ക​ണ്ണൂ​ർ സ​ർ​വ​ക​ലാ​ശാ​ല​ ബോർഡ് ഓഫ് സ്റ്റഡീസ് പുനഃസംഘടന നിയമാനുസൃതമല്ലെന്ന്​​ ഹൈകോടതി

കൊ​ച്ചി: ക​ണ്ണൂ​ർ സ​ർ​വ​ക​ലാ​ശാ​ല​ ബോ​ർ​ഡ് ഓ​ഫ് സ്റ്റ​ഡീ​സ് പു​നഃ​സം​ഘ​ട​ന പ്ര​ഥ​മ​ദൃ​ഷ്ട്യാ നി​യ​മാ​നു​സൃ​ത​മല്ലെന്ന്​ നി​രീ​ക്ഷി​ച്ച്​ ഹൈ​കോ​ട​തി. ​സ​ർ​വ​ക​ലാ​ശാ​ല ആ​ക്ടി​ലെ വ്യ​വ​സ്ഥ​ക​ൾ പാ​ലി​ക്കാ​തെ​യാ​ണ്​ നി​യ​മ​നം. ചാ​ൻ​സ​ല​ർ നാ​മ​നി​ർ​ദേ​ശം ചെ​യ്യു​ന്ന​വ​രെ​യാ​ണ്​ ബോ​ർ​ഡ്​ ഓ​ഫ്​ സ്റ്റ​ഡീ​സി​ലേ​ക്ക്​ സി​ൻ​ഡി​ക്കേ​റ്റ്​ നി​യ​മി​ക്കേ​ണ്ട​തെ​ന്ന വ്യ​വ​സ്ഥ​യ​ട​ക്കം പാ​ലി​ച്ചി​ട്ടി​ല്ലെ​ന്നും ചീ​ഫ്​ ജ​സ്റ്റി​സ്​ എ​സ്. മ​ണി​കു​മാ​ർ, ജ​സ്റ്റി​സ്​ ഷാ​ജി പി. ​ചാ​ലി എ​ന്നി​വ​ര​ട​ങ്ങു​ന്ന ബെ​ഞ്ച്​ നി​രീ​ക്ഷി​ച്ചു.

ബോ​ർ​ഡ്​ ഓ​ഫ്​ സ്റ്റ​ഡീ​സ്​ നി​യ​മ​നം സം​ബ​ന്ധി​ച്ച ആ​ഗ​സ്റ്റ്​ 11ലെ​ ​ര​ജി​സ്​​ട്രാ​റു​ടെ വി​ജ്ഞാ​പ​നം റ​ദ്ദാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ സെ​ന​റ്റ് അം​ഗം വി. ​വി​ജ​യ​കു​മാ​ർ, അ​ക്കാ​ദ​മി​ക് കൗ​ൺ​സി​ൽ അം​ഗം ഡോ. ​ഷി​നോ പി. ​ജോ​സ് എ​ന്നി​വ​രു​ടെ അ​പ്പീ​ൽ ഹ​ര​ജി​യി​ൽ ബോ​ർ​ഡ്​ ഓ​ഫ്​ സ്റ്റ​ഡീ​സി​ലേ​ക്ക്​ നി​യ​മി​ക്ക​പ്പെ​ട്ട 39 പേ​ര​ട​ക്കം എ​തി​ർ​ക​ക്ഷി​ക​ൾ​ക്ക്​ നോ​ട്ടീ​സ് ന​ൽ​കി പു​റ​പ്പെ​ടു​വി​ച്ച ഉ​ത്ത​ര​വി​ലാ​ണ്​ ഈ ​നി​രീ​ക്ഷ​ണം. നേ​ര​​ത്തേ സിം​ഗി​ൾ​ബെ​ഞ്ച് ഇ​തേ ഹ​ര​ജി ഫ​യ​ലി​ൽ സ്വീ​ക​രി​ക്കാ​തെ ത​ള്ളി​യ​തി​നെ തു​ട​ർ​ന്നാ​ണ് അ​പ്പീ​ൽ ന​ൽ​കി​യ​ത്.

സ​ർ​വ​ക​ലാ​ശാ​ല​യി​ലെ 72 ബോ​ർ​ഡു​ക​ളാ​ണ് പു​നഃ​സം​ഘ​ടി​പ്പി​ച്ച​ത്. സ​ർ​ക്കാ​ർ, എ​യ്​​ഡ​ഡ് കോ​ള​ജു​ക​ളി​ലെ മു​തി​ർ​ന്ന അ​ധ്യാ​പ​ക​രെ​ ഒ​ഴി​വാ​ക്കി യു.​ജി.​സി യോ​ഗ്യ​ത​ക​ളി​ല്ലാ​ത്ത സ്വാ​ശ്ര​യ കോ​ള​ജ് അ​ധ്യാ​പ​ക​രെ​യും ക​രാ​ർ അ​ധ്യാ​പ​ക​രെ​യും ഉ​ൾ​പ്പെ​ടു​ത്തി​യത​ട​ക്കം ആ​രോ​പി​ച്ചാ​ണ്​ ഹ​ര​ജി. ബോ​ർ​ഡ് ഓ​ഫ് സ്റ്റ​ഡീ​സ് ചെ​യ​ർ​മാ​നെ​യും അം​ഗ​ങ്ങ​ളെ​യും നി​യ​മ​പ്ര​കാ​രം നാ​മ​നി​ർ​ദേ​ശം ചെ​യ്യേ​ണ്ട​ത് ചാ​ൻ​സ​ല​റും നി​യ​മ​നാ​ധി​കാ​രം സ​ൻ​ഡി​ക്കേ​റ്റി​നും ആ​ണെ​ന്ന്​ വ്യ​ക്ത​മാ​ക്കി ഗ​വ​ർ​ണ​ർ കോ​ട​തി​യി​ൽ റി​പ്പോ​ർ​ട്ട്​ ന​ൽ​കി​യി​രു​ന്നു. സ​ർ​വ​ക​ലാ​ശാ​ല ര​ജി​സ്​​ട്രാ​ർ മു​ഖേ​ന പ്ര​ത്യേ​ക​ദൂ​ത​ൻ വ​ഴി എ​തി​ർ​ക​ക്ഷി​ക​ൾ​ക്ക്​ നോ​ട്ടീ​സ്​ ന​ൽ​കാ​നാ​ണ്​ ഉ​ത്ത​ര​വി​ലെ നി​ർ​ദേ​ശം. ഹ​ര​ജി വീ​ണ്ടും ജ​നു​വ​രി 17ന്​ ​പ​രി​ഗ​ണി​ക്കും.