ഹേമ കമ്മിറ്റി റിപ്പോർട്ട്: പൂഴ്ത്തിവെക്കാനാകാതെ വിവാദം

തി​രു​വ​ന​ന്ത​പു​രം: ഹേ​മ ക​മ്മി​റ്റി റി​പ്പോ​ർ​ട്ട് സ​ർ​ക്കാ​ർ പൂ​ഴ്ത്തി​വെ​ച്ച​തി​നെ​ച്ചൊ​ല്ലി സി.​പി.​എ​മ്മി​ലും താ​ര​സം​ഘ​ട​ന​യാ​യ അ​മ്മ​യി​ലും ഭി​ന്ന​ത രൂ​ക്ഷം. സ്ത്രീ​ക​ൾ​ക്കും കു​ട്ടി​ക​ൾ​ക്കു​മെ​തി​രാ​യ ലൈം​ഗി​കാ​തി​ക്ര​മ​ങ്ങ​ളെ​ക്കു​റി​ച്ച മൊ​ഴി​ക​ളും തെ​ളി​വു​ക​ളു​മ​ട​ക്കം സ​ര്‍ക്കാ​റി​ന്​ മു​ന്നി​ലെ​ത്തി​യി​ട്ടും ഇ​ത്ര​നാ​ള്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന​ട​ക്കം മൗ​നം​പാ​ലി​ച്ച​ത് പ്ര​തി​പ​ക്ഷ​ത്തി​ന് ആ​യു​ധം ന​ല്‍കു​ന്ന​തി​ന്​ തു​ല്യ​മാ​യെ​ന്ന് പാ​ര്‍ട്ടി​യി​ലെ മു​തി​ര്‍ന്ന നേ​താ​ക്ക​ളു​ള്‍പ്പെ​ടെ അ​ഭി​പ്രാ​യ​പ്പെ​ടു​ന്നു. മു​ഖ്യ​മ​ന്ത്രി​യു​ടെ​യും മു​ന്‍മ​ന്ത്രി എ.​കെ. ബാ​ല​ന്‍റെ​യും സാം​സ്കാ​രി​ക മ​ന്ത്രി സ​ജി ചെ​റി​യാ​ന്‍റെ​യും നി​ല​പാ​ടു​ക​ളോ​ട്​ ക​ടു​ത്ത വി​മ​ർ​ശ​ന​മാ​ണ് സി.​പി.​എ​മ്മി​ലും ഇ​ട​ത് മു​ന്ന​ണി​യി​ലും ഉ​യ​രു​ന്ന​ത്.

ഇ​ര​ക​ളു​ടെ പ​രാ​തി​യി​ല്ലാ​തെ നി​യ​മ​ന​ട​പ​ടി സാ​ധ്യ​മ​ല്ലെ​ന്ന് സ​ര്‍ക്കാ​റും ഒ​രു​വി​ഭാ​ഗം സി.​പി.​എം നേ​താ​ക്ക​ളും വാ​ദി​ക്കു​മ്പോ​ള്‍ പ​രാ​തി​യി​ല്ലാ​തെ കേ​സെ​ടു​ക്കാ​മെ​ന്നാ​ണ് മ​ന്ത്രി കെ.​എ​ന്‍. ബാ​ല​ഗോ​പാ​ല്‍ പ​റ​ഞ്ഞ​ത്. സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന​ട​ക്കം ഇ​തേ നി​ല​പാ​ടു​കാ​രാ​ണ്. സി​നി​മാ​രം​ഗ​ത്തെ പു​ഴു​ക്കു​ത്തു​ക​ളെ വെ​ള്ള​പൂ​ശാ​ന്‍ ന​ട​ത്തു​ന്ന ശ്ര​മ​മാ​യി സാം​സ്‌​കാ​രി​ക മ​ന്ത്രി​യു​ടെ വാ​ദ​ങ്ങ​ളെ പൊ​തു​സ​മൂ​ഹം സം​ശ​യി​ക്കു​ന്നെ​ന്നും പാ​ർ​ട്ടി​യി​ൽ അ​ഭി​പ്രാ​യ​മു​ണ്ട്. റി​പ്പോ​ർ​ട്ടി​ന്മേ​ലു​ള്ള സ​ർ​ക്കാ​ർ ന​ട​പ​ടി​ക​ളി​ൽ അ​തൃ​പ്തി അ​റി​യി​ച്ച് സി.​പി.​ഐ സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വം രം​ഗ​ത്തെ​ത്തി​യി​രു​ന്നു.

