ഗു​രു​വാ​യൂ​ർ മാ​സ്റ്റ​ർ​പ്ലാ​ൻ നി​ർ​ദേ​ശ​ങ്ങ​ൾ കൗ​ൺ​സി​ലി​ൽ

ഗു​രു​വാ​യൂ​ർ: 20 വ​ർ​ഷ​ത്തെ ഗു​രു​വാ​യൂ​രി​ന്‍റെ വി​ക​സ​നം മു​ൻ​കൂ​ട്ടി ക​ണ്ടു​ള്ള മാ​സ്റ്റ​ർ​പ്ലാ​ൻ നി​ർ​ദേ​ശ​ങ്ങ​ൾ കൗ​ൺ​സി​ലി​ൽ അ​വ​ത​രി​പ്പി​ച്ചു. അ​മൃ​ത് പ​ദ്ധ​തി ന​ട​പ്പാ​ക്കു​ന്ന ന​ഗ​ര​മെ​ന്ന നി​ല​യി​ൽ ഭൂ​മി​ശാ​സ്ത്ര വി​വ​ര​സം​വി​ധാ​ന​ത്തി​ൽ (ജി.​ഐ.​എ​സ്) ത​യാ​റാ​ക്കി​യ മാ​സ്റ്റ​ർ​പ്ലാ​നാ​ണ് ടൗ​ൺ പ്ലാ​നി​ങ് വി​ഭാ​ഗം കൗ​ൺ​സി​ലി​ൽ അ​വ​ത​രി​പ്പി​ച്ച​ത്.

ആ​റ് മേ​ഖ​ല​ക​ൾ

ടെ​മ്പി​ൾ കോ​ർ (ക്ഷേ​ത്ര​ത്തി​ന് ചു​റ്റും 100 മീ​റ്റ​ർ), തീ​ർ​ഥാ​ട​ക സോ​ൺ, മി​ക്സ​ഡ് സോ​ൺ, പാ​ർ​പ്പി​ട മേ​ഖ​ല, കൃ​ഷി​യും പാ​ർ​പ്പി​ട​ങ്ങ​ളും ചേ​ർ​ന്ന മേ​ഖ​ല, ക​ണ്ട​ൽ​ക്കാ​ടു​ക​ൾ, ജ​ലാ‍ശ​യ​ങ്ങ​ൾ, വ​യ​ലു​ക​ൾ എ​ന്നി​വ​യ​ട​ങ്ങി​യ മേ​ഖ​ല എ​ന്നി​ങ്ങ​നെ ആ​റ് മേ​ഖ​ല​ക​ളാ​ക്കി ന​ഗ​ര​സ​ഭ​യെ ത​രം​തി​രി​ച്ചാ​ണ് മാ​സ്റ്റ​ർ​പ്ലാ​ൻ ത​യാ​റാ​ക്കി​യി​ട്ടു​ള്ള​ത്. തീ​ർ​ഥാ​ട​ക സോ​ണി​ൽ കെ​ട്ടി​ട​ങ്ങ​ളു​ടെ ഉ​യ​രം 10 മീ​റ്റ​റി​ൽ പ​രി​മി​ത​പ്പെ​ടു​ത്താ​നും ഇ​നി​യു​ള്ള നി​ർ​മാ​ണ​ങ്ങ​ൾ കേ​ര​ളീ​യ മാ​തൃ​ക​യി​ലാ​ക്കാ​നും നി​ർ​ദേ​ശ​മു​ണ്ട്.

