എ.ഐ കാമറ: കൈമലർത്തിയും ഒഴിഞ്ഞുമാറിയും സർക്കാർ

തി​രു​വ​ന​ന്ത​പു​രം: മോ​ട്ടോ​ർ വാ​ഹ​ന​വ​കു​പ്പി​ന്‍റെ നി​ർ​മി​ത ബു​ദ്ധി കാ​മ​റ​ക​ളും പി​ന്നാ​മ്പു​റ ഇ​ട​പാ​ടു​ക​ളും രാ​ഷ്ടീ​യ വി​വാ​ദ​മാ​യി മാ​റു​മ്പോ​ഴും കൈ​യൊ​ഴി​ഞ്ഞും കെ​ൽ​​ട്രോ​ണി​ന്‍റെ ചു​മ​ലി​ൽ ​വെ​ച്ചും സ​ർ​ക്കാ​ർ. വി​ശ​ദീ​ക​രി​ക്കേ​ണ്ട​ത്​ കെ​ൽ​ട്രോ​ണാ​ണെ​ന്ന്​ പ​റ​ഞ്ഞ ഗ​താ​ഗ​ത മ​ന്ത്രി ആ​ന്‍റ​ണി രാ​ജു കൈ​യൊ​ഴി​യു​​മ്പോ​ൾ ഉ​പ​ക​രാ​റു​ക​ളെ​ക്കു​റി​ച്ച് ഓ​ർ​മ​യി​ല്ലെ​ന്ന്​ പ​റ​ഞ്ഞ്​​ അ​ന്ന് വ​കു​പ്പു കൈ​കാ​ര്യം ചെ​യ്തി​രു​ന്ന മ​ന്ത്രി എ.​കെ. ശ​ശീ​ന്ദ്ര​നും​ കൈ​മ​ല​ർ​ത്തു​ന്നു. വേ​ണ്ട​ത്ര പ​രി​ച​യ​മി​ല്ലാ​ത്ത ക​മ്പ​നി​ക്കാ​ണ്​ ക​രാ​ർ കൊ​ടു​ത്ത​തെ​ന്ന ആ​രോ​പ​ണ​മ​ട​ക്കം ഉ​യ​രു​മ്പോ​ഴും വി​ശ​ദീ​ക​രി​ക്കാ​തെ മൗ​ന​വും ഒ​ഴി​ഞ്ഞു​മാ​റ്റ​വും സ​ർ​ക്കാ​ർ തു​ട​രു​ക​യാ​ണ്.

ഇ​തി​നി​ടെ, ക​രാ​ർ ഒ​പ്പി​ടു​ന്ന കാ​ല​ത്ത് ധ​ന​വ​കു​പ്പ് എ​ടു​ത്ത നി​ല​പാ​ട് പു​റ​ത്തു​വ​ന്ന​ത്​ സ​ർ​ക്കാ​റി​ന്​ കൂ​ടു​ത​ൽ ത​ല​വേ​ദ​ന​യാ​യി. ക​ൺ​സ​ൽ​ട്ട​ന്റാ​യി കെ​ൽ​ട്രോ​ൺ പ്ര​വ​ർ​ത്തി​ക്കു​ന്ന പ​ശ്ചാ​ത്ത​ല​ത്തി​ൽ ഉ​പ​ക​ര​ണ​ങ്ങ​ൾ ഗ​താ​ഗ​ത വ​കു​പ്പ് നേ​രി​ട്ട് വാ​ങ്ങി​യാ​ൽ മ​തി​യെ​ന്നാ​യി​രു​ന്നു ധ​ന​വ​കു​പ്പ് നി​ല​പാ​ട്.

