ജീവൻ തിരിച്ചു കിട്ടി; ഇനി നഷ്ടപരിഹാരത്തിനുള്ള പോരാട്ടം

കൊ​ല്ലം: പൊ​ലീ​സ്​ ക​ള്ള​ക്കേ​സി​ൽ കു​ടു​ക്കി​യ​പ്പോ​ൾ ചോ​ദി​ക്കാ​ൻ ഒ​രാ​ളെ​ങ്കി​ലും ഉ​ണ്ടാ​യി​രു​ന്നെ​ങ്കി​ൽ കൊ​ല​ക്ക​യ​ർ സ്വ​പ്നം ക​ണ്ട്​ 11 വ​ർ​ഷം താ​ൻ ജ​യി​ലി​ൽ കി​ട​ക്കി​ല്ലാ​യി​രു​ന്നെ​ന്ന്​ ഗി​രീ​ഷ്​ കു​മാ​ർ. കു​ണ്ട​റ ആ​ലീ​സ്​ വ​ധ​ക്കേ​സി​ൽ വ​ധ​ശി​ക്ഷ​ വി​ധി​ക്ക​പ്പെ​ട്ട്​ 11 വ​ർ​ഷം ജ​യി​ലി​ൽ കി​ട​ന്ന​ശേ​ഷം ക​ഴി​ഞ്ഞ ദി​വ​സം കു​റ്റ​ക്കാ​ര​ന​ല്ലെ​ന്നു ക​ണ്ട്​ ഹൈ​കോ​ട​തി വി​ട്ട​യ​ച്ച്​ നാ​ട്ടി​ലെ​ത്തി​യ ഗി​രീ​ഷ്​ കു​മാ​ർ ‘മാ​ധ്യ​മ’​ത്തോ​ട്​ സം​സാ​രി​ക്കു​ക​യാ​യി​രു​ന്നു.

‘ജീ​വ​ൻ മാ​ത്ര​മെ തി​രി​ച്ചു​കി​ട്ടി​യു​ള്ളൂ, കോ​ട​തി വി​ധി​ച്ച അ​ഞ്ചു​ല​ക്ഷം ന​ഷ്ട​പ​രി​ഹാ​രം ത​ന്‍റെ ന​ഷ്ട​പ്പെ​ട്ട ജീ​വി​ത​ത്തി​ന്​ പ​ക​ര​മാ​കി​ല്ല, അ​തു​കൊ​ണ്ടു​ത​ന്നെ കൂ​ടു​ത​ൽ ന​ഷ്ട​പ​രി​ഹാ​ര​ത്തി​നാ​യി കോ​ട​തി​യെ സ​മീ​പി​ക്കും’- ച​വ​റ​യി​ലെ ത​ന്‍റെ പ​ഴ​യ കോ​ഴി​ക്ക​ട​യി​ൽ ജോ​ലി​ക്കെ​ത്തി​യ ഗി​രീ​ഷ്​ പ​റ​ഞ്ഞു. ത​നി​ക്കൊ​രു വി​വാ​ഹ ജീ​വ​ത​മ​ട​ക്കം ല​ഭി​ക്ക​ണ​മെ​ങ്കി​ൽ ആ​ലീ​സി​​നെ ബ​ലാ​ത്സം​ഗം ചെ​യ്ത്​ കൊ​ന്ന യ​ഥാ​ർ​ഥ പ്ര​തി​യെ​ക്കൂ​ടി പി​ടി​കൂ​ട​ണം. ഇ​തി​നാ​യും ഉ​ള്ള നി​യ​മ​പോ​രാ​ട്ട​മാ​ണ്​ ഇ​നി- ഗി​രീ​ഷ് വ്യ​ക്ത​മാ​ക്കി.കേ​സി​ൽ പ്ര​തി​യാ​ക്കാ​നു​ള്ള യാ​തൊ​രു തെ​ളി​വു​മി​ല്ലെ​ന്ന്​ ക​ണ്ടെ​ത്തി​യാ​ണ്​ വി​ചാ​ര​ണ​കോ​ട​തി വി​ധി​ച്ച വ​ധ​ശി​ക്ഷ റ​ദ്ദാ​ക്കി ഗി​രീ​ഷി​നെ ഈ ​മാ​സം അ​ഞ്ചി​ന്​ വെ​റു​തെ വി​ട്ട​ത്.

