ഹജ്ജ്: കരിപ്പൂർ വഴിയുള്ള ഉയർന്ന നിരക്ക് കുറക്കണം -പ്രിയങ്ക ഗാന്ധി

മലപ്പുറം: കരിപ്പൂർ വിമാനത്താവളം വഴിയുള്ള ഹജ്ജ് യാത്രക്കാരിൽനിന്ന് ഉയർന്ന നിരക്ക് ഈടാക്കുന്നത് കുറക്കുകയോ എംബാർക്കേഷൻ പോയന്റ് മാറ്റാൻ അനുവദിക്കുകയോ വേണമെന്ന് ആവശ്യപ്പെട്ട് പ്രിയങ്ക ഗാന്ധി എം.പി കേന്ദ്ര ന്യൂനപക്ഷകാര്യ മന്ത്രി കിരൺ റിജിജുവിന് കത്ത് നൽകി.

തീർഥാടകർ പ്രിയങ്ക ഗാന്ധിക്ക് നൽകിയ നിവേദനംകൂടി ഉൾപ്പെടുത്തിയതാണ് കത്ത്. മറ്റു വിമാനത്താവളങ്ങളെ അപേക്ഷിച്ച് ഏകദേശം നാൽപതിനായിരത്തോളം രൂപ അധികമാണ് കരിപ്പൂരിൽ ഈടാക്കുകയെന്ന വാർത്തകളുടെ പശ്ചാത്തലത്തിലാണ് തീർഥാടകർ നിവേദനം നൽകിയത്.