ഹജ്ജ്​​ കമ്മിറ്റി നിലപാട്​: 1000ത്തിലേറെ പ്രവാസികൾ​ യാത്ര റദ്ദാക്കി

കോ​ഴി​ക്കോ​ട്​: കേ​ന്ദ്ര ഹ​ജ്ജ്​​ ക​മ്മി​റ്റി​യു​ടെ ക​ർ​ക്ക​ശ​വും നീ​തി​ര​ഹി​ത​വു​മാ​യ നി​ല​പാ​ട്​ കാ​ര​ണം ആ​യി​ര​ത്തി​ലേ​റെ പ്ര​വാ​സി​ക​ൾ​ക്ക്​ ഹ​ജ്ജ്​​ യാ​ത്ര റ​ദ്ദാ​ക്കേ​ണ്ടി​വ​ന്നു. വ​ർ​ഷ​ങ്ങ​ളു​ടെ കാ​ത്തി​രി​പ്പി​നൊ​ടു​വി​ൽ ന​റു​ക്കെ​ടു​പ്പി​ൽ അ​വ​സ​രം ല​ഭി​ച്ച ​പ്ര​വാ​സി​ക​ൾ​ക്ക്​ പാ​സ്​​പോ​ർ​ട്ട്​ സ​മ​ർ​പ്പി​ക്കാ​ൻ ന്യാ​യ​മാ​യ സ​മ​യം അ​നു​വ​ദി​ക്കാ​ത്ത​താ​ണ്​ കാ​ര​ണം. എ​ന്നാ​ൽ, ഇ​വ​ർ​ക്ക്​ പ​ക​രം വെ​യ്​​റ്റി​ങ് ​ലി​സ്​​റ്റി​ൽ​നി​ന്ന്​ തെ​ര​ഞ്ഞെ​ടു​ത്ത​വ​ർ​ക്ക്​ പാ​സ്​​പോ​ർ​ട്ട്​ സ​മ​ർ​പി​ക്കാ​ൻ സ​മ​യം അ​നു​വ​ദി​ക്കു​ക​യും ചെ​യ്​​തു. 

ഹ​ജ്ജി​ന്​ തി​ര​ഞ്ഞെ​ടു​ക്ക​പ്പെ​ടു​ന്ന പ്ര​വാ​സി​ക​ൾ​ക്ക്​ പാ​സ്​​പോ​ർ​ട്ടും രേ​ഖ​ക​ളും സ​മ​ർ​പി​ക്കാ​ൻ മു​ൻ​വ​ർ​ഷ​ങ്ങ​ളി​ലൊ​ക്കെ ന്യാ​യ​മാ​യ സ​മ​യം അ​നു​വ​ദി​ച്ചി​രു​ന്നു. അ​തി​നാ​ൽ, നാ​ട്ടി​ൽ വ​ന്ന്​ കു​ടും​ബാം​ഗ​ങ്ങ​ളെ​കൂ​ട്ടി തീ​ർ​ഥാ​ട​ന​ത്തി​നു​പോ​യി തി​രി​ച്ചെ​ത്താ​നും വീ​ണ്ടും ജോ​ലി​സ്​​ഥ​ല​ത്തേ​ക്ക്​ പോ​കാ​നും  പ്ര​യാ​സ​മു​ണ്ടാ​യി​രു​ന്നി​ല്ല. ക​ഴി​ഞ്ഞ​വ​ർ​ഷം പാ​സ്​​പോ​ർ​ട്ട്​ സ​മ​ർ​പി​ക്കാ​ൻ ജൂ​ലൈ 10വ​രെ സ​മ​യം ന​ൽ​കി. ഇ​ത്ത​വ​ണ ഏ​പ്രി​ൽ 30 വ​രെ മാ​ത്ര​മാ​ണ്​ അ​നു​വ​ദി​ച്ച​ത്. ജൂ​ലൈ അ​ഞ്ച്​ വ​രെ​യെ​ങ്കി​ലും സ​മ​യം ന​ൽ​ക​ണ​മെ​ന്ന്​ സം​സ്​​ഥാ​ന ഹ​ജ്ജ്​ ക​മ്മി​റ്റി​യും തീ​ർ​ഥാ​ട​ക​രും നി​ര​ന്ത​രം അ​ഭ്യ​ർ​ഥി​ച്ചി​ട്ടും നി​വേ​ദ​നം ന​ൽ​കി​യി​ട്ടും ബ​ന്ധ​പ്പെ​ട്ട​വ​ർ ചെ​വി​ക്കൊ​ണ്ടി​ല്ല. ഏ​പ്രി​ൽ 30ന​കം പാ​സ്​​പോ​ർ​ട്ട്​ ന​ൽ​കാ​ൻ സാ​ധി​ക്കാ​ത്ത​വ​രോ​ട്​ ഹ​ജ്ജ്​ അ​പേ​ക്ഷ റ​ദ്ദാ​ക്കാ​നാ​യി​രു​ന്നു അ​ധി​കൃ​ത​രു​ടെ നി​ർ​ദേ​ശം. റ​ദ്ദാ​ക്കാ​ൻ വൈ​കി​യാ​ൽ പി​ഴ അ​ട​ക്കേ​ണ്ടി​വ​രു​മെ​ന്നാ​യ​തോ​ടെ പ്ര​വാ​സി​ക​​ൾ ഒാ​രോ​രു​ത്ത​രാ​യി യാ​ത്ര വേ​ണ്ടെ​ന്നു​വെ​ക്കു​ക​യാ​യി​രു​ന്നു. 

