ഭരണഘടനാവകാശം അനുവദിച്ചുകിട്ടാൻ രണ്ടുവർഷം  പീഡനം സഹിച്ചു -ഹാദിയ

കോഴിക്കോട്​: ഭരണഘടന അനുവദിച്ച അവകാശം ഉപയോഗിച്ചതി​​െൻറ പേരിൽ രണ്ടുവർഷം  പീഡിപ്പിക്കപ്പെട്ടതായി ഹാദിയ. ഇഷ്​ടമുള്ള മതം സ്വീകരിച്ച്​ ജീവിക്കാനും ഇഷ്​ട​പ്പെട്ട ജീവിത പങ്കാളിയെ തെരഞ്ഞെടുക്കാനും ഇന്ത്യൻ ഭരണഘടന പൗരന്​ അവകാശം നൽകുന്നുണ്ട്​. ഇൗ രണ്ട്​ അവകാശവും ഉപയോഗപ്പെടുത്തിയതി​​െൻറ പേരിലാണ്​ കയ്​പേറിയ മാനസിക പീഡനങ്ങൾക്ക്​ ഇരയായതെന്ന്​ ഹാദിയ  വാർത്തസമ്മേളനത്തിൽ പറഞ്ഞു. വിവാഹം സാധുവായി അംഗീകരിച്ച സുപ്രീംകോടതി വിധിയിൽ സന്തോഷം പങ്കിടാനാണ്​ ഹാദിയയും ശഫിൻ ജഹാനും മാധ്യമപ്രവർത്തകരുമായി സംവദിച്ചത്​.

വിവാഹം അസാധുവാക്കി ഹൈകോടതി ഉത്തരവിട്ടതോടെ ശരിക്കും വീട്ടുതടങ്കലിലായിരുന്നുവെന്ന്​ ഹാദിയ പറഞ്ഞു. ‘‘സ്വത​ന്ത്ര ഇന്ത്യയിൽ സംഭവിക്കാൻ പാടില്ലാത്തതാണ്​ എ​​െൻറ കാര്യത്തിൽ  സംഭവിച്ചത്​. പൊലീസ്​ നടപടി തീർത്തും ഏകപക്ഷീയവും  നീതീകരിക്കാനാവാത്തതുമായിരുന്നു. ഞാൻ ഇഷ്​ടപ്പെടാത്തവരെയാണ്​ പൊലീസ്​ എന്നെ കാണാൻ വീട്ടിലേക്ക്​ കടത്തിവിട്ടുകൊണ്ടിരുന്നത്​. ഹിന്ദുമത പ്രചാരകരെയും സന്യാസിമാരെയും തൊഴുതുകൊണ്ട്​​ പൊലീസ്​ സ്വീകരിച്ചു​. സനാതന ധർമത്തെക്കുറിച്ച്​ പറഞ്ഞുതരാൻ മനഃശാസ്​ത്ര ഡോക്​ടർമാർ വന്നു. ജഡ്​ജി പറഞ്ഞിട്ടാണ്​ വരുന്നതെന്നുവരെ കൗൺസലിങ്ങിന്​ എത്തിയ ചിലർ  ധരിപ്പിച്ചു. സഹിക്കാൻ പറ്റാത്തതായിരുന്നു പലരുടെയും പെരുമാറ്റം. എ​​െൻറ മനോവേദന പൊലീസിന്​ ഒട്ടും പ്രശ്​നമല്ലായിരുന്നു’’ -ഹാദിയ പറഞ്ഞു. 

