ശ​ശീ​ന്ദ്ര​ന്‍റെ​യും മ​ക്ക​ളു​ടെ​യും ദുരൂഹമ​ര​ണം: സ​മ​ർ​പ്പി​ച്ച​ത്​ പാ​തി​വെ​ന്ത കു​റ്റ​പ​ത്രമെന്ന് ഹൈകോടതി

കൊ​ച്ചി: മ​ല​ബാ​ർ സി​മ​ന്‍റ്​​സ്​ ക​മ്പ​നി സെ​ക്ര​ട്ട​റി​യാ​യി​രു​ന്ന വി. ​ശ​ശീ​ന്ദ്ര​ന്‍റെ​യും മ​ക്ക​ളു​ടെ​യും ദു​രൂ​ഹ മ​ര​ണ​ത്തി​ൽ സി.​ബി.​ഐ​യു​ടെ തു​ട​ര​ന്വേ​ഷ​ണ​ത്തി​ന്​ ഹൈ​കോ​ട​തി ഉ​ത്ത​ര​വ്. മൂ​ന്നു പേ​രു​ടെ​യും മ​ര​ണം ആ​ത്​​മ​ഹ​ത്യ​യാ​ണെ​ന്ന്​ രേ​ഖ​പ്പെ​ടു​ത്തി സ​മ​ർ​പ്പി​ച്ച കു​റ്റ​പ​ത്രം സ്വീ​ക​രി​ച്ച എ​റ​ണാ​കു​ളം സി.​ജെ.​എം കോ​ട​തി​യു​ടെ ന​ട​പ​ടി റ​ദ്ദാ​ക്കി​യാ​ണ്​ ജ​സ്റ്റി​സ്​ പി. ​സോ​മ​രാ​ജ​ന്‍റെ ഉ​ത്ത​ര​വ്.

പാ​തി വെ​ന്ത കു​റ്റ​പ​ത്ര​മാ​ണ്​ സി.​ബി.​ഐ സ​മ​ർ​പ്പി​ച്ച​തെ​ന്ന്​ കു​റ്റ​പ്പെ​ടു​ത്തി​യ കോ​ട​തി, ക​ഴി​വും വൈ​ദ​ഗ്​​ധ്യ​വു​മു​ള്ള മു​തി​ർ​ന്ന ഉ​ദ്യോ​ഗ​സ്ഥ​ന്‍റെ നേ​തൃ​ത്വ​ത്തി​ൽ പ്ര​ത്യേ​ക സം​ഘ​ത്തെ നി​യോ​ഗി​ക്ക​ണ​മെ​ന്നും നാ​ലു​മാ​സ​ത്തി​ന​കം അ​ന്വേ​ഷ​ണം പൂ​ർ​ത്തി​യാ​ക്ക​ണ​മെ​ന്നും ഉ​ത്ത​ര​വി​ട്ടു.

സി.​ബി.​ഐ​യു​ടെ കു​റ്റ​പ​ത്രം ത​ള്ള​ണ​മെ​ന്ന ആ​വ​ശ്യം സി.​ജെ.​എം കോ​ട​തി നി​ര​സി​ച്ച​തി​നെ​തി​രെ ശ​ശീ​ന്ദ്ര​ന്‍റെ സ​ഹോ​ദ​ര​ൻ ഡോ. ​വി. സ​ന​ൽ​കു​മാ​റും 'ക്രൈം' ​എ​ഡി​റ്റ​ർ ടി.​പി. ന​ന്ദ​കു​മാ​റും ന​ൽ​കി​യ ഹ​ര​ജി​ക​ളി​ലാ​ണ്​ ഉ​ത്ത​ര​വ്. 2011 ജ​നു​വ​രി 24നാ​ണ് പാ​ല​ക്കാ​ട് ക​ഞ്ചി​ക്കോ​ട്ടെ വീ​ട്ടി​ൽ ശ​ശീ​ന്ദ്ര​നെ​യും മ​ക്ക​ളാ​യ വി​വേ​ക്, വ്യാ​സ് എ​ന്നി​വ​രെ​യും മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.

മ​ല​ബാ​ർ സി​മ​ന്‍റ്​​സി​ലെ അ​ഴി​മ​തി​യു​മാ​യി ബ​ന്ധ​പ്പെ​ട്ട കേ​സി​ൽ ത​നി​ക്ക് അ​നു​കൂ​ല​മാ​യി മൊ​ഴി ന​ൽ​കാ​ൻ പ്ര​മു​ഖ വ്യ​വ​സാ​യി വി.​എം. രാ​ധാ​കൃ​ഷ്‌​ണ​ൻ ശ​ശീ​ന്ദ്ര​നെ ഭീ​ഷ​ണി​പ്പെ​ടു​ത്തി​യി​രു​ന്നെ​ന്നും തു​ട​ർ​ന്ന് ശ​ശീ​ന്ദ്ര​ൻ മ​ക്ക​ളെ കൊ​ല​പ്പെ​ടു​ത്തി ആ​ത്മ​ഹ​ത്യ ചെ​യ്തെ​ന്നു​മാ​ണ് സി.​ബി.​ഐ​യു​ടെ ക​ണ്ടെ​ത്ത​ൽ. ഇ​ത്​ കൊ​ല​പാ​ത​ക​മാ​ണെ​ന്ന​തി​ന് തെ​ളി​വു​ക​ളി​ല്ലെ​ന്ന്​ കാ​ട്ടി സി.​ബി.​ഐ ന​ൽ​കി​യ കു​റ്റ​പ​ത്രം സി.​ജെ.​എം കോ​ട​തി നേ​ര​ത്തേ ത​ള്ളി​യി​രു​ന്നു.

