ഹജ്ജ്​: കോടതി ഉത്തരവ്​ നടപ്പാക്കൽ നീളുന്നു

കോ​ഴി​ക്കോ​ട്​: തു​ട​ർ​ച്ച​യാ​യി അ​ഞ്ചാം​ത​വ​ണ ഹ​ജ്ജി​ന്​ അ​പേ​ക്ഷി​ച്ച​വ​രി​ൽ 65 വ​യ​സ്സ്​ ക​ഴി​ഞ്ഞ​വ​ർ​ക്ക്​ ഇൗ ​വ​ർ​ഷം ത​ന്നെ അ​വ​സ​രം ന​ൽ​കാ​നു​ള്ള സു​പ്രീം​കോ​ട​തി ഉ​ത്ത​ര​വി​ൽ ന​ട​പ​ടി​യി​ല്ല. ഇ​തു​സം​ബ​ന്ധി​ച്ച ഒ​ര​റി​യി​പ്പും കേ​ന്ദ്ര ഹ​ജ്ജ്​ ക​മ്മി​റ്റി ആ​സ്​​ഥാ​ന​ത്തു​നി​ന്ന്​ ഇ​തു​വ​രെ ല​ഭി​ച്ചി​ട്ടി​ല്ലെ​ന്ന്​ സം​സ്​​ഥാ​ന ഹ​ജ്ജ്​ ക​മ്മി​റ്റി വൃ​ത്ത​ങ്ങ​ൾ ‘മാ​ധ്യ​മ’​ത്തോ​ട്​ പ​റ​ഞ്ഞു. 

തു​ട​ർ​ച്ച​യാ​യി അ​ഞ്ചു​ത​വ​ണ ഹ​ജ്ജി​ന്​ അ​പേ​ക്ഷി​ക്കു​ന്ന​വ​ർ​ക്ക്​ ന​ൽ​കി​വ​ന്ന മു​ൻ​ഗ​ണ​ന കേ​ന്ദ്ര​സ​ർ​ക്കാ​ർ നി​ർ​ത്ത​ലാ​ക്കി​യ​തി​നെ​തി​രെ സം​സ്​​ഥാ​ന ഹ​ജ്ജ്​ ക​മ്മി​റ്റി​യും അ​ഞ്ചാം​ത​വ​ണ അ​പേ​ക്ഷി​ച്ച​വ​രും സു​പ്രീം​കോ​ട​തി​യെ സ​മീ​പി​​ച്ച​തി​നെ തു​ട​ർ​ന്നാ​ണ്​ വി​ധി​യു​ണ്ടാ​യ​ത്. 65 ക​ഴി​ഞ്ഞ​വ​ർ​ക്ക്​ അ​വ​സ​രം ന​ൽ​കി​ക്കൊ​ണ്ട്​ ഇ​ട​ക്കാ​ല ഉ​ത്ത​ര​വ്​ ന​ൽ​കു​ക​യാ​യി​രു​ന്നു. മാ​ർ​ച്ച്​ 13ന്​ ​സു​പ്രീം​കോ​ട​തി വി​ധി​യു​​ണ്ടാ​യെ​ങ്കി​ലും ഇ​തു​സം​ബ​ന്ധി​ച്ച ന​ട​പ​ടി​ക​ളൊ​ന്നും കേ​ന്ദ്ര ഹ​ജ്ജ്​ ക​മ്മി​റ്റി​യു​ടെ ഭാ​ഗ​ത്തു​നി​ന്ന്​ ഉ​ണ്ടാ​യി​ട്ടി​ല്ല.

19,000 പേ​രാ​ണ്​ തു​ട​ർ​ച്ച​യാ​യി അ​ഞ്ചാം​ത​വ​ണ അ​പേ​ക്ഷി​ച്ച​ത്. ഇ​തി​ൽ 65 ക​ഴി​ഞ്ഞ​വ​രു​ടെ എ​ണ്ണം 1,965. കേ​ര​ള​ത്തി​ൽ​നി​ന്ന്​ ആ​യി​ര​ത്തോ​ളം പേ​ർ ഉ​ണ്ടാ​വും. ന​ട​പ​ടി​ക്ര​മ​ങ്ങ​ൾ ക​ഴി​ഞ്ഞ്​ ഇ​വ​രി​ൽ എ​ത്ര​പേ​ർ പോ​കാ​ൻ സ​ന്ന​ദ്ധ​മാ​വു​മെ​ന്ന​ത്​ അ​ധി​കൃ​ത​രെ കു​ഴ​ക്കു​ന്നു​ണ്ട്. കാ​ര​ണം, ഒ​രേ ക​വ​റി​ൽ അ​പേ​ക്ഷി​ച്ച​വ​രി​ൽ 65 വ​യ​സ്സ്​ തി​ക​ഞ്ഞ​വ​രും തി​ക​യാ​ത്ത​വ​രും ഉ​ണ്ടാ​കും. ത​ങ്ങ​ളോ​ടൊ​പ്പം അ​പേ​ക്ഷി​ച്ച 65 വ​യ​സ്സി​ൽ താ​ഴെ​യു​ള്ള​വ​രെ ഒ​ഴി​വാ​ക്കി ഒ​റ്റ​ക്കാ​ണ്​ ഇ​വ​ർ​ പോ​കേ​ണ്ട​ത്. 

ഭ​ർ​ത്താ​വി​ന്​ 65 വ​യ​സ്സ്​ ക​ഴി​യു​ക​യും അ​തേ ക​വ​റി​ൽ അ​പേ​ക്ഷി​ച്ച ഭാ​ര്യ​ക്ക്​ 65 തി​ക​യാ​തി​രി​ക്കു​ക​യും ചെ​യ്​​താ​ൽ ഭാ​ര്യ​യെ ഒ​ഴ​ി​വാ​ക്കി വേ​ണം പോ​കാ​ൻ. 65 ക​ഴി​ഞ്ഞ്​ പ്രാ​യ​ത്തി​​​െൻറ അ​വ​ശ​ത അ​നു​ഭ​വി​ക്കു​ന്ന​വ​ർ​ക്കൊ​പ്പം സ​ഹാ​യ​ത്തി​ന്​ പോ​കു​ന്ന 65ൽ ​താ​ഴെ​യു​ള്ള​വ​രും പു​റ​ത്താ​കും. അ​തു​കൊ​ണ്ടു​ത​ന്നെ കോ​ട​തി​വി​ധി​യു​ടെ ഗു​ണ​ഫ​ലം 65 ക​ഴി​ഞ്ഞ ബ​ഹു​ഭൂ​രി​ഭാ​ഗ​ത്തി​നും ല​ഭി​ക്കാ​നി​ട​യി​ല്ല. ഇ​തി​നു​പു​റ​മെ​യാ​ണ്​ കേ​ന്ദ്ര ഹ​ജ്ജ്​ ക​മ്മി​റ്റി ഇൗ ​വി​ഭാ​ഗ​ത്തി​​ൽ​പ്പെ​ട്ട​വ​രു​ടെ ന​ട​പ​ടി​ക്ര​മ​ങ്ങ​ൾ അ​നി​ശ്ചി​ത​മാ​യി നീ​ട്ടി​ക്കൊ​ണ്ടു​പോ​കു​ന്ന​ത്.