തി​രു​വ​ന​ന്ത​പു​രം, കൊ​ച്ചി, കോ​ഴി​ക്കോ​ട് നഗരങ്ങളിൽ വായു മലിനീകരണം രൂക്ഷം

തി​രു​വ​ന​ന്ത​പു​രം: തി​രു​വ​ന​ന്ത​പു​രം, കൊ​ച്ചി, കോ​ഴി​ക്കോ​ട് ന​ഗ​ര​ങ്ങ​ളി​ല്‍ വാ​യു​മ​ലി​നീ​ക​ര​ണം രൂ​ക്ഷ​മാ​ണെ​ന്ന്​ ധ​വ​ള​പ​ത്രം. സം​സ്ഥാ​ന​ത്തെ ന​ദി​ക​ളെ​ല്ലാം രൂ​ക്ഷ​മാ​യ നി​ല​വാ​ര​ത്ത​ക​ര്‍ച്ച നേ​രി​ടു​ക​യാ​ണ്. വി​സ​ര്‍ജ്യം ന​ദി​ക​ളെ മ​ലി​ന​മാ​ക്കു​ന്നു. ന​ദീ​തീ​ര​ത്തെ തീ​ര്‍ഥാ​ട​ന കേ​ന്ദ്ര​ങ്ങ​ളി​ല്‍നി​ന്നു​ള​ള മ​ലി​നീ​ക​ര​ണ​വും സം​സ്ക​രി​ക്കാ​ത്ത ന​ഗ​ര​മാ​ലി​ന്യ​വും സ്ഥി​തി രൂ​ക്ഷ​മാ​ക്കു​ന്നു. വ്യ​വ​സാ​യ മാ​ലി​ന്യം, ലോ​ഹ​പ​ദാ​ർ​ഥ​ങ്ങ​ള്‍ തു​ട​ങ്ങി​യ​വ വേ​മ്പ​നാ​ട് ത​ണ്ണീ​ര്‍ത്ത​ട​ത്തി​ലു​ണ്ടാ​ക്കു​ന്ന മ​ലി​നീ​ക​ര​ണം ചെ​റു​ത​ല്ല.

പു​ഴ മ​ണ​ൽ​ക്ഷാ​മം വി​വേ​ച​ന​ര​ഹി​ത​മാ​യ മ​ണ​ല്‍ഖ​ന​ന​ത്തി​ന് ഇ​ട​യാ​ക്കു​ന്നു. നി​ർ​മാ​ണ​മേ​ഖ​ല​യെ പ​രി​ഗ​ണി​ച്ച്​ ഈ ​പ്ര​ശ്നം എ​ങ്ങ​നെ പ​രി​ഹ​രി​ക്കാം എ​ന്ന് പ​രി​ശോ​ധി​ക്ക​ണം. നെ​ല്‍വ​യ​ൽ വി​സ്തൃ​തി 1965ല്‍ 7.53 ​ല​ക്ഷം ഹെ​ക്ട​റാ​യി​രു​ന്നു. 2014-15ല്‍ ​അ​ത് 1.9 ല​ക്ഷം ഹെ​ക്ട​റാ​യി ചു​രു​ങ്ങി. ഉ​ല്‍പാ​ദ​ന​ക്ഷ​മ​ത​യും ചു​രു​ങ്ങി. ഒ​രു ഹെ​ക്ട​റി​ന് 2.837 ട​ണ്‍ നെ​ല്ലാ​ണ് ല​ഭി​ക്കു​ന്ന​ത്. വി​ള​ക​ളു​ടെ ഉ​ൽ​പാ​ദ​ന​വും ഉ​ൽ​പാ​ദ​ന​ക്ഷ​മ​ത​യും വ​ര്‍ധി​പ്പി​ച്ചേ കാ​ര്‍ഷി​ക പ്ര​ശ്ന​ങ്ങ​ള്‍ പ​രി​ഹ​രി​ക്കാ​ന്‍ ക​ഴി​യൂ എ​ന്ന് ധ​വ​ള​പ​ത്രം ചൂ​ണ്ടി​ക്കാ​ട്ടു​ന്നു. ഖ​ര​മാ​ലി​ന്യം കു​ടി​വെ​ള്ള ല​ഭ്യ​ത​യെ​യും ജീ​വി​ത​നി​ല​വാ​ര​ത്തെ​യും സാ​ര​മാ​യി ബാ​ധി​ക്കു​ന്നു. പ്ര​ദേ​ശി​ക​മാ​യി 90,563 മാ​ലി​ന്യ​സം​സ്ക​ര​ണ പ​ദ്ധ​തി​ക​ളു​ണ്ട്. വാ​യു​മ​ലി​നീ​ക​ര​ണം മ​റ്റൊ​രു പ്ര​ശ്ന​മാ​ണ്.