ഹേ​മ ക​മ്മി​റ്റി റി​പ്പോ​ർ​ട്ട്; തെളിവുകൾ മൂടിവെച്ചു, സർക്കാറിനെതിരെ പ്രതിഷേധം

തി​രു​വ​ന​ന്ത​പു​രം: മ​ല​യാ​ള സി​നി​മ മേ​ഖ​ല​യി​ൽ ന​ട​ക്കു​ന്ന ലൈം​ഗി​ക അ​രാ​ജ​ക​ത്വ​ത്തി​നും മാം​സ​ക്ക​ച്ച​വ​ട​ത്തി​നു​മെ​തി​രെ വ്യ​ക്ത​മാ​യ തെ​ളി​വു​ക​ൾ ഹേ​മ ക​മ്മി​റ്റി സ​മ​ർ​പ്പി​ച്ചി​ട്ടും നാ​ല​ര വ​ർ​ഷ​മാ​യി​ട്ടും ചെ​റു​വി​ര​ൽ അ​ന​ക്കാ​ത്ത സം​സ്ഥാ​ന സ​ർ​ക്കാ​റി​നെ​തി​രെ പ്ര​തി​ഷേ​ധം ക​ന​ക്കു​ന്നു. ഇ​ര​ക​ളെ മ​റ​യാ​ക്കി വേ​ട്ട​ക്കാ​രെ സം​ര​ക്ഷി​ച്ച നി​ല​പാ​ടി​നെ​തി​രെ ഗ​വ​ർ​ണ​റും പ്ര​തി​പ​ക്ഷ​വും രം​ഗ​ത്തെ​ത്തി​യ​തോ​ടെ സ​ർ​ക്കാ​ർ പ്ര​തി​രോ​ധ​ത്തി​ലാ​യി.

സോ​ളാ​ര്‍ ക​മീ​ഷ​ന്‍ റി​പ്പോ​ര്‍ട്ടി​ല്‍ പോ​ലും പ​രാ​തി​ക്കാ​രി​യെ വി​ളി​ച്ചു​വ​രു​ത്തി പ​രാ​തി എ​ഴു​തി കേ​സ് സി.​ബി.​ഐ​ക്ക് വി​ട്ട സ​ർ​ക്കാ​ർ എ​ന്തു​കൊ​ണ്ട് തെ​ളി​വു​ക​ളോ​ടെ ഗു​രു​ത​ര ആ​രോ​പ​ണ​മു​ന്ന​യി​ച്ച​വ​രി​ൽ​നി​ന്ന് പ​രാ​തി വാ​ങ്ങി കു​റ്റ​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ച്ചി​ല്ലെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ ചോ​ദി​ച്ചു. വേ​ട്ട​ക്കാ​രെ സം​ര​ക്ഷി​ക്കു​ന്ന നി​ല​പാ​ടാ​ണ് സ​ർ​ക്കാ​ർ സ്വീ​ക​രി​ച്ച​തെ​ന്ന് കെ.​പി.​സി.​സി അ​ധ്യ​ക്ഷ​ൻ കെ. ​സു​ധാ​ക​ര​നും വി​മ​ർ​ശി​ച്ചു. റി​പ്പോ​ർ​ട്ടി​ൽ സ​ർ​ക്കാ​റി​ന് ന​ട​പ​ടി​യെ​ടു​ക്കാ​ൻ ബാ​ധ്യ​ത​യു​ണ്ടെ​ന്ന് ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നും പ്ര​തി​ക​രി​ച്ചു.

കേ​സെ​ടു​ക്കാ​ന്‍ പു​തു​താ​യി പ​രാ​തി ന​ല്‍കേ​ണ്ട കാ​ര്യ​മി​ല്ലെ​ന്നും ഇ​ത്ര വ​ലി​യൊ​രു പ​രാ​തി​യു​ടെ കൂ​മ്പാ​രം നാ​ല​ര കൊ​ല്ല​മാ​യി സ​ര്‍ക്കാ​റി​ന്‍റെ കൈ​യി​ൽ ഇ​രി​ക്കു​ക​യാ​ണെ​ന്നും പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ പ​റ​ഞ്ഞു.

