ജിഷ എലിസബത്തിന്​ ഹരിത പത്രപ്രവർത്തക പുരസ്​കാരം

തിരുവനന്തപുരം: സംസ്ഥാന ജൈവ വൈവിധ്യ ബോർഡി​​ന്‍റെ ഹരിത പത്രപ്രവർത്തക അവാർഡ്​​ (അച്ചടി വിഭാഗം) മാധ്യമം സീനിയർ സബ്​ എഡിറ്റർ ജിഷ എലിസബത്തിന്​. ദൃശ്യമാധ്യമ വിഭാഗത്തിൽ ന്യൂസ്​ 18 കേരള പ്രൊഡ്യൂസർ വി.എസ്​. കൃഷ്​ണരാജ്​ അർഹനായി. 25,000 രൂപ വീതമാണ്​ അവാർഡ്​ തുക.

ജൈവ വൈവിധ്യ പരിസ്ഥിതി സംരക്ഷകൻ അവാർഡ്​ കോഴിക്കോട്​ പടനിലം ആരാ​മ്പ്രം എടയാടി പൊയിൽ വീട്ടിൽ വി. മുഹമ്മദ്​ കോയ, സുൽത്താൻ ബത്തേരി തയ്യിൽ ഹൗസിൽ പ്രസീദ്​ കുമാർ എന്നിവർ പങ്കിട്ടു. നാടൻ സസ്യ ഇന സംരക്ഷകൻ അവാർഡ്​ തിരുവമ്പാടി പുരയിടത്തിൽ വീട്ടിൽ പി.ജെ. തോമസ്​, തൃശൂർ കൊറ്റനല്ലൂർ ഇടവന വീട്ടിൽ വിനോദ്​ ഇ.ആർ എന്നിവർ പങ്കിട്ടു. നാടൻ പക്ഷി-മൃഗാദികളു​െട സംരക്ഷക വിഭാഗത്തിൽ കോട്ടയം കുറിച്ചിത്താനം വലിയ പറമ്പിൽ പ്രദീപ്​കുമാർ എസ്​, വൈക്കം വെച്ചൂർ വെളത്തറ വി.എസ്.​ വിഷ്​ണു എന്നിവർ പങ്കിട്ടു. 50,000 രൂപ വീതമാണ്​ മൂന്ന്​ അവാർഡും.

ഗവേഷക പുരസ്​കാരം സസ്യ വിഭാഗത്തിൽ കോട്ടയ്​ക്കൽ സി.എം.പി.ആർ.എ.വി.എ സീനിയർ സയൻറിസ്​റ്റ്​ ഡോ. കെ.എം. പ്രഭുകുമാറും ജന്തു വിഭാഗത്തിൽ കണ്ണൂർ മഞ്ഞക്കി ഹൗസിൽ റോഷ്​നാഥ്​ രമേശും നേടി. നാട്ടു ശാസ്​ത്രജ്​ഞൻ വിഭാഗത്തിൽ തിരുവനന്തപുരം പാലോട്​ ഞാറനീലി ജയഭവനിൽ രവികുമാർ കാണി, കൽപറ്റ പഴമുടി പിച്ചൻ ഹൗസിൽ സലിം പി.എം എന്നിവർ അവാർഡ്​ പങ്കിട്ടു.

ജൈവ വൈവിധ്യ പരിപാലന സമിതി -പീലിക്കോട്​ ഗ്രാമപഞ്ചായത്ത്​ കാസർകോട്​, കുറുമാത്തൂർ ഗ്രാമപഞ്ചായത്ത്​ കണ്ണൂർ (ഒന്നാം സ്ഥാനം), വെള്ളിനേഴി ഗ്രാമപഞ്ചായത്ത്​ പാലക്കാട് ​(രണ്ടാം സ്ഥാനം)

കിനാനൂർ -കാരിന്തളം പഞ്ചായത്ത്​ കാസർകോട്​ മൂന്നാം സ്ഥാനം.

ഹരിത വിദ്യാലയം -സെൻറ്​ മേരീസ്​ ജി.എസ്​.എസ്​ കാഞ്ഞിരപ്പള്ളി, ജി.എസ്​.എസ്​.എസ​്​ കരുവാക്കുണ്ട്​​ മലപ്പുറം (ഒന്നാം സ്ഥാനം).

ഹരിത കോളജ്​ -തൃശൂർ ചേലക്കര കോളജ്​ ഒാഫ്​ അപ്ലൈയ്​ഡ്​ സയൻസ്​, പയ്യന്നൂർ കോളജ്​ എടാട്ട്​

ഹരിത സ്ഥാപനം -കോസ്​റ്റൽ പൊലീസ്​ സ്​റ്റേഷൻ നീണ്ടകര

സന്നദ്ധ സംഘടന: ഗ്രീൻ ഹാബി​റ്റാറ്റ്​ ​െസാസൈറ്റി പാവറട്ടി.

വ്യവസായ സ്ഥാപനം -അപ്പോളോ ടയേഴ്​സ്​ പേരാ​മ്പ്ര