എ​ന്നാ​ൽ, ഇ​തി​നു​ വി​രു​ദ്ധ​മാ​യ ഫ​യ​ലാ​ണ്​ മ​ന്ത്രി​സ​ഭ​യു​ടെ പ​രി​ഗ​ണ​ന​ക്കെ​ത്തി​യ​ത്. പ​ദ്ധ​തി​ക്കു സ​മ​ഗ്ര അ​നു​മ​തി ആ​വ​ശ്യ​പ്പെ​ട്ടു​ള്ള ഫ​യ​ൽ എ​ത്തി​യ​പ്പോ​ഴാ​ണ് പ്രോ​ജ​ക്ട് മാ​നേ​ജ്മെ​ന്റ് ക​ൺ​സ​ൽ​ട്ട​ന്റാ​യി (പി.​എം.​സി) കെ​ൽ​ട്രോ​ൺ പ്ര​വ​ർ​ത്തി​ച്ചാ​ൽ മ​തി​യെ​ന്നും ഉ​പ​ക​ര​ണ​ങ്ങ​ൾ ഗ​താ​ഗ​ത വ​കു​പ്പി​നു നേ​രി​ട്ടു വാ​ങ്ങാ​വു​ന്ന​താ​ണെ​ന്നും ധ​ന​വ​കു​പ്പ് അ​ഭി​പ്രാ​യ​പ്പെ​ട്ട​ത്. ക​ൺ​സ​ൽ​ട്ട​ന്‍റ്​ ത​ന്നെ ഉ​പ​ക​ര​ണ​ങ്ങ​ൾ വാ​ങ്ങി​യാ​ൽ ക്ര​മ​ക്കേ​ടു​ക​ൾ​ക്കി​ട​യാ​കു​മെ​ന്ന കാ​ര​ണം ചൂ​ണ്ടി​ക്കാ​ട്ടി​യാ​യി​രു​ന്നു ധ​ന​വ​കു​പ്പി​ന്‍റെ വി​യോ​ജ​നം. ഇ​തെ​ല്ലാം മ​റി​ക​ട​ന്നാ​ണ്​ മ​ന്ത്രി​സ​ഭ​യി​ലെ​ത്തി പ​ദ്ധ​തി​ക്ക് അ​നു​മ​തി ​ നേ​ടി​യെ​ടു​ത്ത​ത്.

ഉ​പ​ക​ര​ണ​ങ്ങ​ൾ ടെ​ൻ​ഡ​ർ ന​ട​പ​ടി​ക്ര​മ​ങ്ങ​ൾ പാ​ലി​ച്ചു മാ​ത്ര​മേ വാ​ങ്ങി​യി​ട്ടു​ള്ളൂ എ​ന്നാ​ണ് ഇ​തി​നു കെ​ൽ​ട്രോ​ൺ നി​ര​ത്തു​ന്ന ന്യാ​യം. 235 കോ​ടി​യു​ടെ പ​ദ്ധ​തി​യാ​ണ് കെ​ൽ​ട്രോ​ൺ ആ​ദ്യം സ​മ​ർ​പ്പി​ച്ച​തെ​ങ്കി​ലും പി​ന്നീ​ട് 232 കോ​ടി​യാ​യി കു​റ​ക്കു​ക​യാ​യി​രു​ന്നു. പ​ദ്ധ​തി​യു​ടെ എ​സ്റ്റി​മേ​റ്റ് ധ​ന​വ​കു​പ്പ് ആ​വ​ശ്യ​പ്പെ​ട്ട ശേ​ഷ​മാ​ണു കെ​ൽ​ട്രോ​ൺ സ​മ​ർ​പ്പി​ച്ച​ത്.

പ​ദ്ധ​തി ന​ട​പ്പാ​ക്കു​ന്ന​തി​നു കെ​ൽ​ട്രോ​ണി​ന് അ​നു​വ​ദി​ച്ച ക​ൺ​സ​ൽ​ട്ട​ൻ​സി ഫീ​സ് 7.56 കോ​ടി രൂ​പ​യാ​ണ്. ഈ ​മാ​സം 12നു ​മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​സ​ഭ യോ​ഗ​മാ​ണു പ​ദ്ധ​തി​ക്ക് സ​മ​ഗ്ര അം​ഗീ​കാ​രം ന​ൽ​കി​യ​ത്.

പ​ദ്ധ​തി ന​ട​പ്പാ​ക്കാ​ൻ ഘ​ട്ടം ഘ​ട്ട​മാ​യി അം​ഗീ​കാ​രം ല​ഭി​ച്ചി​ട്ടു​ണ്ടെ​ങ്കി​ലും സ​മ​ഗ്ര അം​ഗീ​കാ​രം വേ​ണ​മെ​ന്നാ​യി​രു​ന്നു മ​ന്ത്രി​സ​ഭ യോ​ഗ​ത്തി​ലെ​ത്തി​യ കു​റി​പ്പി​ലെ ആ​വ​ശ്യം.