'കോടതി വിളക്ക്' ജഡ്‌ജിമാർക്ക്​ വിലക്ക്

കൊ​ച്ചി: ഗു​രു​വാ​യൂ​ർ ക്ഷേ​ത്ര​ത്തി​ലെ 'കോ​ട​തി വി​ള​ക്ക്' ന​ട​ത്തി​പ്പി​ൽ ജ​ഡ്‌​ജി​മാ​ർ പ​ങ്കെ​ടു​ക്കു​ന്ന​ത്​ വി​ല​ക്കി ഹൈ​കോ​ട​തി. കോ​ട​തി​ക​ൾ ഏ​തെ​ങ്കി​ലും പ്ര​ത്യേ​ക മ​ത​ത്തി​ന്റെ പ​രി​പാ​ടി​യി​ൽ ഭാ​ഗ​മാ​കു​ന്ന​ത്‌ ശ​രി​യ​ല്ലെ​ന്ന് വി​ല​യി​രു​ത്തി ജി​ല്ല​യു​ടെ ചു​മ​ത​ല​യു​ള്ള ഹൈ​കോ​ട​തി ജ​ഡ്‌​ജി ജ​സ്‌​റ്റി​സ്‌ എ.​കെ. ജ​യ​ശ​ങ്ക​ര​ൻ ന​മ്പ്യാ​ർ ര​ജി​സ്​​ട്രാ​ർ മു​ഖേ​ന തൃ​ശൂ​ർ ജി​ല്ല ജ​ഡ്‌​ജി​ക്ക്‌ ക​ത്ത​യ​ച്ചു. ച​ട​ങ്ങി​നെ 'കോ​ട​തി വി​ള​ക്ക്' എ​ന്ന് വി​ളി​ക്കു​ന്ന​തി​ൽ അ​തൃ​പ്തി പ്ര​ക​ടി​പ്പി​ച്ച ഹൈ​കോ​ട​തി, ജി​ല്ല​യി​ലെ ജു​ഡീ​ഷ്യ​ൽ ഓ​ഫി​സ​ർ​മാ​ർ നേ​രി​ട്ടോ അ​ല്ലാ​തെ​യോ ന​ട​ത്തി​പ്പി​ൽ പ​ങ്കാ​ളി​ക​ളാ​ക​രു​തെ​ന്ന്‌ ​നി​ർ​ദേ​ശി​ച്ചി​ട്ടു​ണ്ട്.

ഗു​രു​വാ​യൂ​ർ ഏ​കാ​ദ​ശി​യു​മാ​യി ബ​ന്ധ​പ്പെ​ട്ട്‌ ചാ​വ​ക്കാ​ട് മു​ൻ​സി​ഫ് കോ​ട​തി ബാ​ർ അ​സോ​സി​യേ​ഷ​ൻ അം​ഗ​ങ്ങ​ൾ ഉ​ൾ​പ്പെ​ടു​ന്ന സം​ഘാ​ട​ക​സ​മി​തി​യാ​ണ് 'കോ​ട​തി വി​ള​ക്ക്' ന​ട​ത്തു​ന്ന​ത്. നൂ​റു​വ​ർ​ഷം മു​മ്പ്‌ ചാ​വ​ക്കാ​ട്‌ മു​ൻ​സി​ഫ്‌ ജ​ഡ്‌​ജി​യാ​യി​രു​ന്ന കേ​യി ആ​രം​ഭി​ച്ച കോ​ട​തി വി​ള​ക്ക്‌ പി​ന്നീ​ട് വ​ന്ന മു​ൻ​സി​ഫു​മാ​രും ജ​ഡ്‌​ജി​മാ​രും അ​ഭി​ഭാ​ഷ​ക​രും തു​ട​രു​ക​യാ​യി​രു​ന്നു. എ​ന്നാ​ൽ, ച​ട​ങ്ങി​ന്​ 'കോ​ട​തി വി​ള​ക്ക്‌' എ​ന്ന്​ പ്ര​യോ​ഗി​ക്കു​മ്പോ​ൾ ഇ​തു​മാ​യി കോ​ട​തി​ക​ൾ​ക്ക്​ ബ​ന്ധ​മു​ണ്ടെ​ന്ന പ്ര​തീ​തി​യു​ണ്ടാ​ക്കും. അ​തി​നാ​ൽ, ജി​ല്ല​യി​ലെ ജു​ഡീ​ഷ്യ​ൽ ഓ​ഫി​സ​ർ​മാ​ർ ഇ​ത്ത​രം ച​ട​ങ്ങു​ക​ളി​ൽ പ​ങ്കെ​ടു​ക്കു​ക​യോ സം​ഘ​ടി​പ്പി​ക്കു​ക​യോ ചെ​യ്യ​രു​ത്. അ​തേ​സ​മ​യം, ബാ​ർ അ​സോ​സി​യേ​ഷ​ൻ സം​ഘ​ടി​പ്പി​ച്ചാൽ എ​തി​ർ​പ്പി​ല്ലെ​ന്ന് വ്യ​ക്ത​മാ​ക്കി​യി​ട്ടു​ണ്ട്.