ഇൗ ​വ​ർ​ഷം ആ​ഗ​സ്​​റ്റ്​ 22നാ​കും ഹ​ജ്ജ്​​ ക​ർ​മം ന​ട​ക്കു​ക. നാ​ട്ടി​ൽ തി​രി​ച്ചെ​ത്താ​ൻ സെ​പ്​​റ്റം​ബ​ർ അ​വ​സാ​ന​വാ​ര​മാ​കും. ഏ​പ്രി​ലി​ൽ നാ​ട്ടി​ലെ​ത്തി പാ​സ്​​പോ​ർ​ട്ട്​ സ​മ​ർ​പി​ക്കു​ന്ന​വ​ർ​ക്ക്​ ഇ​ത്ര​യും​കാ​ലം നാ​ട്ടി​ൽ ത​ങ്ങു​ക അ​സാ​ധ്യ​മാ​ണ്. മാ​ത്ര​മ​ല്ല, ഏ​ത്​  വി​സ​യി​ലും ആ​റു​മാ​സ​ത്തി​ൽ കൂ​ടു​ത​ൽ നാ​ട്ടി​ൽ ത​ങ്ങാ​ൻ സാ​ധി​ക്കി​ല്ല. ഒ​ന്നു​കി​ൽ ജോ​ലി ക​ള​ഞ്ഞ്​ ഹ​ജ്ജി​ന്​ പോ​ക​ണം; അ​ല്ലെ​ങ്കി​ൽ ഹ​ജ്ജ്​​ യാ​ത്ര ഉ​പേ​ക്ഷി​ക്ക​ണം. ഇൗ ​സാ​ഹ​ച​ര്യ​ത്തി​ൽ ഭൂ​രി​ഭാ​ഗം പേ​രും ഉ​പ​ജീ​വ​ന​ത്തി​ന്​ മ​റ്റു​ മാ​ർ​ഗ​ങ്ങ​ളി​ല്ലാ​ത്ത​തി​നാ​ൽ ഹ​ജ്ജ്​ സ്വ​പ്​​നം ഉ​പേ​ക്ഷി​ക്കു​ക​യാ​യി​രു​ന്നു. മാ​ത്ര​മ​ല്ല, ഇ​വ​രെ ‘മ​ഹ്​​റം’ ആ​ക്കി ഹ​ജ്ജി​ന്​ ത​യാ​റെ​ടു​ത്ത കു​ടും​ബാം​ഗ​ങ്ങ​ളും തീ​രാ​ദുഃ​ഖ​ത്തോ​ടെ​യാ​ണ്​ യാ​ത്ര ഉ​പേ​ക്ഷി​ച്ച​ത്. പ​ല​രു​ടെ​യും പ്രാ​യം​ചെ​ന്ന  മാ​താ​പി​താ​ക്ക​ളും ഇ​ക്കൂ​ട്ട​ത്തി​ലു​ണ്ട്. 

