ഗവര്‍ണര്‍ ഒപ്പിട്ടില്ല; വാര്‍ഡ് വിഭജനം അനിശ്ചിതത്വത്തില്‍

തി​രു​വ​ന​ന്ത​പു​രം: സം​സ്ഥാ​ന​ത്തെ ത​ദ്ദേ​ശ സ്ഥാ​പ​ന​ങ്ങ​ളി​ലെ വാ​ര്‍ഡു​ക​ളു​ടെ എ​ണ്ണം വ​ര്‍ധി​പ്പി​ക്കാ​നു​ള്ള സ​ര്‍ക്കാ​ര്‍ നീ​ക്കം അ​നി​ശ്ചി​ത​ത്വ​ത്തി​ല്‍. ച​ര്‍ച്ച കൂ​ടാ​തെ നി​യ​മ​സ​ഭ പാ​സാ​ക്കി​യ വാ​ര്‍ഡ് പു​ന​ര്‍വി​ഭ​ജ​ന ബി​ല്ലി​ല്‍ ഗ​വ​ര്‍ണ​ര്‍ ഒ​പ്പി​ടാ​ത്ത​താ​ണ് സ​ര്‍ക്കാ​റി​നെ പ്ര​തി​സ​ന്ധി​യി​ലാ​ക്കു​ന്ന​ത്. അ​ടു​ത്ത​വ​ര്‍ഷം ഡി​സം​ബ​റി​ൽ ന​ട​ക്കേ​ണ്ട​താ​യ ത​ദ്ദേ​ശ തെ​ര​ഞ്ഞെ​ടു​പ്പി​ന്​ മു​മ്പ്​​ വാ​ര്‍ഡ് വി​ഭ​ജ​നം പൂ​ര്‍ത്തി​യാ​ക്കാ​ന്‍ ക​ഴി​യു​മോ എ​ന്ന ആ​ശ​ങ്ക​യും സ​ര്‍ക്കാ​റി​നു​ണ്ട്.

ബി​ൽ നി​യ​മ​സ​ഭ ക​ട​ന്ന​തോ​ടെ വാ​ർ​ഡ്​ വി​ഭ​ജ​ന​ത്തി​നാ​യി സം​സ്ഥാ​ന തെ​ര​ഞ്ഞെ​ടു​പ്പ്​ ക​മീ​ഷ​ണ​ർ അ​ധ്യ​ക്ഷ​നാ​യ അ​ഞ്ചം​ഗ സ​മി​തി​യെ സ​ർ​ക്കാ​ർ നി​യോ​ഗി​ച്ചി​രു​ന്നു. ഗ​വ​ര്‍ണ​ര്‍ ഒ​പ്പു​വെ​ച്ചാ​ല്‍ മാ​ത്ര​മേ ബി​ല്‍ പാ​സാ​വു​ക​യു​ള്ളൂ എ​ന്ന​തി​നാ​ൽ ക​മീ​ഷ​നും ഒ​രു ന​ട​പ​ടി​യി​ലേ​ക്കും ക​ട​ക്കാ​നാ​കാ​ത്ത അ​വ​സ്ഥ​യാ​ണ്. നി​യ​മ​സ​ഭ സ​മ്മേ​ള​ന​ത്തി​ൽ പ്ര​തി​പ​ക്ഷ ബ​ഹ​ള​ത്തി​നി​ടെ സ​ബ്ജ​ക്ട് ക​മ്മി​റ്റി​യു​ടെ പ​രി​ഗ​ണ​ന​ക്കു​പോ​ലും വി​ടാ​തെ​യാ​ണ്​ ബി​ൽ പാ​സാ​ക്കി​യ​ത്. തു​ട​ർ​ന്ന്​ സ​ബ്ജ​ക്ട് ക​മ്മി​റ്റി​യി​ല്‍ ച​ര്‍ച്ച​ചെ​യ്യാ​തെ പാ​സാ​ക്കി​യ ബി​ല്ലി​ല്‍ ഒ​പ്പി​ട​രു​തെ​ന്ന് അ​ഭ്യ​ര്‍ഥി​ച്ച്​ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍ ഗ​വ​ര്‍ണ​ര്‍ക്ക്​ പ​രാ​തി ന​ല്‍കി.

ത​ദ്ദേ​ശ സ്ഥാ​പ​ന​ങ്ങ​ളി​ല്‍ ഒ​രു​വാ​ര്‍ഡ് വീ​തം വ​ര്‍ധി​പ്പി​ക്കാ​ന്‍ നി​ര്‍ദേ​ശി​ച്ച് ആ​ദ്യം ഓ​ര്‍ഡി​ന​ന്‍സ് ഇ​റ​ക്കാ​നാ​ണ്​ തീ​രു​മാ​നി​ച്ച​ത്. പ്ര​ത്യേ​ക മ​ന്ത്രി​സ​ഭ യോ​ഗം ചേ​ർ​ന്ന്​​ ഇ​തി​ന്​ അ​നു​മ​തി​യും ന​ൽ​കി. എ​ന്നാ​ല്‍, നി​യ​മ​സ​ഭാ സ​മ്മേ​ള​നം തു​ട​ങ്ങു​ന്ന സാ​ഹ​ച​ര്യ​ത്തി​ല്‍ ഓ​ർ​ഡി​ന​ൻ​സ്​ ഒ​ഴി​വാ​ക്കി ബി​ല്ലാ​യി കൊ​ണ്ടു​വ​രാ​ന്‍ പി​ന്നീ​ട്​ തീ​രു​മാ​നി​ക്കു​ക​യാ​യി​രു​ന്നു.