റോ​ഡു​ക​ൾ

ഗു​രു​വാ​യൂ​രി​ലൂ​ടെ ക​ട​ന്നു​പോ​കു​ന്ന സം​സ്ഥാ​ന​പാ​ത​ക​ൾ വീ​തി കൂ​ട്ട​ണം. തൃ​ശൂ​ർ-​ചൂ​ണ്ട​ൽ, കു​ന്നം​കു​ളം-​ചാ​വ​ക്കാ​ട് റോ​ഡു​ക​ൾ 23 മീ​റ്റ​റും മ​മ്മി​യൂ​ർ-​പൊ​ന്നാ​നി റോ​ഡ് 15 മീ​റ്റ​റും ആ​ക്ക​ണം. ഔ​ട്ട​ർ റി​ങ് റോ​ഡ്, ചാ​വ​ക്കാ​ട്-​കാ​ഞ്ഞാ​ണി റോ​ഡ്, ചൊ​വ്വ​ല്ലൂ​ർ​പ്പ​ടി-​പാ​വ​റ​ട്ടി റോ​ഡ് എ​ന്നി​വ 15 മീ​റ്റ​റാ​ക്ക​ണം. ഇ​ന്ന​ർ റി​ങ് റോ​ഡ്, ഗു​രു​വാ​യൂ​ർ-​കാ​ര​ക്കാ​ട്, ഗു​രു​വാ​യൂ​ർ-​മു​തു​വ​ട്ടൂ​ർ, പേ​ര​കം റോ​ഡ്, ത​മ്പു​രാ​ൻ​പ​ടി-​കോ​ട്ട​പ്പ​ടി, മാ​വി​ൻ​ചു​വ​ട്-​ശ​വ​ക്കോ​ട്ട, ഗു​രു​വാ​യൂ​ർ-​ചെ​മ്മ​ണൂ​ർ എ​ന്നി​വ 12 മീ​റ്റ​റാ​ക്ക​ണം. ഓ​വു​ങ്ങ​ൽ​പ​ള്ളി-​ത​മ്പു​രാ​ൻ​പ​ടി, കോ​ട്ട​പ്പ​ടി, ചൊ​വ്വ​ല്ലൂ​ർ​പ്പ​ടി, പാ​വ​റ​ട്ടി, ചാ​വ​ക്കാ​ട് ഭാ​ഗ​ങ്ങ​ളെ ബ​ന്ധി​പ്പി​ച്ച് 20.5 കി.​മീ. നീ​ള​ത്തി​ൽ റി​ങ് റോ​ഡ് നി​ർ​ദേ​ശ​മു​ണ്ട്.

മ​റ്റ് നി​ർ​ദേ​ശ​ങ്ങ​ൾ

• കാ​വീ​ട് നോ​ർ​ത്ത്, പി​ള്ള​ക്കാ​ട്, ച​ക്കം​ക​ണ്ടം, ബ്ര​ഹ്മ​കു​ളം എ​ന്നി​വി​ട​ങ്ങ​ളി​ൽ വി​കേ​ന്ദ്രീ​കൃ​ത മ​ലി​ന​ജ​ല സം​സ്ക​ര​ണ കേ​ന്ദ്ര​ങ്ങ​ൾ.
• ചൂ​ൽ​പു​റ​ത്തെ പ്ലാ​സ്റ്റി​ക് ഷ്രെ​ഡി​ങ് യൂ​നി​റ്റ് പ്ലാ​സ്റ്റി​ക് പൈ​റോ​ലി​സി​സ് പ്ലാ​ന്‍റാ​യി ന​വീ​ക​രി​ക്കു​ക. ഇ​പ്പോ​ഴ​ത്തെ ചൂ​ൽ​പ്പു​റം കേ​ന്ദ്രം അ​പ​ര്യാ​പ്ത​മാ​യ​തി​നാ​ൽ അ​ഞ്ച് കേ​ന്ദ്ര​ങ്ങ​ളി​ലാ​യി ഖ​ര​മാ​ലി​ന്യ സം​സ്ക​ര​ണ യൂ​നി​റ്റ്. ത​മ്പു​രാ​ൻ​പ​ടി​യി​ലും കോ​ട്ട​പ്പ​ടി​യി​ലും മാ​ർ​ക്ക​റ്റു​ക​ൾ, തൈ​ക്കാ​ട് ജ​ങ്ഷ​നി​ൽ മ​ൾ​ട്ടി ഫ​ങ്ഷ​ന​ൽ സെ​ന്‍റ​ർ.
• ഒ​രു​ദി​വ​സ​ത്തെ തീ​ർ​ഥാ​ട​ന യാ​ത്ര സ​ർ​ക്യൂ​ട്ട്.
• ഗു​രു​വാ​യൂ​ർ, ചാ​വ​ക്കാ​ട്, കു​ന്നം​കു​ളം ന​ഗ​ര​സ​ഭ​ക​ളി​ലെ ടൂ​റി​സം ആ​ക​ർ​ഷ​ണ​കേ​ന്ദ്ര​ങ്ങ​ളെ യോ​ജി​പ്പി​ച്ച ടൂ​റി​സം സ​ർ​ക്യൂ​ട്ട്. സ്പോ​ർ​ട്സ് വി​ല്ലേ​ജ്.
• ച​ക്കം​ക​ണ്ട​ത്ത് ടൂ​റി​സം വി​ക​സ​നം.