ശ​ശീ​ന്ദ്ര​ന്‍റെ ശ​രീ​ര​ത്തി​ലു​ണ്ടാ​യി​രു​ന്ന ഒ​മ്പ​തു മു​റി​വു​ക​ള​ട​ക്ക​മു​ള്ള അ​ഞ്ചു കാ​ര്യ​ങ്ങ​ളി​ൽ വ്യ​ക്ത​ത ആ​വ​ശ്യ​പ്പെ​ട്ടാ​ണ് ത​ള്ളി​യ​ത്. എ​ന്നാ​ൽ, മ​തി​യാ​യ വി​ശ​ദീ​ക​ര​ണം ന​ൽ​കാ​തെ വീ​ണ്ടും സ​മ​ർ​പ്പി​ച്ച കു​റ്റ​പ​ത്രം കോ​ട​തി സ്വീ​ക​രി​ച്ചു. ഇ​തി​നെ തു​ട​ർ​ന്നാ​ണ്​ ഹ​ര​ജി​ക്കാ​ർ കോ​ട​തി​യെ സ​മീ​പി​ച്ച​ത്.

സി.​ബി.​ഐ​ക്ക്​ രൂ​ക്ഷ വി​മ​ർ​ശ​നം; ക​ണ്ണി​ൽ പൊ​ടി​യി​ടാ​ൻ ശ്ര​മി​ച്ചു

കൊച്ചി: ശ​ശീ​ന്ദ്ര​ന്‍റെ​യും മ​ക്ക​ളു​ടെ​യും ദു​രൂ​ഹ മ​ര​ണ​ത്തി​ന്റെ അ​ന്വേ​ഷ​ണ​വു​മാ​യി ബ​ന്ധ​പ്പെ​ട്ട്​ സി.​ബി.​ഐ​ക്ക്​ ഹൈ​കോ​ട​തി​യു​ടെ രൂ​ക്ഷ വി​മ​ർ​ശ​നം. കൊ​ല​ക്കു​റ്റ​വും പ്ര​തി​ക​ളു​ടെ പ​ങ്കും ഒ​ഴി​വാ​ക്കാ​ൻ അ​ന്വേ​ഷ​ണ സം​ഘം മ​നഃ​പൂ​ർ​വം ശ്ര​മി​ച്ച​താ​യി കോ​ട​തി കു​റ്റ​പ്പെ​ടു​ത്തി. ക​ണ്ണി​ൽ പൊ​ടി​യി​ടാ​നാ​ണ് സി.​ബി.​ഐ ശ്ര​മി​ച്ച​ത്. മി​ക​ച്ച അ​ന്വേ​ഷ​ണ ഏ​ജ​ൻ​സി​യെ​ന്ന സി.​ബി.​ഐ​യു​ടെ പ്ര​ശ​സ്തി​ക്ക് ക​ള​ങ്ക​മാ​ണ്​ ഈ ​അ​ന്വേ​ഷ​ണം.

ശ​ശീ​ന്ദ്ര​ന്‍റെ ശ​രീ​ര​ത്തി​ൽ ഒ​മ്പ​തു മു​റി​വു​ക​ളു​ണ്ടാ​യ​തെ​ങ്ങ​നെ, കൊ​ല​പാ​ത​ക സാ​ധ്യ​ത പ​രി​ശോ​ധി​ച്ചോ, വ​സ്ത്ര​ങ്ങ​ളി​ലും വാ​തി​ലു​ക​ളി​ലും ര​ക്​​ത​ക്ക​റ എ​ങ്ങ​നെ​യു​ണ്ടാ​യി, മു​റി പു​റ​ത്തു​നി​ന്ന്​ പൂ​ട്ടി​യ നി​ല​യി​ലാ​യി​രു​ന്ന​തെ​ന്തു​കൊ​ണ്ട്, പ്ര​തി​ക​ൾ​ക്കെ​തി​രാ​യ സാ​ഹ​ച​ര്യ​ത്തെ​ളി​വു​ക​ൾ സി.​ബി.​ഐ മ​റ​ച്ചു​വെ​ക്കാ​ൻ ശ്ര​മി​ച്ചി​ട്ടു​ണ്ടോ തു​ട​ങ്ങി​യ ചോ​ദ്യ​ങ്ങ​ൾ​ക്ക്​ ഉ​ത്ത​രം ല​ഭി​ക്കേ​ണ്ട​തു​ണ്ട്. വി​ഷ​യം സി.​ബി.​ഐ വ​ള​രെ ഗൗ​ര​വ​ത്തോ​ടെ കാ​ണു​മെ​ന്നും കൃ​ത്യ​വി​ലോ​പം കാ​ണി​ച്ച​വ​ർ​ക്കെ​തി​രെ ന​ട​പ​ടി​യെ​ടു​ക്കു​മെ​ന്നും പ്ര​തീ​ക്ഷി​ക്കു​ന്ന​താ​യും കോ​ട​തി വ്യ​ക്​​ത​മാ​ക്കി.