സൈബർ തട്ടിപ്പുകാർക്ക്​ കൊയ്ത്ത്​​​; ഇരകളേറെയും വീട്ടമ്മമാർ

പ​ത്ത​നം​തി​ട്ട: ജി​ല്ല​യി​ൽ സൈ​ബ​ർ ത​ട്ടി​പ്പു​ക​ൾ വ്യാ​പ​ക​മാ​കു​ന്നു‌. ഉ​ന്ന​ത വി​ദ്യാ​ഭ്യാ​സ യോ​ഗ്യ​ത​യു​ള്ള വീ​ട്ട​മ്മ​മാ​രാ​ണ് സാ​മൂ​ഹ്യ മാ​ധ്യ​മ​ങ്ങ​ളി​ലൂ​ടെ​യു​ള്ള ത​ട്ടി​പ്പി​ന് ഏ​റെ​യും ഇ​ര​യാ​കു​ന്ന​ത്. സ്വ​ന്തം നി​ല​യി​ൽ വ​രു​മാ​നം ക​ണ്ടെ​ത്തു​ക എ​ന്ന ല​ക്ഷ്യ​ത്തോ​ടെ ഓ​ൺ​ലൈ​ൻ മു​ഖേ​ന ജോ​ലി തേ​ടു​ന്ന​വ​രെ​യാ​ണ് ത​ട്ടി​പ്പു​കാ​ർ ഏ​റെ​യും ല​ക്ഷ്യ​മി​ടു​ന്ന​ത്. ഏ​റ്റ​വു​മൊ​ടി​വി​ൽ ടെ​ല​ഗ്രാം എ​ന്ന സ​മൂ​ഹ​മാ​ധ്യ​മ​ത്തി​ലൂ​ടെ ന​ട​ന്ന ത​ട്ടി​പ്പി​നി​ര​യാ​യ​ത് യു​വ​തി​ക​ളാ​ണ്.

നി​ക്ഷേ​പ​മി​ല്ലാ​തെ വ​രു​മാ​നം ക​ണ്ടെ​ത്താം എ​ന്ന പേ​രി​ൽ ഓ​ൺ​ലൈ​നാ​യി യു​വ​തി​ക​ളി​ലൊ​രാ​ൾ​ക്കു വ​ന്ന സ​ന്ദേ​ശ​മാ​ണ് നി​ര​വ​ധി​പേ​രെ ത​ട്ടി​പ്പി​ന് ഇ​ര​യാ​ക്കി​യ​ത്. സ​ന്ദേ​ശ​ത്തി​ൽ ന​ൽ​കി​യി​രു​ന്ന ലി​ങ്കി​ൽ ക്ലി​ക്ക് ചെ​യ്ത​പ്പോ​ൾ ‘കാ​ര​ൻ’ എ​ന്ന ടെ​ല​ഗ്രാം ചാ​ന​ലി​ലേ​ക്ക് പോ​കു​ക​യും യു​വ​തി അ​തി​ൽ ജോ​യി​ൻ ചെ​യ്യു​ക​യും ചെ​യ്തു.

ഒ​പ്പം കൂ​ട്ടു​കാ​രി​യാ​യ യു​വ​തി​ക്കും ഈ ​ലി​ങ്ക് ഷെ​യ​ർ ചെ​യ്തു കൊ​ടു​ത്തു. പി​ന്നാ​ലെ ത​ട്ടി​പ്പി​ന്‍റെ വ​ല​യി​ലേ​ക്ക് കൂ​ടു​ത​ൽ പേ​രെ​ത്തി. ത​ട്ടി​പ്പു​ലോ​ക​വു​മാ​യി പ്ര​ത്യ​ക്ഷ​പ്പെ​ട്ട​വ​ർ ഇ​തോ​ടെ സ​ജീ​വ​വു​മാ​യി. ത​ട്ടി​പ്പി​നൊ​ടു​വി​ൽ പ​ങ്കെ​ടു​ത്ത​വ​ർ​ക്ക് ന​ഷ്ട​പ്പെ​ട്ട​ത് വ​ൻ തു​ക​യാ​ണ്.