അ​തേ​സ​മ​യം, ഇ​വ​ർ​ക്ക്​ പ​ക​രം ​വെ​യ്​​റ്റി​ങ്​ ലി​സ്​​റ്റി​ൽ​നി​ന്ന്​  തി​ര​ഞ്ഞെ​ടു​ക്ക​പ്പെ​ട്ട​വ​ർ​ക്ക്​ പാ​സ്​​പോ​ർ​ട്ട്​ സ​മ​ർ​പി​ക്കാ​ൻ ജൂ​ലൈ അ​ഞ്ചു​വ​രെ സ​മ​യം അ​നു​വ​ദി​ച്ചു. ഇ​തി​​െൻറ ന്യാ​യീ​ക​ര​ണം തേ​ടി​യ​പ്പോ​ൾ ഹ​ജ്ജ്​ ക​മ്മി​റ്റി അ​ധി​കൃ​ത​ർ​ക്ക്​ മ​റു​പ​ടി​യു​ണ്ടാ​യി​ല്ല. പ്ര​വാ​സി​ക​ളോ​ട്​ കാ​ണി​ച്ച​ത്​ വ​ഞ്ച​ന​യാ​ണെ​ന്ന്​ ആ​ക്ഷേ​പ​മു​ണ്ട്. കേ​​ന്ദ്ര ഹ​ജ്ജ്​ ക​മ്മി​റ്റി ഗ​ൾ​ഫി​ലെ തൊ​ഴി​ൽ സാ​ഹ​ച​ര്യം മ​ന​സ്സി​ലാ​ക്കി നി​ല​പാ​ട്​ സ്വീ​ക​രി​ച്ചി​രു​ന്നു​വെ​ങ്കി​ൽ നി​ര​വ​ധി  പ്ര​വാ​സി​ക​ൾ​ക്കും കു​ടും​ബ​ങ്ങ​ൾ​ക്കും ഹ​ജ്ജ്​ സ്വ​പ്​​നം സ​ഫ​ല​മാ​കു​മാ​യി​രു​ന്നു.

ഹജ്ജ്​ തീർഥാടകരുടെ എണ്ണം ഇത്തവണ റെക്കോഡ്​ – മന്ത്രി
ന്യൂ​ഡ​ൽ​ഹി: ഇ​ന്ത്യ​യി​ൽ നി​ന്നു​ള്ള ഹ​ജ്ജ്​ തീ​ർ​ഥാ​ട​ക​രു​ടെ എ​ണ്ണ​ത്തി​ൽ ഇൗ ​വ​ർ​ഷം റെ​ക്കോ​​ഡാ​ണെ​ന്ന്​ കേ​ന്ദ്ര ന്യൂ​ന​പ​ക്ഷ​കാ​ര്യ മ​ന്ത്രി മു​ഖ്​​താ​ർ​ അ​ബ്ബാ​സ്​ ന​ഖ്​​വി. 1,75,025 പേ​രാ​ണ്​ ഇൗ ​വ​ർ​ഷം ഹ​ജ്ജി​ന്​ പു​റ​പ്പെ​ടു​ന്ന​ത്. ഇ​തി​ൽ 47 ശ​ത​മാ​നം വ​നി​തകളാ​ണ്. പു​രു​ഷ തു​ണ​യി​ല്ലാ​തെ 1308 വ​നി​ത​ക​ളും ഹ​ജ്ജി​ന്​ പോ​വും. ശ​നി​യാ​ഴ്​​ച ഡ​ൽ​ഹി​യി​ൽ ഹ​ജ്ജ്​ കോ​ഒാ​ഡി​നേ​റ്റ​ർ​മാ​ർ, സ​ഹാ​യി​ക​ൾ, വൈ​ദ്യ​സം​ഘം തു​ട​ങ്ങി​യ​വ​ർ​ക്ക്​ സം​ഘ​ടി​പ്പി​ച്ച പ​രി​ശീ​ല​നം ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി. കേ​ര​ള​ത്തി​ൽ​നി​ന്ന്​ ഇൗ ​വ​ർ​ഷം 11,597 പേ​രാ​ണ്​ ഹ​ജ്ജി​ന്​ പോ​കു​ന്ന​ത്.