സർക്കാർ ഒാഫീസുകൾ ശനിയാഴ്ചയും തുറക്കും, പഞ്ചിങ് വ്യാഴാഴ്ച മുതൽ; കോവിഡ്കാല ക്രമീകരണങ്ങൾ ഒഴിവാക്കി
text_fieldsതിരുവനന്തപുരം: കോവിഡ് കാല നിയന്ത്രണങ്ങൾ ഒഴിവാക്കുന്നതിന്റെ ഭാഗമായി ശനിയാഴ്ച പ്രവൃത്തിദിനമാക്കിയും സർക്കാർ ഒാഫിസുകളിൽ പഞ്ചിങ് നിർബന്ധനമാക്കിയും ഉത്തരവിറങ്ങി. സർക്കാർ-അർധസർക്കാർ-പൊതുമേഖല സ്ഥാപനങ്ങൾ, കമ്പനികൾ, സ്വയംഭരണ സ്ഥാപനങ്ങൾ, കമീഷനുകൾ എന്നിവക്കെല്ലാം ശനി പ്രവൃത്തിദിനം ബാധകമാണെന്ന് ചീഫ് സെക്രട്ടറിയുടെ ഉത്തരവിൽ പറയുന്നു.
കോവിഡ് വ്യാപന പശ്ചാത്തലത്തിൽ ഏർപ്പെടുത്തിയ നിയന്ത്രണങ്ങൾ ഒഴിവാക്കുന്നതിന്റെ ഭാഗമായാണ് ശനിയാഴ്ച പ്രവൃത്തിദിനം പുന:സ്ഥാപിച്ചത്. നേരത്തെ തിങ്കൾ മുതൽ വെള്ളി വരെ അഞ്ച് ദിവസമായി പ്രവൃത്തിദിനം ക്രമീകരിച്ചിരുന്നു. ഈ ക്രമീകരണങ്ങളാണ് മാറ്റുന്നത്.
ഉത്തരവിെൻറ അടിസ്ഥാനത്തിൽ ഈ മാസം 18 മുതൽ ശനി പ്രവൃത്തിദിനമാകും. സെക്രേട്ടറിയറ്റ് ഉൾപ്പെടെ സർക്കാർ, അർധ സർക്കാർ, പൊതുമേഖല സ്ഥാപനങ്ങളിൽ വ്യാഴാഴ്ച (16ാം തിയ്യതി) മുതൽ ജീവനക്കാർക്ക് പഞ്ചിങ് നിർബന്ധമാകും. തിരിച്ചറിയൽ കാർഡ് ഉപയോഗിച്ചാകും പഞ്ചിങ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.