തു​ട​ർ ന​ട​പ​ടി​ക​ൾ

ക​ര​ട് മാ​സ്റ്റ​ർ​പ്ലാ​നി​ലേ​ക്ക് നി​ർ​ദേ​ശ​ങ്ങ​ൾ സ്വീ​ക​രി​ക്ക​ലാ​ണ് അ​ടു​ത്ത ഘ​ട്ടം. കൗ​ൺ​സി​ൽ, വ​ർ​ക്കി​ങ് ഗ്രൂ​പ്പു​ക​ൾ, വി​ദ​ഗ്ധ​ർ തു​ട​ങ്ങി​യ​വ​രു​ടെ നി​ർ​ദേ​ശ​ങ്ങ​ൾ പ്ര​ത്യേ​ക സ​മി​തി പ​രി​ശോ​ധി​ക്കും. പ്ര​ത്യേ​ക സ​മി​തി​യു​ടെ ശി​പാ​ർ​ശ​ക​ൾ അ​ട​ങ്ങു​ന്ന ക​ര​ട് മാ​സ്റ്റ​ർ​പ്ലാ​ൻ കൗ​ൺ​സി​ൽ ച​ർ​ച്ച ചെ​യ്ത് അം​ഗീ​ക​രി​ച്ച ശേ​ഷം ചീ​ഫ് ടൗ​ൺ പ്ലാ​ന​ർ​ക്ക് കൈ​മാ​റും.

തു​ട​ർ​ന്ന് സ​ർ​ക്കാ​റി​ന് കൈ​മാ​റു​ന്ന ക​ര​ട് മാ​സ്റ്റ​ർ​പ്ലാ​ൻ ഗ​സ​റ്റി​ൽ വി​ജ്ഞാ​പ​നം ചെ​യ്യും. ഡെ​പ്യൂ​ട്ടി ടൗ​ൺ പ്ലാ​ന​ർ ജീ​വ ലി​സ സേ​വ്യ​റാ​ണ് കൗ​ൺ​സി​ലി​ൽ ക​ര​ട് നി​ർ​ദേ​ശ​ങ്ങ​ൾ അ​വ​ത​രി​പ്പി​ച്ച​ത്.

ചെ​യ​ർ​മാ​ൻ എം. ​കൃ​ഷ്ണ​ദാ​സ് അ​ധ്യ​ക്ഷ​ത വ​ഹി​ച്ചു. അ​നീ​ഷ്മ ഷ​നോ​ജ്, എ.​എം. ഷെ​ഫീ​ർ, എ.​എ​സ്. മ​നോ​ജ്, കെ.​പി. ഉ​ദ​യ​ൻ, പ്ര​ഫ. പി.​കെ. ശാ​ന്ത​കു​മാ​രി, എ. ​സാ​യി​നാ​ഥ​ൻ, ശോ​ഭ ഹ​രി​നാ​രാ​യ​ണ​ൻ, കെ.​പി.​എ. റ​ഷീ​ദ്, സി.​എ​സ്. സൂ​ര​ജ്, സി​ൽ​വ ജോ​ഷി എ​ന്നി​വ​ർ സം​സാ​രി​ച്ചു.

