ഹലാൽ വിവാദം കേരളത്തിൽ വിലപ്പോകില്ല; മതമൈത്രി തകർക്കാൻ ആർ.എസ്​.എസിന്‍റെ ആസൂത്രിത ശ്രമം -കോടിയേരി

തിരുവനന്തപുരം: ഹലാൽ വിവാദം കേരളത്തിൽ വിലപോകില്ലെന്ന്​ സി.പി.എം നേതാവ്​ കോടിയേരി ബാലകൃഷ്​ണൻ. സംസ്ഥാനത്തെ മതമൈത്രി തകർക്കാൻ ആർ.എസ്​.എസിന്‍റെ ആസൂത്രിത ശ്രമമാണ്​ നടക്കുന്നതെന്നും അദ്ദേഹം കുറ്റപ്പെടുത്തി. പ്രശ്​നത്തിൽ ബി.ജെ.പിക്ക്​ വ്യക്​തമായ നിലപാ​ടില്ലെന്നും കോടിയേരി പറഞ്ഞു.

ഇത്തരം വിവാദങ്ങൾ കേരളത്തിന്​ ഗുണം ചെയ്യില്ലെന്നും അദ്ദേഹം കൂട്ടിച്ചേർത്തും. കഴിഞ്ഞ കുറേ ദിവസങ്ങളായി ഹലാൽ ഭക്ഷണവുമായി ബന്ധപ്പെട്ട വിവാദം ബി.ജെ.പി വലിയ രീതിയിൽ ഉയർത്തുന്നതിനിടെയാണ്​ കോടിയേരിയുടെ പ്രസ്​താവന. സമൂഹ മാധ്യമങ്ങളിലൂടെയും നേതാക്കളുടെ പ്രസ്​താവനകളിലൂടെയും ഹലാലിനെതിരായ ചർച്ചകൾ ബി.ജെ.പി സജീവമാക്കി നിലനിർത്തുന്നുണ്ട്​​.

ഹലാൽ എന്നാൽ മന്ത്രിച്ചൂതി മുസ്​ലിയാർ തുപ്പിയ ഭക്ഷണം എന്നാണ് ബി.ജെ.പി​ സംസ്​ഥാന പ്രസിഡന്‍റ്​ കെ. സുരേന്ദ്രൻ കഴിഞ്ഞ ദിവസം പറത്ത്​. സമാനമായ പ്രസ്​താവന പൂഞ്ഞാർ മുൻ എം.എൽ.എ പി.സി.ജോർജും നടത്തിയിരുന്നു. പ്രതിപക്ഷ നേതാവ്​ വി.ഡി.സതീശൻ ഇവരുടെ പ്രസ്​താവനകൾക്കെതിരെ ശക്​തമായി രംഗത്തെത്തുകയും ചെയ്​തിരുന്നു. ഇതിന്​ പിന്നാലെയാണ്​ സി.പി.എമ്മും ഇക്കാര്യത്തിൽ നിലപാട്​ വ്യക്​തമാക്കുന്നത്​.