അ​തേ​സ​മ​യം റി​പ്പോ​ർ​ട്ട്​ സം​ബ​ന്ധി​ച്ച്​ അ​മ്മ​യി​ലും ഭി​ന്ന​ത രൂ​ക്ഷ​മാ​ണ്. റി​പ്പോ​ർ​ട്ട് സ്വാ​ഗ​തം ചെ​യ്ത ജ​ന​റ​ല്‍ സെ​ക്ര​ട്ട​റി സി​ദ്ദി​ഖ്, സി​നി​മാ​രം​ഗ​ത്തെ സ്ത്രീ​ക​ള്‍ക്കെ​തി​രാ​യ അ​തി​ക്ര​മ​ങ്ങ​ള്‍ ഒ​റ്റ​പ്പെ​ട്ട സം​ഭ​വ​ങ്ങ​ളാ​ണെ​ന്ന് അ​റി​യി​ച്ചു. സി​ദ്ദി​ഖി​ന്‍റെ നി​ല​പാ​ട് ത​ള്ളി വൈ​സ് പ്ര​സി​ഡ​ന്‍റ് ജ​ഗ​ദീ​ഷ് രം​ഗ​ത്തെ​ത്തി. ഒ​റ്റ​പ്പെ​ട്ട സം​ഭ​വ​മാ​ണെ​ന്ന് പ​റ​ഞ്ഞ് ഒ​ഴി​യു​ന്ന​ത് ശ​രി​യ​ല്ല. റി​പ്പോ​ര്‍ട്ടി​ലെ ആ​രോ​പ​ണ​വി​ധേ​യ​ര്‍ ശി​ക്ഷി​ക്ക​പ്പെ​ട​ണ​മെ​ന്നും അ​തി​നാ​യി അ​ന്വേ​ഷ​ണം അ​നി​വാ​ര്യ​മാ​ണെ​ന്നും ജ​ഗ​ദീ​ഷ് വ്യ​ക്ത​മാ​ക്കി. വി​ഷ​യ​ത്തി​ൽ അ​മ്മ പ്ര​തി​ക​രി​ക്കാ​ൻ വൈ​കി​യ​തി​ൽ വി​ഷ​മ​മു​ണ്ടെ​ന്ന് മ​റ്റൊ​രു വൈ​സ് പ്ര​സി​ഡ​ന്‍റ് ജ​യ​ൻ ചേ​ർ​ത്ത​ല​യും പ്ര​തി​ക​രി​ച്ചു.

റി​പ്പോ​ർ​ട്ടും പ​രാ​തി​ക​ളും പ​രി​ശോ​ധി​ച്ച് സ്വീ​ക​രി​ക്കാ​നു​ദ്ദേ​ശി​ക്കു​ന്ന ന​ട​പ​ടി​ക​ളെ​ക്കു​റി​ച്ച് ര​ണ്ടാ​ഴ്ച​ക്ക​കം ചീ​ഫ് സെ​ക്ര​ട്ട​റി​യും സം​സ്ഥാ​ന പൊ​ലീ​സ് മേ​ധാ​വി​യും റി​പ്പോ​ർ​ട്ട് ന​ൽ​ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു.

സെ​പ്റ്റം​ബ​റി​ൽ ക​ണ്ണൂ​ർ ഗെ​സ്റ്റ് ഹൗ​സി​ൽ ന​ട​ക്കു​ന്ന സി​റ്റി​ങ്ങി​ൽ കേ​സ് പ​രി​ഗ​ണി​ക്കും. റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ സ​മ​ഗ്ര അ​ന്വേ​ഷ​ണം പ്ര​ഖ്യാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​തി​പ​ക്ഷ​നേ​താ​വ് വി.​ഡി. സ​തീ​ശ​ൻ മു​ഖ്യ​മ​ന്ത്രി​ക്കും സി​നി​മ മ​ന്ത്രി സ​ജി ചെ​റി​യാ​നും ക​ത്ത്​ ന​ൽ​കി.