ഹജ്ജ്: കേരളത്തിൽനിന്ന് 14,590 പേർ

ന്യൂ​ഡ​ൽ​ഹി: 2025ലെ ​സ​ർ​ക്കാ​ർ ഹ​ജ്ജ് ക്വാ​ട്ട​യി​ലേ​ക്കു​ള്ള തെ​ര​ഞ്ഞെ​ടു​പ്പ് പൂ​ർ​ത്തി​യാ​യി. യോ​ഗ്യ​രാ​യ 1,51,981 അ​പേ​ക്ഷ​ക​രി​ൽ​നി​ന്ന് 1,22,518 പേ​രെ​യാ​ണ് ഇ​ത്ത​വ​ണ തെ​ര​ഞ്ഞെ​ടു​ത്ത​ത്. 2025ലെ ​ഹ​ജ്ജി​ന് കേ​ര​ള​ത്തി​ൽ​നി​ന്ന് അ​പേ​ക്ഷി​ച്ച 20,636 പേ​രി​ൽ 14,590 പേ​ർ​ക്ക് അ​വ​സ​രം ല​ഭി​ച്ചു. 6,046 പേ​ർ വെ​യ്റ്റി​ങ് ലി​സ്റ്റി​ലാ​ണ്. ഏ​റ്റ​വും കൂ​ടു​ത​ൽ അ​പേ​ക്ഷ​ക​രു​ള്ള​ത് ഗു​ജ​റാ​ത്തി​ൽ​നി​ന്നാ​ണ്- 24, 484 പേ​ർ. ഏ​റ്റ​വും കു​റ​വ് ദാ​മ​ൻ ദി​യൂ​വി​ൽ​നി​ന്ന്- 27 പേ​ർ.

65 വ​യ​സ്സ് ക​ഴി​ഞ്ഞ​വ​രു​ടെ വി​ഭാ​ഗ​ത്തി​ൽ 14,728 പേ​രെ​യും ത​നി​ച്ച് പോ​കു​ന്ന സ്ത്രീ​ക​ളു​ടെ വി​ഭാ​ഗ​ത്തി​ൽ 3717 പേ​രെ​യും തെ​ര​ഞ്ഞെ​ടു​ത്തു. ന​റു​ക്കെ​ടു​പ്പി​ലൂ​ടെ തെ​ര​ഞ്ഞെ​ടു​ക്ക​പ്പെ​ട്ട​വ​ർ ആ​ദ്യ ഗ​ഡു​വാ​യ 1,30,300 രൂ​പ ഒ​ക്ടോ​ബ​ർ 25ന് ​മു​മ്പ് എ​സ്.​ബി.​ഐ അ​ല്ലെ​ങ്കി​ൽ യൂ​നി​യ​ൻ ബാ​ങ്ക് മു​ഖേ​ന അ​ട​ക്ക​ണം. 12 സം​സ്ഥാ​ന​ങ്ങ​ളി​ൽ​നി​ന്ന് ജ​ന​സം​ഖ്യാ​നു​പാ​തി​ക​മാ​യി നി​ശ്ച​യി​ച്ച ക്വോ​ട്ട​യി​ൽ​നി​ന്ന് കു​റ​വാ​യി​രു​ന്നു അ​പേ​ക്ഷ​ക​ർ. ഈ ​സീ​റ്റു​ക​ൾ അ​ധി​കം അ​പേ​ക്ഷ​ക​രു​ള്ള സം​സ്ഥാ​ന​ങ്ങ​ൾ​ക്ക് വീ​തി​ച്ചു ന​ൽ​കി.

150 ഹാ​ജി​മാ​ർ​ക്ക് ഒ​രു ഉ​ദ്യോ​ഗ​സ്ഥ​ൻ വെ​ച്ച് 817 പേ​രെ ഖാ​ദി​മു​ൽ ഹു​ജ്ജാ​ജ് (സേ​വ​ക​ർ)​മാ​രാ​യും തെ​ര​ഞ്ഞെ​ടു​ത്തു. ആ​ർ.​കെ പു​ര​ത്തെ ഹ​ജ്ജ് ക​മ്മി​റ്റി ഓ​ഫി​സി​ൽ ന​ട​ന്ന ന​റു​ക്കെ​ടു​പ്പ് കേ​ന്ദ്ര ഹ​ജ്ജ് ക​മ്മി​റ്റി ചെ​യ​ർ​മാ​ൻ അ​ബ്ദു​ല്ല​ക്കു​ട്ടി ഉ​ദ്ഘാ​ട​നം ചെ​യ്തു.