ഗുരുവായൂർ, ശബരിമല; സ്വത്ത് മൂല്യനിർണയം നടത്തിയിട്ടില്ലെന്ന് അധികൃതർ

കൊ​ച്ചി: ഗു​രു​വാ​യൂ​ർ, ശ​ബ​രി​മ​ല ക്ഷേ​ത്ര സ്വ​ത്ത് മൂ​ല്യ​നി​ർ​ണ​യം ന​ട​ത്തി​യി​ട്ടി​ല്ലെ​ന്ന് അ​ധി​കൃ​ത​ർ. 124 കി​ലോ സ്വ​ർ​ണം, 72 കി​ലോ ക​ല്ല​ട​ങ്ങി​യ സ്വ​ർ​ണം, 6073 കി​ലോ ഗ്രാം ​പ​ല​ത​രം വെ​ള്ളി എ​ന്നി​ങ്ങ​നെ ഗു​രു​വാ​യൂ​ർ ക്ഷേ​ത്ര​ത്തി​ൽ സ്വ​ത്തു​ണ്ട്. ഇ​ത് ഭ​ക്ത​രു​ടെ വ​ഴി​പാ​ട് സ​മ​ർ​പ്പ​ണം, ഭ​ണ്ഡാ​ര വ​ര​വ് എ​ന്നീ ഇ​ന​ങ്ങ​ളി​ലു​ള്ള​താ​ണ്. 109.3687 ഹെ​ക്ട​ർ ഭൂ​മി​യും സ്വ​ന്ത​മാ​യി​ട്ടു​ണ്ട്. ശ​ബ​രി​മ​ല​യി​ൽ 227.824 കി​ലോ സ്വ​ർ​ണ​മാ​ണു​ള്ള​ത്.

2994 കി​ലോ​ഗ്രാം വെ​ള്ളി​യു​മു​ണ്ട്. ഇ​വ​യു​ടെ മൂ​ല്യം ക​ണ​ക്കാ​ക്കി​യി​ട്ടി​ല്ല. പൗ​രാ​ണി​ക മൂ​ല്യ​മു​ള്ള ഉ​രു​പ്പ​ടി​ക​ൾ ആ​യ​തി​നാ​ൽ മൂ​ല്യ​നി​ർ​ണ​യം അ​സാ​ധ്യ​മാ​ണെ​ന്നാ​ണ് ഗു​രു​വാ​യൂ​ർ, തി​രു​വി​താം​കൂ​ർ ദേ​വ​സ്വം ബോ​ർ​ഡു​ക​ൾ ന​ൽ​കു​ന്ന മ​റു​പ​ടി. കൊ​ച്ചി​യി​ലെ പ്രോ​പ്പ​ർ ചാ​ന​ൽ സം​ഘ​ട​ന പ്ര​സി​ഡ​ൻ​റ് എം.​കെ. ഹ​രി​ദാ​സി​ന് ഇ​രു​ദേ​വ​സ്വ​ങ്ങ​ളും വി​വ​രാ​വ​കാ​ശ നി​യ​മ​പ്ര​കാ​രം ന​ൽ​കി​യ മ​റു​പ​ടി​യി​ലാ​ണ് വി​ശ​ദാം​ശ​ങ്ങ​ളു​ള്ള​ത്.

എ​ന്നാ​ൽ, ഇ​തി​നേ​ക്കാ​ളേ​റെ സ്വ​ത്തും ആ​സ്തി​യു​മു​ള്ള തി​രു​പ്പ​തി ക്ഷേ​ത്ര​ത്തി​ലെ സ്വ​ത്തു​ക്ക​ളു​ടെ മൂ​ല്യം ക​ണ​ക്കാ​ക്കി​യി​ട്ടു​ണ്ടെ​ന്ന് ഹ​രി​ദാ​സ് പ​റ​ഞ്ഞു. ഹൈ​കോ​ട​തി നി​ർ​ദേ​ശ​പ്ര​കാ​രം ശ​ബ​രി​മ​ല ക്ഷേ​ത്ര​ത്തി​ന്‍റേ​താ​യ ഭൂ​മി​യു​ടെ സ​ർ​വേ ന​ട​ക്കു​ക​യാ​ണെ​ന്നും അ​തി​നാ​ൽ അ​വ ന​ൽ​കാ​ൻ നി​ർ​വാ​ഹ​മി​ല്ലെ​ന്നു​മാ​ണ് അ​ധി​കൃ​ത​രു​ടെ മ​റു​പ​ടി. വ​ലി​യ വ​രു​മാ​ന​മു​ള്ള ശ​ബ​രി​മ​ല ക്ഷേ​ത്ര​ത്തി​ന്‍റെ സ്ഥി​ര​നി​ക്ഷേ​പം 41.74 ല​ക്ഷ‍ം രൂ​പ മാ​ത്ര​മാ​ണെ​ന്ന​ത് കൗ​തു​ക​ക​ര​മാ​ണെ​ന്ന് ഹ​രി​ദാ​സ് പ​റ​ഞ്ഞു.

അ​തേ​സ​മ​യം നാ​ഷ​ന​ലൈ​സ്ഡ് ഷെ​ഡ്യൂ​ൾ ബാ​ങ്കു​ക​ളി​ലാ​യി ഗു​രു​വാ​യൂ​ർ ദേ​വ​സ്വ​ത്തി​ന് 2053 കോ​ടി രൂ​പ​യു​ടെ സ്ഥി​ര​നി​ക്ഷേ​പ​മു​ണ്ട്. കേ​ര​ള ബാ​ങ്കി​ൽ 17 കോ​ടി​യു​ടെ സ്ഥി​ര​നി​ക്ഷേ​പം ന​ട​ത്തി​യി​ട്ടു​ണ്ടെ​ന്നും വി​വ​രാ​വ​കാ​ശ മ​റു​പ​ടി​യി​ൽ പ​റ​യു​ന്നു. എ​ന്നാ​ൽ, സ​ഹ​ക​ര​ണ സ്ഥാ​പ​ന​ങ്ങ​ളി​ലോ സം​ഘ​ങ്ങ​ളി​ലോ ഗു​രു​വാ​യൂ​ർ ദേ​വ​സ്വം സ്ഥി​ര​നി​ക്ഷേ​പം ന​ട​ത്ത​രു​തെ​ന്ന് ഹൈ​കോ​ട​തി നി​ർ​ദേ​ശ​മു​ള്ള​താ​ണെ​ന്ന് ഹ​രി​ദാ​സ് പ​റ​ഞ്ഞു.