ആശുപത്രികൾ അടച്ചിട്ട്​ സമരം നടത്തിയാൽ നേരിടുമെന്ന്​ ആരോഗ്യമന്ത്രി

തിരുവനന്തപുരം: സ്വകാര്യ ആശുപത്രികൾ അടച്ചിട്ട്​ സമരം നടത്തിയാൽ നേരിടുമെന്ന്​ ആരോഗ്യ മന്ത്രി കെ.കെ ശൈലജ. ആശുപത്രികൾ അടച്ചിട്ടാൽ പകർച്ചവ്യാധി മൂലമുണ്ടാകുന്ന മരണങ്ങൾ കൂടും. പ്രശ്​നം പരിഹരിക്കാൻ സർക്കാർ ആശുപത്രികൾ മാത്രം മതിയാകില്ല. ഇക്കാര്യത്തിൽ നേഴ്​സുമാർക്കും ആശുപത്രി ഉടമകൾക്കും ഉത്തരവാദിത്വമുണ്ടെന്ന്​ ശൈലജ പറഞ്ഞു.

നേരത്തെ നഴ്സുമാരുടെ സമരത്തിൽ പ്രതിഷേധിച്ച് സംസ്ഥാനത്തെ സ്വകാര്യ ആശുപത്രികൾ തിങ്കളാഴ്ച മുതൽ അടച്ചിടുമെന്ന് മാനേജ്മെന്‍റുകൾ മുന്നറിയിപ്പ് നൽകിയിരുന്നു. അടിയന്തര ആവശ്യങ്ങളിൽ അത്യാഹിത വിഭാഗം മാത്രം പ്രവർത്തിക്കുമെന്നും ഇവർ അറിയിച്ചിരുന്നു. ഇതിന്​ പിന്നാലെയാണ്​ പ്രതികരണവുമായി ആരോഗ്യമന്ത്രി രംഗത്തെത്തിയിരിക്കുന്നത്​.