ഹാദിയ കേസ്​: സംസ്​ഥാന സർക്കാർ നിലപാട് സംശയാസ്​പദം –കുമ്മനം

വടകര: ഹാദിയ കേസിൽ ദേശീയ അന്വേഷണ ഏജൻസി ആവശ്യമില്ലെന്ന സംസ്​ഥാന സർക്കാറി​െൻറ നിലപാട് തീവ്രവാദികളോടുള്ള മൃദു സമീപനത്തി​െൻറ തെളിവാണെന്ന് ബി.ജെ.പി സംസ്​ഥാന പ്രസിഡൻറ് കുമ്മനം രാജശേഖരൻ.  സർക്കാർ നിലപാട് തീർത്തും സംശയാസ്​പദമാണ്. വടകരയിൽ ജനരക്ഷാ യാത്രക്ക്​ ലഭിച്ച സ്വീകരണത്തിനുശേഷം മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം. 

ഭീകരവാദികളോട് സന്ധി ചെയ്യുകയാണിവിടെ. അന്വേഷണം വേണ്ടെന്ന നിലപാട് സ്വീകരിച്ചത് എന്തടിസ്​ഥാനത്തിലാണെന്ന് സർക്കാർ വ്യക്തമാക്കണം. ഹാദിയയെ മതം മാറ്റിയ ഷഫീൻ ജഹാ​െൻറ ഭീകര ബന്ധത്തിന് നിരവധി തെളിവുകൾ ഹൈകോടതിയിൽ എത്തിയതാണ്. അത് സർക്കാർ അവഗണിക്കുകയാണ്. ജനരക്ഷാ യാത്രക്കിടെ പ്രകോപനപരമായ മുദ്രാവാക്യം വിളിച്ചെന്ന ആരോപണം തീർത്തും അടിസ്​ഥാന രഹിതമാണെന്നും അദ്ദേഹം പറഞ്ഞു.

യാത്രയുടെ സദുദ്ദേശ്യത്തെ തെറ്റായി ചിത്രീകരിക്കാനാണ് ശ്രമിക്കുന്നത്. സി.പി.എമ്മി​െൻറ ഇത്തരം പ്രചാരണം അവരുടെ പാപ്പരത്വത്തി​െൻറ തെളിവാണ്. യാത്രക്ക്​ ലഭിക്കുന്ന ജനകീയ പിന്തുണയിൽ വിറളി പൂണ്ടാണീ പ്രചാരണമെന്നും കുമ്മനം രാജശേഖരൻ പറഞ്ഞു.