പൊലീസ്​ വലയത്തിൽ ടി.വി പുരം ഗ്രാമം; വിധി കാ​തോർത്ത്​ നാട്ടുകാർ

വൈക്കം: ഹാദിയയെ സുപ്രീംകോടതിയിൽ ഹാജരാക്കുന്നതിന്​ ടി.വി പുരം ഗ്രാമത്തിൽ​ പൊലീസ്​ ഒരുക്കിയത്​ മു​െമ്പങ്ങും കാണാത്ത കനത്തസുരക്ഷ. ശനിയാഴ്​ച രാവിലെ ഒമ്പതുമുതൽ ദേശീയ മാധ്യമങ്ങളിലേതുൾപ്പെടെ മാധ്യമപ്രവർത്തകരാൽ പ്രദേശം നിറഞ്ഞു. ഹാദിയക്ക്​ സുരക്ഷയൊരുക്കാൻ വൻ പൊലീസ്​ സംഘവും എത്തിയതോടെ ഗ്രാമീണരുടെ സഞ്ചാരംപോലും നഷ്​ടമാകുമെന്ന തോന്നലുണ്ടായി.

ഉച്ചക്ക്​ 12.40ന്​ ഹാദിയയെ കൊണ്ടുപോകുന്നതിന്​ വൈക്കം ഡിവൈ.എസ്​.പി സുഭാഷി​​െൻറ ആദ്യ വാഹനം വീടി​​െൻറ ഗേറ്റിനുള്ളിൽ പ്രവേശിച്ചു. ഇതോടെ, മാധ്യമപ്രവർത്തകരും നാട്ടുകാരും മതിലിന്​ മുകളിൽ സ്​ഥാനംപിടിച്ചു. ഇതിനിടെ രണ്ടാമത്തെ പൊലീസ്​ വാഹനവും അകത്തേക്ക്​ കയറി. ആദ്യത്തെ വാഹനത്തോട്​ ചേർത്താണ്​ നിർത്തിയത്​. ​പൊലീസ്​ വാഹനത്തിൽ ഹാദിയ കയറുന്നത്​ കാണാനും ചിത്രങ്ങളെടുക്കാനും മാധ്യമപ്രവർത്തകർ സർവസന്നാഹവുമായി കാത്തുനിന്നു. 

ആകാംക്ഷക്ക്​ വിരാമമിട്ട്​ ഉച്ചക്ക്​ 1.50ന് ഹാദിയയും മാതാപിതാക്കളും വനിത പൊലീസ്​ ഉൾപ്പെടെ സുരക്ഷ ഉദ്യോഗസ്​ഥരും പൊലീസ്​ വാഹനത്തിൽ കയറി. ഹാദിയയുമായി സംസാരിക്കാൻ മാധ്യമങ്ങൾക്ക്​ അവസരം നൽകാതിരിക്കാൻ വാഹനത്തി​​െൻറ പിൻവശത്താണ്​ കയറ്റിയത്​. ​റോഡിന്​ ഇരുവശവും പൊലീസ്​ കനത്ത സുരക്ഷയൊരുക്കി നടുവിലൂടെ ആദ്യത്തെ പൈലറ്റ് വാഹനവും പിന്നാലെ മറ്റു വാഹനങ്ങളും ഗേറ്റിന്​ പുറത്തേക്ക്​ കടന്നു. വൈക്കം മൂത്തേടത്തുകാവ് റോഡിലൂടെയാണ് വാഹനം നെടുമ്പാശ്ശേരിയിലേക്ക്​ പോയത്​.  
ജില്ല പൊലീസ്​ മേധാവി മുഹമ്മദ്​ റഫീഖ്​, വൈക്കം ഡിവൈ.എസ്​.പി സുഭാഷ്​, കോട്ടയം സ്​പെഷൽ ​ബ്രാഞ്ച്​ ഡിവൈ.എസ്​.പി സന്തോഷ്, വൈക്കം സി.ഐ ബിനു,  വൈക്കം എസ്​.ഐ ഷാഹിൽ, കടുത്തുരുത്തി, തലയോലപ്പറമ്പ്, വെള്ളൂർ എന്നീ സ്​റ്റേഷനുകളിലെ ഉദ്യോഗസ്​ഥർ എന്നിവരുടെ നേതൃത്വത്തിലാണ്​ സുരക്ഷയൊരുക്കിയത്​. 27ന്​ സുപ്രീംകോടതി പരിഗണിക്കുന്ന കേസി​​െൻറ വിധിയെന്താകുമെന്ന കാത്തിരിപ്പിലാണ്​ ഗ്രാമം.