ഇ​തു​സം​ബ​ന്ധി​ച്ച് സൈ​ബ​ർ പൊ​ലീ​സി​ൽ ല​ഭി​ച്ച പ​രാ​തി​ക​ളി​ലും തു​ട​ർ അ​ന്വേ​ഷ​ണം മു​ട​ങ്ങി​യ നി​ല​യി​ലാ​ണ്. ത​ട്ടി​പ്പു ന​ട​ത്തി​യ സം​ഘ​ങ്ങ​ൾ വി​ദേ​ശ​ത്ത് ഇ​രു​ന്നാ​ണ് സം​വി​ധാ​ന​ങ്ങ​ൾ ഓ​പ്പ​റേ​റ്റ് ചെ​യ്യു​ന്ന​തെ​ന്ന​താ​ണ് ഇ​തി​നു പ്ര​ധാ​ന കാ​ര​ണം.

യു ​ട്യൂ​ബ് ചാ​ന​ലി​ലൂ​ടെ ത​ട്ടി​പ്പ്

ജോ​ലി പ്ര​തീ​ക്ഷി​ച്ചി​രു​ന്ന​വ​ർ​ക്ക് ഷെ​യ​ർ ചെ​യ്ത് എ​ത്തി​യ ലി​ങ്കി​ലൂ​ടെ പ്ര​വേ​ശി​ച്ച യു​ട്യൂ​ബ് ചാ​ന​ലാ​ണ് ത​ട്ടി​പ്പി​നു വ​ഴി​യൊ​രു​ക്കി​യ​ത്. യു​ട്യൂ​ബ് ചാ​ന​ലി​ൽ വ​ന്ന പോ​സ്റ്റു​ക​ൾ ന​ൽ​കി​യ നി​ർ​ദേ​ശം പാ​ലി​ച്ച് അ​ത് ഓ​പ്പ​ൺ ചെ​യ്ത് വി​ഡി​യോ ലൈ​ക് ചെ​യ്ത​തി​ന്റെ സ്ക്രീ​ൻ​ഷോ​ട്ട് എ​ടു​ത്തു ചെ​യ്ത​വ​ർ​ക്ക് പ​ണം ന​ഷ്ട​പ്പെ​ടു​ക​യാ​യി​രു​ന്നു.

നി​ക്ഷേ​പ​ത്തി​ലൂ​ടെ അ​ധി​ക​വ​രു​മാ​നം പ്ര​തീ​ക്ഷി​ച്ച് ര​ജി​സ്റ്റ​ർ ചെ​യ്ത​വ​ർ​ക്ക് ആ​ക​ർ​ഷ​ണീ​യ​മാ​യ ടാ​സ്ക്കു​ക​ൾ ന​ൽ​കി​യാ​ണ് ത​ട്ടി​പ്പു​സം​ഘം നീ​ങ്ങി​യ​ത്. നാ​ലാ​മ​ത്തെ ടാ​സ്ക്കി​ലൂ​ടെ 1,000 രൂ​പ ട്രാ​ൻ​സ്ഫ​ർ ചെ​യ്തു ന​ൽ​കി​യ​പ്പോ​ൾ തി​രി​കെ 1,300 രൂ​പ ല​ഭി​ച്ച​തോ​ടെ ആ​വേ​ശ​മാ​യി. വീ​ണ്ടും ആ​വേ​ശം പ​ക​രു​ന്ന ത​ര​ത്തി​ൽ ടാ​സ്ക്കു​ക​ൾ​എ​ത്തി. കൂ​ടു​ത​ൽ പ​ണം കി​ട്ടു​മെ​ന്നാ​യ​തോ​ടെ മ​ത്സ​രാ​ർ​ഥി​ക​ൾ​ക്ക് ആ​വേ​ശ​മാ​യി.

