മുഖ്യമന്ത്രി വിദേശയാത്ര പോയിട്ടുണ്ടോ?, തനിക്കറിയില്ല; വിവരമറിയിച്ചതിൽ മാധ്യമങ്ങളോട് നന്ദി പറഞ്ഞ് ഗവർണർ

ആലുവ: മുഖ്യമന്ത്രി പിണറായി വിജയന്‍റെ വിദേശയാത്രയെ കുറിച്ച് അറിഞ്ഞിരുന്നില്ലെന്ന് ​ഗവർണർ ആരിഫ് മുഹമ്മദ് ഖാൻ. വിദേശ സന്ദർശനത്തെ കുറിച്ച് രാജ്ഭവനെ അറിയിക്കാത്ത വിഷയത്തിൽ നേരത്തെ തന്നെ രാഷ്ട്രപതിക്ക് കത്ത് നൽകിയിരുന്നുവെന്നും ഗവർണർ വ്യക്തമാക്കി.

മുഖ്യമന്ത്രി വിദേശയാത്ര പോയിട്ടുണ്ടോ എന്ന് മാധ്യമപ്രവർത്തകരോട് ഗവർണർ ചോദിച്ചു. മുഖ്യമന്ത്രിയുടെ യാത്രയെ കുറിച്ച് തനിക്കറിയില്ല. മുഖ്യമന്ത്രിയുടെ യാത്രാവിവരം അറിയിച്ചതിൽ മാധ്യമങ്ങളോട് നന്ദിയുണ്ടെന്നും ഗവർണർ വ്യക്തമാക്കി.

തി​ങ്ക​ളാ​ഴ്ച പു​ല​ർ​ച്ചെയാണ് മു​ഖ്യ​മ​ന്ത്രി പി​ണ​റാ​യി വി​ജ​യ​നും കു​ടും​ബ​വും സ്വ​കാ​ര്യ സ​ന്ദ​ർ​ശ​ന​ത്തി​നാ​യി വി​ദേ​ശ​ത്തേ​ക്ക് പോ​യത്. നെ​ടു​മ്പാ​ശ്ശേ​രി​യി​ൽ​ നി​ന്ന്​ ദു​ബൈ വ​ഴി​യാ​ണ്​ മു​ഖ്യ​മ​ന്ത്രി, ഭാ​ര്യ ക​മ​ല, കൊ​ച്ചു​മ​ക​ൻ ഇ​ഷാ​ൻ എ​ന്നി​വ​ർ ഇ​ന്തോ​നേ​ഷ്യ​യി​ലേ​ക്ക്​ പോ​യ​ത്. മേ​യ്​ ര​ണ്ടു ​മു​ത​ൽ അ​ഞ്ചു​വ​രെ ദു​ബൈ​യി​ലു​ണ്ടാ​യി​രു​ന്ന മ​​ന്ത്രി മു​ഹ​മ്മ​ദ്​ റി​യാ​സും ഭാ​ര്യ വീ​ണ​യും തി​ങ്ക​ളാ​ഴ്ച ഇ​ന്ത്യോ​നേ​ഷ്യ​യി​ലേ​ക്ക്​ പോ​യി.

സ്വ​കാ​ര്യ സ​ന്ദ​ർ​ശ​ന​മെ​ന്ന്​ സൂ​ചി​പ്പി​ച്ചാ​ണ്​ യാ​​ത്രാ​നു​മ​തി​ക്ക്​ മു​ഖ്യ​മ​ന്ത്രി കേ​ന്ദ്ര സ​ർ​ക്കാ​റി​ൽ അ​പേ​ക്ഷ ന​ൽ​കി​യ​ത്. ഇ​ന്ത്യോ​നേ​ഷ്യ, സിം​ഗ​പ്പു​ർ, യു.​എ.​ഇ എ​ന്നി​വി​ട​ങ്ങ​ൾ സ​ന്ദ​ർ​ശി​ക്കു​ന്ന മു​ഖ്യ​മ​ന്ത്രി​ക്ക്​ 16 ദി​വ​സ​ത്തേ​ക്കാ​ണ്​ യാ​ത്രാ​നു​മ​തി. ഇ​തേ രാ​ജ്യ​ങ്ങ​ൾ സ​ന്ദ​ർ​ശി​ച്ച്​ 21ന്​ ​മ​ട​ങ്ങു​ന്ന മ​ന്ത്രി മു​ഹ​മ്മ​ദ്​ റി​യാ​സി​ന്​ 20 ദി​വ​സ​വും. 12 വ​രെ മു​ഖ്യ​മ​ന്ത്രി​യും കു​ടും​ബ​വും ഇ​​​ന്ത്യോ​നേ​ഷ്യ​യി​ലു​ണ്ടാ​കും. 12 മു​ത​ൽ 18 വ​രെ സിം​ഗ​പ്പു​​​​രും 19 മു​ത​ൽ 21 വ​രെ യു.​എ.​ഇ​യും സ​ന്ദ​ർ​​ശി​ക്കും.

കു​റ​ച്ചു​ദി​വ​സ​ത്തേ​ക്ക് മു​ഖ്യ​മ​ന്ത്രി ഉ​ണ്ടാ​വി​ല്ലെ​ന്ന സൂ​ച​ന​യാ​ണ്​ സ്റ്റാ​ഫ് അം​ഗ​ങ്ങ​ള്‍ക്ക് ന​ല്‍കി​യ​ത്. ക​ഴി​ഞ്ഞ മ​ന്ത്രി​സ​ഭ യോ​ഗ​ത്തി​ൽ അ​ടു​ത്ത യോ​ഗം ഓ​ൺ​ലൈ​നി​ലാ​യി​രി​ക്കു​മെ​ന്ന അ​റി​യി​പ്പ്​ മാ​ത്ര​മാ​ണു​ണ്ടാ​യി​രു​ന്ന​ത്. ഔ​ദ്യോ​ഗി​ക ആ​വ​ശ്യ​ത്തി​നാ​യി വി​ദേ​ശ​ത്ത്​ പോ​കു​ന്ന വേ​ള​ക​ളി​ല്‍ മു​ഖ്യ​മ​ന്ത്രി​യു​ടെ ഓ​ഫി​സ്​ ത​ന്നെ യാ​ത്ര വി​വ​ര​ങ്ങ​ൾ സം​ബ​ന്ധി​ച്ച് വാ​ർ​ത്ത​ക്കു​റി​പ്പ്​ ഇ​റ​ക്കാ​റു​ണ്ട്. സ്വ​കാ​ര്യ സ​ന്ദ​ര്‍ശ​ന​മാ​യ​തി​നാ​ല്‍ ഇ​ത്ത​വ​ണ ഔ​ദ്യോ​ഗി​ക അ​റി​യി​പ്പു​ണ്ടാ​യി​ല്ല. യാ​ത്രാ​വി​വ​രം രാ​ജ്​​ഭ​വ​നെ​യും അ​റി​യി​ച്ചിരുന്നില്ലെ​ന്നാ​ണ്​ വി​വ​രം.