അ​തേ​സ​മ​യം, ഹേ​മ ക​മ്മി​റ്റി റി​പ്പോ​ർ​ട്ട് സ​മ​ർ​പ്പി​ക്കു​മ്പോ​ൾ അ​തി​ൽ തെ​ളി​വു​ക​ളു​ണ്ടാ​യി​രു​ന്നി​ല്ലെ​ന്നും ആ​കാ​ശ​ത്തു​നി​ന്ന് കേ​സ് അ​ന്വേ​ഷി​ക്കാ​ൻ ക​ഴി​യി​ല്ലെ​ന്നു​മു​ള്ള അ​ന്ന​ത്തെ സാം​സ്കാ​രി​ക മ​ന്ത്രി എ.​കെ. ബാ​ല​ന്‍റെ വാ​ദം പൊ​ളി​ഞ്ഞു. ഇ​ര​ക​ൾ സ​മ​ർ​പ്പി​ച്ച സ്ക്രീ​ൻ ഷോ​ട്ടു​ക​ളും വാ​ട്സ്ആ​പ് ചാ​റ്റു​ക​ളും ഇ​വ​രു​ടെ മൊ​ഴി​ക​ളു​മ​ട​ങ്ങി​യ പെ​ൻ​ഡ്രൈ​വു​ക​ളും സീ​ഡി​ക​ളും റി​പ്പോ​ർ​ട്ടി​ന് അ​നു​ബ​ന്ധ​മാ​യി സ​ർ​ക്കാ​റി​ന് സ​മ​ർ​പ്പി​ച്ചി​ട്ടു​ണ്ടെ​ന്ന് ജ​സ്റ്റി​സ് ഹേ​മ സാം​സ്കാ​രി​ക വ​കു​പ്പി​ന് കൈ​മാ​റി​യ ക​ത്തി​ന്‍റെ വി​വ​ര​ങ്ങ​ൾ പു​റ​ത്തു​വ​ന്നു.

ആ​രോ​പ​ണ​ങ്ങ​ൾ ശ​ക്ത​മാ​യ​തോ​ടെ സ​മ​ഗ്ര സി​നി​മ ന​യം ന​വം​ബ​റി​ൽ പ്ര​ഖ്യാ​പി​ക്കാ​നു​ള്ള ന​ട​പ​ടി​ക​ൾ സ​ർ​ക്കാ​ർ ആ​രം​ഭി​ച്ചു. ഷാ​ജി എ​ൻ. ക​രു​ൺ അ​ധ്യ​ക്ഷ​നാ​യ സ​മി​തി ജ​സ്റ്റി​സ് ഹേ​മ ക​മ്മി​റ്റി റി​പ്പോ​ർ​ട്ടി​ന്റെ ശി​പാ​ർ​ശ​ക​ൾ കൂ​ടി പ​രി​ഗ​ണി​ച്ചാ​ണ് സി​നി​മ ന​യം രൂ​പ​വ​ത്​​ക​രി​ക്കു​ന്ന​തെ​ന്ന് മ​ന്ത്രി സ​ജി ചെ​റി​യാ​ൻ അ​റി​യി​ച്ചു. ന​യ​രൂ​പ​വ​ത്​​ക​ര​ണ​ത്തി​ന് സ​ഹാ​യി​ക്കു​ന്ന​തി​നും വി​വ​ര ശേ​ഖ​ര​ണ​ത്തി​നു​മാ​യി സ്വ​കാ​ര്യ ക​ൺ​സ​ൽ​ട്ട​ൻ​സി​യെ ചു​മ​ത​ല​പ്പെ​ടു​ത്തി.