ജെൻഡർ ന്യൂട്രൽ യൂനിഫോമിന്‍റെ പേരിൽ ഭരണകൂട ഭീകരത -ടി. മുഹമ്മദ്​ വേളം

തൃശൂർ: ജെൻഡർ ന്യൂട്രൽ യൂനിഫോമി​െൻറ പേരിൽ നടക്കുന്നത്​ ഭരണകൂട ഭീകരതയാണെന്ന്​ ജമാഅത്തെ ഇസ്​ലാമി സംസ്ഥാന കൂടിയാ​ലോചന സമിതി അംഗം ടി. മുഹമ്മദ്​ വേളം. 'ഇസ്​ലാം: ആശയ സംവാദത്തി​െൻറ സൗഹൃദ നാളുകൾ' കാമ്പയി​നിെൻറ ഭാഗമായി ജമാഅത്തെ ഇസ്​ലാമി ജില്ല സമിതി മാധ്യമപ്രവർത്തകർക്കായി നടത്തിയ 'ഒന്നിച്ചിരിക്കാം അൽപനേരം' സൗഹൃദസംഗമത്തിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം.

പെൺകുട്ടികൾക്ക്​ നിലവിലുള്ള യൂനിഫോമിൽ എന്തെങ്കിലും അസൗകര്യങ്ങളുണ്ടെങ്കിൽ അവർക്ക്​ അനുയോജ്യമായ യൂനിഫോം നടപ്പാക്കുകയാണ്​ വേണ്ടത്​. വസ്​ത്രമെന്നത്​ ആശയങ്ങളും സംസ്​കാരവുമായി ബന്ധപ്പെട്ടതാണ്​. പെൺകുട്ടികൾക്ക്​ അനുയോജ്യം ജെൻഡർ ന്യൂട്രൽ യൂനിഫോം ആണെന്ന്​ സർക്കാർ തീരുമാനിക്കുന്നത്​ ഭരണകൂട ഭീകരതയാണ്​. സർവ കാര്യത്തിലും സർക്കാർ ഇടപെടുക എന്നത്​ ആശാവഹമല്ല. എന്ത്​ വസ്​ത്രം ധരിക്കണം, എന്ത്​ ഭക്ഷണം കഴിക്കണം എന്നെല്ലാം പറയുന്നത്​ ഭരണകൂട ഭീകരതയാണ്​.

ഏറ്റവും കുറച്ചു ഭരിക്കുന്ന സർക്കാറുകളാണ്​ ഏറ്റവും നല്ല സർക്കാർ എന്നത്​ ഉദാര ജനാധിപത്യത്തി​െൻറ തത്ത്വമാണ്​. എന്നാൽ ഉദാരീകരണത്തി​െൻറ പേരിൽ മനുഷ്യ ജീവിതത്തി​െൻറ സൂക്ഷമമായ കാര്യങ്ങളിൽ പോലും ഭരണകൂടം കൈവെക്കുകയാണ്​. എല്ലാവർക്കും അവരവർ വിശ്വസിക്കുന്ന വസ്​ത്രം ധരിക്കാൻ അനുവദിക്കുക എന്നതാണ്​ ഇക്കാര്യത്തിൽ സ്വീകരിക്കേണ്ട നിലപാട്​.

ലിംഗത്തെയും ലൈഗികതയെയും രണ്ടായി മനസിലാക്കണം. അതി​നെ കൂട്ടിക്കുഴക്കുകയാണ്​ സർക്കാർ ചെയ്യുന്നത്​. സംസ്ഥാന കൂടിയാലോചന സമതി ചർച്ച പോലും ചെയ്യാത്ത കെ റെയിൽ പദ്ധതിക്ക്​ എതിരെ ജമാഅത്തെ ഇസ്​ലാമിയെ പ്രതിസ്ഥാനത്ത്​ നിർത്തുന്നത്​ വലിയ തമാശയാണെന്നും അദ്ദേഹം പറഞ്ഞു.