2013 ജൂ​ൺ 11നാ​ണ്​ കു​ണ്ട​റ മു​ള​വ​ന കോ​ട്ട​പ്പു​റം എ.​വി സ​ദ​ന​ത്തി​ൽ ആ​ലീ​സ്​ വ​ർ​ഗീ​സ്​ (57) കൊ​ല്ല​പ്പെ​ട്ട​ത്. ഒ​റ്റ​ക്ക്​ താ​മ​സി​ച്ചി​രു​ന്ന ആ​ലീ​സി​നെ ക​ഴു​ത്തു​മു​റി​ച്ച്​ കൊ​ല​പ്പെ​ടു​ത്തി ആ​ഭ​ര​ണ​ങ്ങ​ൾ ക​വ​ർ​ന്നെ​ന്നാ​ണ്​ കേ​സ്. മ​റ്റൊ​രു കേ​സി​ൽ ജ​യി​ലി​ലാ​യി​രു​ന്ന ഗി​രീ​ഷ്, ആ​ലീ​സ്​ കൊ​ല്ല​പ്പെ​ടു​ന്ന​തി​ന്​ ഏ​താ​നും ദി​വ​സം മു​മ്പാ​ണ്​ പു​റ​ത്തി​റ​ങ്ങി​യ​ത്. സം​ശ​യ​ത്തി​ന്‍റെ അ​ടി​സ്ഥാ​ന​ത്തി​ലാ​ണ്​ ജൂ​ൺ 22ന്​ ​ത​ന്നെ ക​സ്റ്റ​ഡി​യി​ലെ​ടു​ത്ത​തെ​ന്ന്​ ഗി​രീ​ഷ്​ പ​റ​യു​ന്നു. ആ​ദ്യ ദി​വ​സം ജ്യേ​ഷ്ഠ​ൻ അ​ന്വേ​ഷി​ച്ച്​ വ​ന്ന​പ്പോ​ൾ പൊ​ലീ​സ്​ അ​യാ​ളെ​യും പ്ര​തി​യാ​ക്കു​മെ​ന്ന്​ പ​റ​ഞ്ഞ്​ വി​ര​ട്ടി ഓ​ടി​ച്ചു. ചി​ല്ല​റ മോ​ഷ​ണ​വും പോ​ക്ക​റ്റ​ടി​യും മ​ദ്യ​പാ​ന​വു​മെ​ല്ലാ​മു​ണ്ടാ​യി​രു​ന്ന​തി​നാ​ൽ പി​ന്നീ​ട്​ വീ​ട്ടു​കാ​ർ തി​രി​ഞ്ഞു നോ​ക്കി​യി​ല്ല. യ​ഥാ​ർ​ഥ പ്ര​തി​ക​ളെ കി​ട്ടാതാ​യ​പ്പോ​ൾ ചോ​ദി​ക്കാ​നാ​രു​മി​ല്ലാ​ത്ത ത​ന്നെ എ​ളു​പ്പ​ത്തി​ൽ പ്ര​തി​യാ​ക്കാ​ൻ പൊ​ലീ​സി​ന്​ ക​ഴി​ഞ്ഞു. താ​ൻ ജോ​ലി​ചെ​യ്തി​രു​ന്ന കോ​ഴി ഫാ​മി​ന്‍റെ ഉ​ട​മ ഫ്രാ​ൻ​സി​സും (ത​മ്പി) താ​നും ഒ​രു​മി​ച്ചു​ള്ള​പ്പോ​ഴാ​ണ്​ കൊ​ല​പാ​ത​കം ന​ട​ന്ന​ത്, എ​ന്നാ​ൽ, അ​ദ്ദേ​ഹ​ത്തെ വി​ചാ​ര​ണ ചെ​യ്യാ​ൻ പോ​ലും കീ​ഴ്​​കോ​ട​തി ത​യാ​റാ​യി​ല്ല -ഗി​രീ​ഷ്​ പ​റ​ഞ്ഞു.