ഡിജിറ്റൽ സേവനം ​പേരിന്​; സർക്കാറിന്‍റെ ഗ്രാമസഭ പോർട്ടൽ കാര്യക്ഷമമല്ല

മ​ല​പ്പു​റം: കേ​ര​ള​ത്തി​ലെ അ​ധി​കാ​ര​വി​കേ​ന്ദ്രീ​ക​ര​ണ പ്ര​ക്രി​യ​യി​ല്‍ ​ശ്ര​ദ്ധേ​യ പ​ദ്ധ​തി​യാ​യി അ​വ​ത​രി​പ്പി​ച്ച ഗ്രാ​മ​സ​ഭ പോ​ർ​ട്ട​ലി​ന്‍റെ പ്ര​വ​ർ​ത്ത​നം കാ​ര്യ​ക്ഷ​മ​മ​ല്ലെ​ന്ന്​ ആ​ക്ഷേ​പം. പ​ഞ്ചാ​യ​ത്ത്​ അം​ഗ​ങ്ങ​ൾ​ക്കും ഉ​ദ്യോ​ഗ​സ്ഥ​ർ​ക്കും വി​ക​സ​ന-​ക്ഷേ​മ​പ്ര​വ​ര്‍ത്ത​ന​ങ്ങ​ളും അ​ടി​സ്ഥാ​ന വി​വ​ര​ങ്ങ​ളും അ​റി​യി​പ്പു​ക​ളും പ്ര​സി​ദ്ധീ​ക​രി​ക്കാ​നും വാ​ർ​ഡ്​​ത​ല​ങ്ങ​ളി​ൽ ജ​ന​ങ്ങ​ൾ​ക്ക്​ നി​ർ​ദേ​ശം സ​മ​ർ​പ്പി​ക്കാ​നും സൗ​ക​ര്യ​മൊ​രു​ക്കി​യാ​ണ്​ പോ​ര്‍ട്ട​ല്‍ ത​യാ​റാ​ക്കി​യ​ത്. എ​ന്നാ​ൽ, ക​ഴി​ഞ്ഞ കു​റ​ച്ച്​ വ​ർ​ഷ​ങ്ങ​ളാ​യി പോ​ർ​ട്ട​ലി​ന്റെ പ്ര​വ​ർ​ത്ത​നം പാ​ടേ അ​വ​താ​ള​ത്തി​ലാ​ണ്. ഗ്രാ​മ​സ​ഭ​ക​ളു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളൊ​ന്നും പോ​ർ​ട്ട​ലി​ൽ അ​പ്​​ഡേ​റ്റ്​ ചെ​യ്തി​ട്ടി​ല്ല. പൊ​തു​ജ​ന​ങ്ങ​ൾ​ക്ക് നി​ർ​ദേ​ശ​ങ്ങ​ളും അ​ഭി​പ്രാ​യ​ങ്ങ​ളും അ​റി​യി​ക്കാ​നു​ള്ള സം​വി​ധാ​ന​വും കാ​ര്യ​ക്ഷ​മ​മ​ല്ല. ഗെ​സ്റ്റ്​ യൂ​സ​റാ​യി പോ​ർ​ട്ട​ലി​ലൂ​ടെ നി​ർ​ദേ​ശം സ​മ​ർ​പ്പി​ക്കു​ന്ന കോ​ള​ത്തി​ൽ പേ​രും ന​മ്പ​റും ന​ൽ​കി മു​ന്നോ​ട്ടു​പോ​വു​മ്പോ​ൾ വെ​ബ്​​സൈ​റ്റ്​ പ്ര​വ​ർ​ത്ത​ന​ക്ഷ​മ​മ​ല്ല എ​ന്നാ​ണ്​ മ​റു​പ​ടി ല​ഭി​ക്കു​ന്ന​ത്.

