ഗവർണറുടെ കാരണം കാണിക്കൽ നോട്ടീസ്​: വി.സിമാരുടെ ഹരജികൾ 30ലേക്ക്​ മാറ്റി

കൊ​ച്ചി: കേ​ര​ള​ത്തി​ലെ വി​വി​ധ സ​ർ​വ​ക​ലാ​ശാ​ല​ക​ളി​ലെ വി.​സി​മാ​രെ പു​റ​ത്താ​ക്കാ​തി​രി​ക്കാ​ൻ കാ​ര​ണ​മു​ണ്ടെ​ങ്കി​ൽ അ​റി​യി​ക്ക​ണ​മെ​ന്ന് കാ​ണി​ച്ച് ചാ​ൻ​സ​ല​ർ കൂ​ടി​യാ​യ ഗ​വ​ർ​ണ​ർ ന​ൽ​കി​യ നോ​ട്ടീ​സി​നെ​തി​രെ 10 സ​ർ​വ​ക​ലാ​ശാ​ല വി.​സി​മാ​ർ ന​ൽ​കി​യ ഹ​ര​ജി​ക​ൾ ഹൈ​കോ​ട​തി ന​വം​ബ​ർ 30ന്​ ​പ​രി​ഗ​ണി​ക്കാ​ൻ മാ​റ്റി. മ​റു​പ​ടി വാ​ദ​മു​ന്ന​യി​ക്കാ​ൻ ഗ​വ​ർ​ണ​റു​ടെ അ​ഭി​ഭാ​ഷ​ക​ൻ സ​മ​യം തേ​ടി​യ​തി​നെ​ത്തു​ട​ർ​ന്ന് ജ​സ്റ്റി​സ് ദേ​വ​ൻ രാ​മ​ച​ന്ദ്ര​ന്റെ ബെ​ഞ്ചാ​ണ് ഹ​ര​ജി​ക​ൾ മാ​റ്റി​യ​ത്.

ഹ​ര​ജി​ക​ളി​ൽ തീ​ർ​പ്പു​ണ്ടാ​കു​ന്ന​തു​വ​രെ വി.​സി​മാ​ർ​ക്ക് ത​ൽ​സ്ഥാ​ന​ത്ത്​ തു​ട​രാ​മെ​ന്ന് സിം​ഗി​ൾ​ബെ​ഞ്ച് നേ​ര​ത്തേ ഇ​ട​ക്കാ​ല ഉ​ത്ത​ര​വ്​ ന​ൽ​കി​യി​രു​ന്നു. ഇ​തും ന​വം​ബ​ർ ന​വം​ബ​ർ 30വ​രെ നീ​ട്ടി​യി​ട്ടു​ണ്ട്. ഇ​തി​ൽ കേ​ര​ള ഫി​ഷ​റീ​സ് സ​ർ​വ​ക​ലാ​ശാ​ല വി.​സി ഡോ. ​റി​ജി ജോ​ണി​ന്റെ നി​യ​മ​നം ഹൈ​കോ​ട​തി നേ​ര​​ത്തേ റ​ദ്ദാ​ക്കി​യി​രു​ന്നു. അ​തി​നാ​ൽ ഈ ​വി.​സി ഒ​ഴി​കെ മ​റ്റു​ള്ള​വ​ർ​ക്കാ​ണ് ഇ​ട​ക്കാ​ല ഉ​ത്ത​ര​വു ബാ​ധ​ക​മാ​കു​ന്ന​ത്.

കേ​ര​ള സ​ർ​വ​ക​ലാ​ശാ​ല സെ​ന​റ്റി​ൽ​നി​ന്ന് ഗ​വ​ർ​ണ​ർ ത​ങ്ങ​ളെ പു​റ​ത്താ​ക്കി​യ​തി​നെ​തി​രെ 15 സെ​ന​റ്റ്​ അം​ഗ​ങ്ങ​ൾ ന​ൽ​കി​യ ഹ​ര​ജി ഹൈ​കോ​ട​തി ന​വം​ബ​ർ 25ലേ​ക്ക് മാ​റ്റി. ഈ ​ഹ​ര​ജി​ക​ളും ജ​സ്റ്റി​സ് ദേ​വ​ൻ രാ​മ​ച​ന്ദ്ര​ന്റെ ബെ​ഞ്ചാ​ണ് പ​രി​ഗ​ണി​ക്കു​ന്ന​ത്.