പി​ന്നീ​ട് ട്യൂ​ട്ട​ർ​മാ​ർ ക​ളം ഏ​റ്റെ​ടു​ത്തു. ഇ​തോ​ടെ ആ​ദ്യ​മൊ​ക്കെ നി​ക്ഷേ​പം ഇ​ര​ട്ടി​യാ​യി വ​ന്ന​തോ​ടെ എ​ല്ലാ​വ​രും ചാ​ന​ലി​ൽ തു​ട​ർ​ന്നു. ടാ​സ്ക്കു​ക​ൾ ഒ​ന്നൊ​ന്നാ​യി പൂ​ർ​ത്തീ​ക​രി​ച്ച് പ​ല​രും മു​ന്നേ​റു​ന്ന​തി​നി​ടെ ക​ളം മാ​റി. ഭീ​മ​മാ​യ തു​ക ഓ​രോ​രു​ത്ത​രോ​ടും ടാ​സ്ക്കി​ലൂ​ടെ ആ​വ​ശ്യ​പ്പെ​ട്ടു. ഇ​ര​ട്ടി​പ്പ​ണം എ​ന്ന ആ​വേ​ശ​ത്തി​ൽ പ​ല​രും നി​ക്ഷേ​പി​ച്ച​തോ​ടെ രം​ഗം വ​ഴി​മാ​റി.

കൂ​ടു​ത​ൽ തു​ക നി​ക്ഷേ​പി​ച്ചാ​ൽ മാ​ത്ര​മേ ഇ​തേ​വ​രെ നി​ക്ഷേ​പി​ച്ച തു​ക കൈ​മാ​റൂ എ​ന്നാ​യി ട്യൂ​ട്ട​ർ​മാ​ർ. ഇ​തി​നു ടാ​സ്കി​ൽ പ​ങ്കെ​ടു​ത്ത​വ​ർ ത​യാ​റാ​കാ​തി​രു​ന്ന​തോ​ടെ ടെ​ലി​ഗ്രാ​മി​ൽ ഭീ​ഷ​ണി സ​ന്ദേ​ശ​ങ്ങ​ൾ വ​ന്നു. ബാ​ങ്ക് അ​ക്കൗ​ണ്ട് ഫ്രീ​സ് ചെ​യ്യും ഹാ​ക്ക് ചെ​യ്തു അ​ക്കൗ​ണ്ടി​ലെ പ​ണ​മെ​ടു​ക്കും എ​ന്നാ​യി​രു​ന്നു ഭീ​ഷ​ണി.

ഇ​തോ​ടെ ഭ​യ​ന്ന വീ​ട്ട​മ്മ​മാ​ർ ടെ​ലി​ഗ്രാം ചാ​ന​ലി​ൽ​നി​ന്ന് പു​റ​ത്തു ക​ട​ക്കു​ക​യും​ചെ​യ്തു. ട്യൂ​ട്ട​ർ എ​ന്ന നി​ല​യി​ൽ സ​ന്ദേ​ശം അ​യ​ച്ച ആ​ളെ​യും ബ്ലോ​ക്ക് ആ​ക്കി. ഒ​രു യു​വ​തി​ക്ക് ഈ ​ത​ട്ടി​പ്പി​ൽ ന​ഷ്ട​പ്പെ​ട്ട​ത് 83,000 രൂ​പ​യെ​ങ്കി​ൽ മ​റ്റൊ​രാ​ൾ​ക്ക് 1,78,000 രൂ​പ​യാ​ണ്. സ്വ​ർ​ണാ​ഭ​ര​ണ​ങ്ങ​ളും മ​റ്റും പ​ണ​യം​വ​ച്ചാ​ണ് യു​വ​തി​ക​ളാ​യ വീ​ട്ട​മ്മ​മാ​ർ നി​ക്ഷേ​പി​ക്കാ​നു​ള്ള പ​ണം ക​ണ്ടെ​ത്തി​യ​ത്. മാ​ന​ക്കേ​ട് ഭ​യ​ന്ന് പ​രാ​തി ന​ൽ​കാ​ൻ പ​ല​രും ത​യാ​റാ​യി​ല്ല. ആ​ഴ്ച​ക​ൾ​ക്ക് മു​മ്പ്​ അ​ടൂ​രി​ലും സ​മാ​ന​മാ​യ രീ​തി​യി​ൽ മ​റ്റൊ​രു ത​ട്ടി​പ്പി​ന് വീ​ട്ട​മ്മ​മാ​ർ ഇ​ര​യാ​യി​രു​ന്നു.