വട്ടോളിയിൽ ഹെലികോപ്റ്റർ: കൗതുകത്തോടെ നാട്ടുകാർ

കുറ്റ്യാടി: വട്ടോളി നാഷനൽ ഹയർ സെക്കണ്ടറി സ്കൂളിൽ ആദ്യമായി ഹെലിക്കോപ്റ്റർ ഇറങ്ങിയത് നാട്ടുകാർക്ക് കൗതുകക്കാഴ്ചയായി. തൃശൂർ സ്വദേശിയും ദോഹയിലെ വ്യവസായിയുമായ പത്മശ്രീ സി.കെ.മേനോനെയും വഹിച്ചെത്തിയതായിരുന്നു സ്വകാര്യ ഹെലിക്കോപ്റ്റർ. മേനോന്‍റെ മാനേജർ കൂത്താളിയിലെ ചാമംകുഴിയിൽ പത്മനാഭന്‍റെ മകളുടെ വിവാഹത്തിൽ പങ്കെടുക്കാനാണ് അദ്ദേഹം എത്തിയത്. 

തൊഴിൽ-എക്സൈസ് വകുപ്പ് മന്ത്രി ടി.പി.രാമകൃഷ്ണനും സന്നിഹിതനായിരുന്നു. രാവിലെ 11.30 ന് ഇറങ്ങിയ കോപ്റ്റർ ഒന്നരക്കാണ് തിരിച്ചു പോയത്. കുറ്റ്യാടി എസ്.ഐ.പി.എസ്. ഹരീഷിന്‍റെന്റെ നേതൃത്വത്തിൽ കോപ്റ്ററിന് പൊലീസ് സംരക്ഷണവും ഏർപ്പെടുത്തിയിരുന്നു.