ലൗ ജിഹാദിനായി ആഭിചാരമടക്കം വിവിധ ഘട്ടങ്ങളെന്ന്​ താമരശ്ശേരി രൂപത; പക്ഷേ രക്ഷപ്പെടാൻ വഴിയുണ്ട്​

പാലാ ബിഷപ്പിന്‍റെ പ്രസംഗത്തെതുടർന്നുള്ള വിവാദങ്ങൾ കെട്ടടങ്ങൂം മു​െമ്പ 'ലൗ ജിഹാദിന്‍റെ' വിവിധ ഘട്ടങ്ങൾ വിശദീകരിച്ച്​ താമരശ്ശേരി രൂപതയുടെ കൈപുസ്​തകം. താമരശ്ശേരി രൂപതയുടെ കീഴിലുള്ള വിശ്വാസ പരിശീലന കേന്ദ്രം ഇടവകകളിൽ വിതരണം ചെയ്യാനായി പുറത്തിറക്കിയ 'സത്യങ്ങളും വസ്​തുതകളും 33 ചോദ്യങ്ങളിലൂടെ' എന്ന കൈപുസ്​തകമാണ്​ ലൗ ജിഹാദി​െന്‍റ ഘട്ടങ്ങളും അതിനെതിരെ സ്വീകരിക്കേണ്ട മുൻകരുതലുകളും വിശദീകരിക്കുന്നത്​.

പെൺകുട്ടികളെ വശീകരിക്കാനായി ഇസ്​ലാം മത പുരോഹിതൻമാർ വഴി ആഭാചാരക്രിയകൾ നടക്കുന്നുണ്ടെന്നും കൈപുസ്​തകത്തിൽ പറയുന്നു. ആഭിചാരക്രിയകളുടെ വിശദാംശങ്ങളും കൈപുസ്​തകം വിശദീകരിക്കുന്നുണ്ട്​. കൈ വിഷം അഥവാ ഒാതിക്കെട്ടൽ എന്നാണത്രെ ഇത്തരം ആഭിചാരക്രിയകൾക്ക്​ പറയുന്ന പേര്​.

പെൺകുട്ടിയുടെ പേനയോ തൂവാലയോ തലമുടിയോ മറ്റെന്തെങ്കിലും വസ്​തുക്കളോ സ്വന്തമാക്കിയോ പെൺകുട്ടിയുടെ പേരു പറഞ്ഞോ ഇങ്ങനെ ആഭിചാരം ചെയ്യാമത്രെ. ചരട്​, നാണയം, മോതിരം, വെള്ളം, ഭക്ഷണപദാർത്ഥങ്ങൾ, സമ്മാനങ്ങൾ എന്നിവയൊക്കെ ഇങ്ങനെ ഒാതിക്കെട്ടാൻ ഉപയോഗിക്കുമെന്ന്​ കൈപുസ്​തകം വിശദീകരിക്കുന്നു.

മോതിരം, നാണയം, ചരടുകൾ, മറ്റു സമ്മാനങ്ങൾ, ഒരുമിച്ചു കഴിക്കുന്ന ഭക്ഷണം എന്നിവയിലൂടെയൊക്കെ ഈ കൈവിഷ പ്രയോഗം സാധ്യമാണത്രെ. സാധാരണ സ്​പർശനത്തിലുടെ കൈയിലോ ശരീരത്തിലോ തേക്കുന്ന ചിലതരം പൊടികളിലൂടെ വലിയൊരു വശീകരണ ലോകത്തേക്ക്​ എത്തിപ്പെടാമെന്ന മുന്നറിയിപ്പും കൈപുസ്​തകം നൽകുന്നുണ്ട്​.

ഒമ്പത്​ ഘട്ടങ്ങളിലൂടെയാണത്രെ ലൗ ജിഹാദ്​ നടപ്പാക്കുന്നത്​. വശീകരണവും ലൈംഗിക ബന്ധവും വിവാഹവുമൊക്കെ ഇതിലെ വ്യത്യസ്​ത ഘട്ടങ്ങളാണ്​. പെരുന്നാളാഘോഷത്തിന്​ വീട്ടിലേക്ക്​ വിളിക്കുന്നത്​ പോലും ഗൂഡമായ ലൗ ജിഹാദിന്‍റെ ഭാഗമാണെന്ന വിവരവും കൈപുസ്​തകത്തിലൂടെ വിശ്വാസികൾക്കായി നൽകുന്നുണ്ട്​.

പ്രണയകുരുക്കിന്‍റെ വല ഇത്ര ​ഭീകരമാണെങ്കിലും അതിൽ നിന്ന്​ രക്ഷപ്പെടാനുള്ള മാർഗവും കൈപുസ്​തകം വിശദീകരിക്കുന്നുണ്ട്​. ബന്ധന പ്രാർഥനകളിലൂടെയും പരിഹാരമരുന്നുകളിലൂടെയും ഇതെല്ലാം മറികടക്കാനാകും. അഭിവന്ദ്യ പിതാക്കൻമാർക്കും പിതാക്കൻമാർ നിശ്ചയിച്ച്​ അധികാരം നൽകിയ വൈദികർക്കും ഇതിനെയെല്ലാം ബന്ധന പ്രാർഥനയിലൂടെ തടഞ്ഞു നിർത്താനാകും. ഇനി ഭക്ഷണത്തിലുടെ കൈവിഷം തന്നതാണെങ്കിൽ അതിനായി ചില പ്രകൃതിദത്ത മരുന്നുകളുണ്ടത്രെ. ആ മരുന്നുകൾ ഉപയോഗിച്ച്​ കൈവിഷം പുറത്തു കളയാമെന്ന ആശ്വാസവും കൈപുസതകം വിശ്വാസികൾക്കായി പങ്കുവെക്കുന്നു.