എൻജിനിൽ പുക; ഗുരുവായൂർ -എറണാകുളം പാസഞ്ചർ ട്രെയിൻ പിടിച്ചിട്ടു

തൃശൂർ: പൂങ്കുന്നത്ത് പാസഞ്ചർ ട്രെയിനിന്റെ എൻജിനിൽ പുക ഉയർന്നു. 56371 ഗുരുവായൂർ -എറണാകുളം പാസഞ്ചർ ട്രെയിൻ രാവിലെ 7.15ന് പൂങ്കുന്നം റയിൽവെ സ്‌റ്റേഷനിൽ എത്തിയപ്പോഴായിരുന്നു സംഭവം.  അര മണിക്കൂറെടുത്താണ് എൻജിൻ തകരാർ പരിഹരിച്ചത്. ഈ സമയമത്രയും ട്രെയിൻ ഗതാഗതം മുടങ്ങി. പാസഞ്ചർ ട്രെയിൻ പിന്നീട് തൃശൂരിൽ യാത്ര ഉപേക്ഷിച്ചു.