ഇ​ൻ​ഫ​ർ​മേ​ഷ​ൻ കേ​ര​ള മി​ഷ​നാ​ണ് (ഐ.​എം.​കെ)​ പോ​ർ​ട്ട​ലി​ന്‍റെ ചു​മ​ത​ല. പോ​ർ​ട്ട​ലി​ന്‍റെ പ്ര​വ​ർ​ത്ത​ന​ത്തി​ൽ പ​രാ​തി ഉ​ന്ന​യി​ച്ച്​ കോ​ഡൂ​ർ പ​ഞ്ചാ​യ​ത്ത് വി​ക​സ​ന സ​മി​തി അ​ധ്യ​ക്ഷ ഫാ​ത്തി​മ വ​ട്ടോ​ളി മു​ഖ്യ​മ​ന്ത്രി​ക്ക് നി​വേ​ദ​നം ന​ൽ​കി​യി​രു​ന്നു. ഇ​തി​ന്​ ല​ഭി​ച്ച മ​റു​പ​ടി​യി​ൽ, എ​സ്.​എ​സ്.​എ​ൽ സ​ർ​ട്ടി​ഫി​ക്ക​റ്റ് കാ​ല​ഹ​ര​ണ​പ്പെ​ട്ട​തി​നാ​ലാ​ണ് പോ​ർ​ട്ട​ൽ പ്ര​വ​ർ​ത്ത​ന​ര​ഹി​ത​മാ​യി​രു​ന്ന​തെ​ന്നും നി​ല​വി​ൽ പ്ര​വ​ർ​ത്ത​ന​സ​ജ്ജ​മാ​ക്കി​യി​ട്ടു​ണ്ടെ​ന്നും വ്യ​ക്ത​മാ​ക്കി​യി​രു​ന്നു. എ​ന്നാ​ൽ, ഈ ​മ​റു​പ​ടി​ക്കു​ശേ​ഷ​വും പോ​ർ​ട്ട​ൽ കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്നി​ല്ലെ​ന്ന ആ​ക്ഷേ​പം തു​ട​രു​ക​യാ​ണ്.

ഗ്രാ​മ​സ​ഭ ചേ​രു​ന്ന തീ​യ​തി​യും സ്ഥ​ല​വും ച​ർ​ച്ച ചെ​യ്യു​ന്ന വി​ഷ​യ​ങ്ങ​ളും പോ​ർ​ട്ട​ലി​ൽ അ​റി​യാ​നാ​കും. ജ​ന​പ്ര​തി​നി​ധി​ക​ളോ​ട് ചോ​ദ്യം​ചോ​ദി​ക്കാ​നും മെം​ബ​ർ​ക്ക് വ്യ​ക്തി​പ​ര​മാ​യി മ​റു​പ​ടി ന​ൽ​കാ​നും പോ​ർ​ട്ട​ലി​ലൂ​ടെ സാ​ധി​ച്ചി​രു​ന്ന​തി​നാ​ൽ പൊ​തു​ജ​ന​ങ്ങ​ൾ​ക്ക്​ ഏ​റെ ഉ​പ​യോ​ഗ​പ്ര​ദ​മാ​യി​രു​ന്നു ഈ ​സം​വി​ധാ​നം. www.gramaSabha.lsgkerala.gov.in എ​ന്ന ലി​ങ്കി​ലാ​ണ്​ വെ​ബ്​​സൈ​റ്റ്​ ഒ​രു​ക്കി​യി​ട്ടു​ള്ള​ത്. പോ​ർ​ട്ട​ൽ പൊ​തു​ജ​ന​ങ്ങ​ളും പ​ഞ്ചാ​യ​ത്ത്​ അം​ഗ​ങ്ങ​ളും നി​ല​വി​ൽ കാ​ര്യ​മാ​യി ഉ​പ​യോ​ഗി​ക്കു​ന്നി​ല്ലെ​ന്നും എ​ന്നാ​ലും പ​ദ്ധ​തി കാ​ര്യ​ക്ഷ​മ​മാ​ക്കാ​നു​ള്ള ന​ട​പ​ടി​ക​ൾ ന​ട​ന്നി​ട്ടു​ണ്ടെ​ന്നു​മാ​ണ്​ ഇ​ൻ​ഫ​ർ​മേ​ഷ​ൻ കേ​ര​ള മി​ഷ​നി​ൽ​നി​ന്നു​ള്ള പ്ര​തി​ക​ര​ണം.