാ​ല പ്രാ​ബ​ല്യ​ത്തി​ൽ സ്ഥി​ര​പ്പെ​ടു​ത്താ​നാ​വും. ഇ​വ​രു​ടെ സ്ഥി​ര​പ്പെ​ടു​ത്ത​ൽ ഉ​ത്ത​ര​വ് ഹൈ​കോ​ട​തി സ്റ്റേ ​ചെ​യ്ത​തു​കൊ​ണ്ട് ഉ​ത്ത​ര​വ് ന​ട​പ്പാ​ക്കി​യി​രു​ന്നി​ല്ല.

അ​പ്പീ​ലി​ന്​ വൈ​മു​ഖ്യം

തി​രു​വ​ന​ന്ത​പു​രം: ലൈ​ബ്ര​റി കൗ​ൺ​സി​ലി​ലെ താ​ൽ​ക്കാ​ലി​ക നി​യ​മ​ന​ങ്ങ​ൾ സ്ഥി​ര​പ്പെ​ടു​ത്താ​നു​ള്ള ഉ​ത്ത​ര​വ്​ ശ​രി​വെ​ച്ച ഹൈ​കോ​ട​തി സിം​ഗ്​​ൾ ബെ​ഞ്ച്​ ഉ​ത്ത​ര​വി​നെ​തി​രെ അ​പ്പീ​ലി​ന്​ വൈ​മു​ഖ്യം. നേ​ര​ത്തേ പി.​എ​സ്.​സി റാ​ങ്ക്​ പ​ട്ടി​ക​യി​ലു​ണ്ടാ​യി​രു​ന്ന ഉ​ദ്യോ​ഗാ​ർ​ഥി​ക​ളാ​ണ്​ സ്ഥി​ര​പ്പെ​ടു​ത്ത​ലി​നെ​തി​രെ കോ​ട​തി​യെ സ​മീ​പി​ച്ച്​ സ്​​റ്റേ സ​മ്പാ​ദി​ച്ച​ത്.

ഹ​ര​ജി​ക്കാ​രി​ൽ മി​ക്ക​വ​ർ​ക്കും പൊ​ലീ​സ്​ കോ​ൺ​സ്റ്റ​ബി​ൾ ത​സ്തി​ക​യി​ൽ ഉ​ൾ​​പ്പെ​ടെ നി​യ​മ​നം ല​ഭി​ച്ച​തോ​ടെ സ​ർ​ക്കാ​ർ തീ​രു​മാ​ന​ത്തി​നെ​തി​രെ അ​പ്പീ​ലി​ന്​ ത​യാ​റ​ല്ല. ഈ ​സാ​ഹ​ച​ര്യ​ത്തി​ലാ​ണ് സം​ഗ്​​ൾ ബെ​ഞ്ച്​ ഉ​ത്ത​ര​വ്​ ചൂ​ണ്ടി​ക്കാ​ട്ടി സ​ർ​ക്കാ​റി​ന്റെ സ്ഥി​ര​പ്പെ​ടു​ത്ത​ൽ ഉ​ത്ത​ര​വു​ക​ൾ മു​ൻ​കാ​ല പ്രാ​ബ​ല്യ​ത്തോ​ടെ എ​ല്ലാ വ​കു​പ്പു​ക​ളി​ലും വ്യാ​പി​പ്പി​ക്കു​ന്ന​ത്.

ക​രാ​ർ അ​ടി​സ്ഥാ​ന​ത്തി​ലും ദി​വ​സ​വേ​ത​ന അ​ടി​സ്ഥാ​ന​ത്തി​ലും രാ​ഷ്ട്രീ​യ സ്വാ​ധീ​ന​ത്തി​ൽ ജോ​ലി​യി​ൽ ക​യ​റി​പ്പ​റ്റി​യ​വ​രെ ഒ​ന്നാം പി​ണ​റാ​യി സ​ർ​ക്കാ​ർ കൂ​ട്ട​ത്തോ​ടെ സ്ഥി​ര​പ്പെ​ടു​ത്തു​ക​യാ​യി​രു​ന്നു.

സം​സ്ഥാ​ന ലൈ​ബ്ര​റി കൗ​ൺ​സി​ലി​ൽ 2006 മു​ത​ൽ താ​ൽ​ക്കാ​ലി​ക നി​യ​മ​നം ല​ഭി​ച്ച​വ​രെ മു​ൻ​കാ​ല​പ്രാ​ബ​ല്യ​ത്തി​ൽ സ്ഥി​ര​പ്പെ​ടു​ത്തി​യ​തോ​ടെ​യാ​ണ്​ വി​വാ​ദ​ത്തി​ന് തു​ട​ക്കം. മ​ര​ണ​പ്പെ​ട്ട ദി​വ​സ​വേ​ത​ന​ക്കാ​ര​നെ പോ​ലും മു​ൻ​കാ​ല പ്രാ​ബ​ല്യ​ത്തി​ൽ സ്ഥി​ര​പ്പെ​ടു​ത്തു​ക​യും അ​ദ്ദേ​ഹ​ത്തി​ന്റെ ഭാ​ര്യ​ക്ക്​ ആ​ശ്രി​ത നി​യ​മ​ന വ്യ​വ​സ്ഥ​യി​ൽ സ്ഥി​രം​നി​യ​മ​നം ന​ൽ​കു​ക​യും ചെ​യ്തി​രു​ന്നു.