മാ​സ്റ്റ​ർ പ്ലാ​നി​നെ​തി​രെ സി.​പി.​എം അം​ഗവും

ക​ര​ട് മാ​സ്റ്റ​ർ​പ്ലാ​ൻ അ​വ്യ​ക്ത​മാ​ണെ​ന്ന ആ​രോ​പ​ണ​വു​മാ​യി ആ​ദ്യം രം​ഗ​ത്തെ​ത്തി​യ​വ​രി​ൽ ഭ​ര​ണ​പ​ക്ഷ​ത്തെ സി.​പി.​എം കൗ​ൺ​സി​ല​റും. ആ​ർ.​വി. ഷെ​രീ​ഫാ​ണ് മാ​സ്റ്റ​ർ​പ്ലാ​നി​നെ​തി​രെ രൂ​ക്ഷ​മാ​യി പ്ര​തി​ക​രി​ച്ച​ത്. പ്ര​തി​പ​ക്ഷ​ത്തെ കെ.​പി. ഉ​ദ​യ​ൻ, കെ.​പി.​എ. റ​ഷീ​ദ് എ​ന്നി​വ​രും വി​മ​ർ​ശ​ന​വു​മാ​യി രം​ഗ​ത്തെ​ത്തി. ഒ​രു​ദി​വ​സം ഗു​രു​വാ​യൂ​രി​ലെ​ത്തു​ന്ന​വ​രു​ടെ ശ​രാ​ശ​രി എ​ണ്ണം 30,000 ആ​ണെ​ന്ന ക​ര​ട് മാ​സ്റ്റ​ർ​പ്ലാ​നി​ലെ പ​രാ​മ​ർ​ശ​വും ച​ർ​ച്ച​യാ​യി.

കേ​ര​ള​ത്തി​ന്‍റെ ആ​കെ ജ​ന​സം​ഖ്യ​ക്ക് തു​ല്യ​മാ​യ എ​ണ്ണം ആ​ളു​ക​ളാ​ണ് ഒ​രു​വ​ർ​ഷം ഗു​രു​വാ​യൂ​രി​ലെ​ത്തു​ന്ന​ത് എ​ന്നാ​യി​രു​ന്നു കൗ​ൺ​സി​ല​ർ​മാ​രു​ടെ ചൂ​ണ്ടി​ക്കാ​ട്ട​ൽ. എ​ന്നാ​ൽ, ഗു​രു​വാ​യൂ​രി​ലെ​ത്തു​ന്ന​വ​രു​ടെ ക​ണ​ക്ക് സം​ബ​ന്ധി​ച്ച് രേ​ഖ​ക​ളൊ​ന്നും ല​ഭി​ച്ചി​ല്ലെ​ന്നും പൊ​ലീ​സി​ൽ​നി​ന്ന് ല​ഭി​ച്ച ക​ണ​ക്ക് പ്ര​കാ​ര​മാ​ണ് 30,000 എ​ന്ന​ത് ഉ​ൾ​പ്പെ​ടു​ത്തി​യ​തെ​ന്നും ന​ഗ​രാ​സൂ​ത്ര​ണ വി​ഭാ​ഗം ഉ​ദ്യോ​ഗ​സ്ഥ​ർ അ​റി​യി​ച്ചു. മ​റി​ച്ചു​ള്ള ഔ​ദ്യോ​ഗി​ക​രേ​ഖ​ക​ൾ ല​ഭി​ച്ചാ​ൽ അ​ത് ഉ​ൾ​പ്പെ​ടു​ത്തു​മെ​ന്നും അ​റി​യി​ച്ചു.