സുപ്രീംകോടതിയിൽ സമർപ്പിച്ച സത്യവാങ്​മൂലത്തിൽ രാഹുൽ ഇൗശ്വറിനെതിരെ പറഞ്ഞ കാര്യങ്ങളിൽ ഉറച്ചുനിൽക്കുന്നതായി ഹാദിയ വ്യക്​തമാക്കി. തന്നെ വന്നു  കണ്ടവരിൽ മുസ്​ലിം പേരിലുണ്ടായിരുന്നത്​ ജാമിദ ടീച്ചർ മാത്രമാണ്​. തുടർച്ചയായി രണ്ടുദിവസം വീട്ടിൽവന്ന അവർക്കും പറയാനുണ്ടായിരുന്നത്​ ഇസ്​ലാം ഉപേക്ഷിക്കുന്നതിനെക്കുറിച്ചായിരുന്നു. ഇസ്​ലാം സ്വീകരിക്കുകവഴി ഇടത്തേ കാലിലെ മന്ത്​ വലത്തേ കാലിലേക്ക്​ ആക്കിയിരിക്കുകയാണെന്ന്​ ജാമിദ ടീച്ചർ പറഞ്ഞപ്പോൾ മന്തില്ലെന്ന്​ പറഞ്ഞ്​ കാൽപൊക്കി കാണിച്ചുകൊടുത്തു. ഇതേക്കുറിച്ച്​ അവർ പിന്നീട്​ ത​​െൻറ മനോനില തെറ്റിയെന്ന രീതിയിലാണ്​ പ്രസ്​താവന നടത്തിയത്​. ഇസ്​ലാമിലേക്ക്​ വന്നതും ഇഷ്​ടപ്പെട്ട വരനെ സ്വീകരിച്ചതും വിവാദമാക്കിയത്​ ദേശവിരുദ്ധ ശക്​തികളുടെ ഇടപെടലാണ്​. വിവാഹം കഴിക്കാനല്ല മുസ്​ലിമായത്​. മറിച്ച്,​ ഇസ്​ലാം സ്വീകരിച്ച ശേഷമാണ്​ ശഫിൻ ജഹാനെ ഭർത്താവായി സ്വീകരിച്ചത്​. ഇസ്​ലാമിനെ പൂർണമായി ഉൾക്കൊണ്ട്​ കേരളത്തിൽതന്നെ ജീവിക്കാനാണ്​ ആഗ്രഹം. ആടുമേയ്​ക്കാൻ സിറിയയിലേക്ക്​ പോകാൻ താൽപര്യമുണ്ടെന്ന്​ ത​‍​െൻറ പേരിൽ പ്രചരിച്ച ഒാഡി​േയാ ക്ലിപ്പ്​ വ്യാജമാണ്​. 

ഇസ്​ലാം സ്വീകരിച്ചതുമായി ബന്ധപ്പെട്ടുണ്ടായ പ്രശ്​നങ്ങളിൽ ഒരുഘട്ടം കഴിഞ്ഞപ്പോൾ എല്ലാ മുസ്​ലിം സംഘടനകളും പിന്തുണച്ചിട്ടുണ്ട്​. അവരോടൊക്കെ തീരാത്ത നന്ദിയുണ്ട്​. പലരും തനിക്കുവേണ്ടി പ്രാർഥിക്കുകയും നോെമ്പടുക്കുകയും ചെയ്​തു. ആരുടെ സഹായവും വിലകുറച്ച്​ കാണുന്നില്ല. ജമാഅത്തെ ഇസ്​ലാമിയും തർബിയത്തുൽ ഇസ്​ലാം സഭയും സഹായിച്ചില്ലെന്ന്​ പറഞ്ഞുപോയിട്ടുണ്ടെങ്കിൽ ക്ഷമ ചോദിക്കുന്നു. മാതാപിതാക്കളെ ബഹുമാനിക്കണമെന്ന്​ പഠിപ്പിക്കുന്ന മതമാണ്​ ഇസ്​ലാം. അതുകൊണ്ടുതന്നെ ത​​െൻറ  മാതാപിതാക്കൾ തനിക്കും താൻ അവർക്കും ഒരുപാട്​ പ്രിയപ്പെട്ടവരാണ്​. ഇപ്പോഴും അവരെ വിട്ടുനിൽക്കാൻ ആഗ്രഹിക്കുന്നില്ല. ഇപ്പോഴത്തെ കാറ്റും കോളുമടങ്ങി പ്രശ്​നം തണുക്കുന്നതോടെ അവരുമായി സന്ധിക്കുമെന്നും ഹാദിയ അറിയിച്ചു. എല്ലാം ശുഭമായി അവസാനിപ്പിച്ച്​ തങ്ങൾ ഹാദിയയുടെ വീട്ടുകാരുമായി ഒരുമിക്കുമെന്ന്​ ഒപ്പമുണ്ടായിരുന്ന ശഫിൻ ജഹാനും വ്യക്​തമാക്കി.