മഴ കുറഞ്ഞു; ട്രെയിൻ ഗതാഗതം ഇന്ന്​ പുനഃസ്ഥാപിക്കും

തിരുവനന്തപുരം: സംസ്ഥാനത്ത്​ കനത്ത നാശം വിതച്ച കാലവർഷത്തിൻെറ ശക്​തി കുറഞ്ഞു. മലബാറിൽ കഴിഞ്ഞ കുറച്ച്​ മണിക്കൂ റുകളായി കാര്യമായ മഴയില്ല. മഴമൂലം തടസപ്പെട്ട ​​കോഴിക്കോട്​-ഷൊർണൂർ പാതയിലെ ട്രെയിൻ ഗതാഗതം ഇന്ന്​ പുനഃസ്ഥാപി ക്കാൻ കഴിയുമെന്ന്​ റെയിൽവേ പ്രതീക്ഷ പ്രകടിപ്പിച്ചു​.

​ഫറോക്ക്​ പാലത്തിന്​ മുകളിൽ വീണ മരച്ചില്ലകൾ എടുത്ത്​ മാറ്റിയതിന്​ ശേഷമാവും ട്രെയിൻ ഗതാഗതം പുനഃസ്ഥാപിക്കുക. കഴിഞ്ഞ ദിവസം പാതയിൽ റെയിൽവേ സുരക്ഷാ പരി​േശാധനകൾ നടത്തിയിരുന്നു. അതേസമയം, ഉരുൾപൊട്ടലുണ്ടായ നിലമ്പൂർ കവളപ്പാറയിൽ കാണാതായവർക്ക്​ വേണ്ടിയുള്ള തിരച്ചിൽ പുനഃരാരംഭിച്ചു. ഏകദേശം 50ഓളം ആളുകളെയാണ്​ ഉരുൾപൊട്ടലിന്​ ശേഷം കാണാതായത്​.

അതേ സമയം, ദുരിതബാധിത പ്രദേശങ്ങൾ സന്ദർശക്കാനാനെത്തിയ രാഹുൽ ഗാന്ധി ഇന്ന്​ വയനാട്ടിലെത്തുമെന്നാണ്​ റിപ്പോർട്ട്​. കൽപ്പറ്റയിലെത്തുന്ന അദ്ദേഹം പിന്നീട്​ മഴമൂലം ദുരിതമുണ്ടായ വിവിധ സ്ഥലങ്ങൾ സന്ദർശിക്കും.