പാണ്ടിക്കാട് എ.ആര്‍ ക്യാമ്പിലെ ഒമ്പത്​ പൊലീസുകാർക്ക്​ എച്ച്​1എൻ1

മലപ്പുറം: പാണ്ടിക്കാട് എ.ആര്‍ ക്യാമ്പിലെ ഒമ്പത്​ പൊലീസുകാർക്ക്​ എച്ച്​1എൻ1 രോഗം സ്ഥിരീകരിച്ചു. പൊലീസുകാർക്ക്​ കൂട്ടത്തോടെ പനി വന്നതിനെ തുടര്‍ന്ന് നടത്തിയ പരിശോധനയിലാണ് ഒമ്പത്​ പേര്‍ക്ക് രോഗം സ്ഥിരീകരിച്ചത്​.

കണ്ണൂരില്‍ തെരഞ്ഞെടുപ്പ് സുരക്ഷ ഡ്യൂട്ടി കഴിഞ്ഞെത്തിയവരിലാണ് രോഗലക്ഷണങ്ങള്‍ കണ്ടെത്തിയത്. 16 പേരുടെ സ്രവം മണിപ്പാലിലെ വൈറോളജി ലാബില്‍ പരിശോധനക്ക്​ അയച്ചിരുന്നു. ഇവരില്‍ ഒമ്പത് പേര്‍ക്കാണ്​ സ്ഥിരീകരിച്ചത്​.

ജില്ലയിൽ എച്ച്1എൻ1 സ്​ഥിരീകരിച്ച സാഹചര്യത്തിൽ പൊതുജനം ജാഗ്രത പാലിക്കണമെന്ന് ജില്ല മെഡിക്കൽ ഓഫിസർ ഡോ. കെ. സക്കീന അറിയിച്ചു. ഭയപ്പെടേണ്ട സാഹചര്യമില്ലെന്നും മരുന്ന് ജില്ലയിൽ ലഭ്യമാണെന്നും ഇത് സൗജന്യമായി ലഭിക്കുമെന്നും ഡി.എം.ഒ പറഞ്ഞു.